البلسوت & coverall

[HUMMER]

السلام عليكم ورحمة الله وبركاته

اخواني وزملائي في شركة نفط الكويت

ابي اطرح موضوع يمكن البعض موماخذ باله منه وهو البلسوت ؟!

طبعا توزع البلسوت اليدي بطلعت الروح ومشكورين الاخوان على التميز بالالون والخطوط وماقصرو

بس في نقطه ان البلسوت ياجماعه يضايق ليش مانطلب انهم يسون نفس شركة البترول الوطنيه

واعتقد الكل شاف لبسهم اليديد لغوا البلسوت وبدلوه بالقميص او الستره والبنطرون وايد اريح

وشكله حلو. والاخوان بشركة نفط الكويت مطبقين نظرية انك لازم تبين انك عامل بهالبلسوت

ارجو النظر في هالاقتراح اسوه بشركة البترول الوطنيه

مع خالص الشكر

 

[KOC_747]

إي واله يا أخوي كلامك مظبوط

السيفتي مو بس بلسوت قطعة وحدة ، وحتى البلوسوتات الجديدة كلها مو شي

يا يروح لونها من اول غسلة يا تكش وتوبر غير الضيج في بعض القياسات اللي مدري شلون صاير


ودك لو يردون الإنجليزي القديم وايد احسن

 

[HUMMER]

مشكور اخوي عالمرور والله هذي سمع اذني من التيم ليدر يقول انها مناقصات وموهامهم الموظف بس انا كتبتها اهني واتمنى انها
توصل للمسئولين ويدرسون الموضوع واهم شي لازم يحطونه بعين الاعتبار اهو الموظف وراحته بدوام ال12 ساعه

والله يكون بعونه

 

[Q8MAN]

اي والله انك صاج موظف Knbc ما يتعب نفسه بالروحات للمثنى كل شوي عشان يشتري بلسوت ديكيس اوريد وينق من الاحمدي شركته موفرة له الملابس المناسبة والله من اول ما دشيت الشركة ما لبست بلسوتهم الفاشل

 

[HUMMER]

ياجماعه خل نوصل صوتنا للمسؤلين انهم يغيرون طريقه لبسنا ترى ملينا من البسلوت والله فشله تستاذن من الدوام وعندك معامله وتروح ببلسوت حتى نظرت الناس لك غير لان المهندس واللي فوق كلهم قميص وبنطرون وانت يالعامل مبين من لبسك خلاص مانبي البلسوت لان موسيفتي ولاهو عملي والله يساعدنا لان ادري اذن من طين واذن من عجين

 

[mohammed]

هههههههههههههه
ما شاء الله يعني مو بس انا الي اروح المثنى
الله يعين البلسوت الجديد اتقول عين القطوه
على الخط الي يالمع الله المستعان

 

[المشاكس]

اصلاً حتى البلسوت الجديد مو سيفتي .... لأن يسبب كهرباء للجسم وايضاً موضد الحريق .. زين من الشركة غيرت النوع يعني هالنوع بنظر الشركة .. راقي ...

بس للعلم الكل يقدر يلبس بنطرون وقميص بالدوام .. بس ... إذا بتدخل البلانت .. داخل مركز التجميع لازم تلبس بيلسوت ... يعني تقدر تحط لك بيلسوت بالكبت وتلبسه بس بالدوام ... وهذا ألي قاعدين يسوونه المسؤليين

 

[BG. 1]

والله إنك صاج وخاصة للأحجام الكبيرة وأصحاب الكروش

أكثر من مليون مرة تم تبليغ المسئولين من تيم ليدر الي رئيس مجلس الإدارة

ودائما يوعدون خير وبالأخير خرطي

وحتي النقابة بهذا الموضوع ما سوت اي شيء

بس للعلم الكل يقدر يلبس بنطرون وقميص بالدوام .. بس ... إذا بتدخل البلانت .. داخل مركز التجميع لازم تلبس بيلسوت ... يعني تقدر تحط لك بيلسوت بالكبت وتلبسه بس بالدوام ... وهذا ألي قاعدين يسوونه المسؤليين

المشاكس بالنسبة لأهل السناتر شنو يسوون يلبس بنطلون واذا بدش البلانت يلبس بلسوت​

 

[مختبرجي]

خوش فكره يبيله

 

[KOC_747]

هههههههههههههه
ما شاء الله يعني مو بس انا الي اروح المثنى
الله يعين البلسوت الجديد اتقول عين القطوه
على الخط الي يالمع الله المستعان

المشكلة إن شكله نفس بلسوتات شركة الشيمبرجين واحيانا تلقى حتى الفايكوم تنكر يلبسون نفس التصميم ونفس اللون بس فرق السما عن الأرض من حقين الشركة

 

[المشاكس]

برقان1 .... تقدر تلبس البيلسوت فوق ملابسك بالفتره ألي تبي تروح فيها البلانت ويمكن تلاحظ هذا الشي لما يزوركم التيم ليدر يكون لابس البيلسوت فق ملابسة
على العموم من يعرف قانون لبس البيلسوت عند العلاقات الصناعية ؟

 

[A/KARIM]

خووووووووووووووووووووووووووووووووووووووش فكره

 

[HUMMER]

يااخوان احنا نبي شي يريحنا بالدوام ولا تنسون احنا دوامنا 12 ساعه يعني البلسوت حده موشي
واذا على القميص والبطرون انت مو اداري علشان تلبس جذي انت داخل الفيد

وشكرا

 

[جونم جقرم]

يا اخواان انا اقوول يخلوونا نفس نظاام العسكرية اهم يعطوونك الخاامه وانت ترووح تفصلهاا علي رااحتك او انك تشتري البيلسووت وتفصله واهم يعطوونك عليييه الشاارج
لانه الصرااحه الخاامه هذي جداا تعيسه وتكش من اول غسله

 

[moh83]

خلصنا من بلسوت إلي تغسله بالماي يصير برموده
جابولنا الله يعطيهم العافيه بلسوت إلي بنص البطن ضيق كشكل حلوو بس مو مريح
و أنا أأيد البنطلون والقميص و احنا نستاهل نطلب ونتشرط ....

 

[Q8MAN]

اي والله نبي قميص وبنطلون ( ماركة انرجي ) نبي نكشخ واحنا رايحين الدوام

 

[M7MD]

ما دام السالفه اقتراحات انا من رأي يعطونا شماغ + وزار + تي شيرت أبيض + مهفه وسلامتكم مجرد رأي )

 

[KOC FIRE]

صبــــــــــــــاح الخـــــــــــــــير

يأخوي زين عطونى البلسوت اليديد زين منها الشركة جنه الي بالخطوط السريعه ابو لنبه مادري لا بعد سنتين يصرفولنى بلسوتات لين اتقطع ياحبيايبي احنى نحمد ربنى على البلسوت الجمــــــــــــــــــــــــــيل

 

[المشاكس]

محمد .... تدري أن قبل كانو يصرفون شمغ حق الموظفين ... بس بعد ماصارت حادثه حق واحد من الموظفين بسبت الشماغ وقفوهم ترا حتى الدشداشه تعتبر سيفتي بشكل عام بس المشكلة بنوع الخام ولا كا تصميم مافي شي ..... لأن من شروط البيلسوت مايكون فيه ... حزام ...

 

[KOC_747]

ما دام السالفه اقتراحات انا من رأي يعطونا شماغ + وزار + تي شيرت أبيض + مهفه وسلامتكم مجرد رأي )

نسيت حطب الدامه


أضحك الله سنك أخوي