فتح باب التسجيل لنظام البعثات 2008-2009

[jajs04]

للأسف مؤسسة البترول الكويتية توفر ثلاث مقاعد فقط لشركة نفط الكويت لدراسة بكالوريوس أو ماجستير أو دكتوراه مع إن عدد العاملين في الشركة 6500 موظف ناهيك عن الشروط التعجيزية للقبول ومنها توفل 550 لكل الشهادات (بكالوريوس + ماجستير + دكتوراه) ونسبة ثانوية 70% لبعثة الباكالوريوس ؟؟

روح شوف الوزارات .... يدللون على الي يبي يدرس بره عسى ما تقول أبــ ... إلا دزوك على التخصص الي تبي

شلون ترتقي العمالة في القطاع النفطي إذا موضوع البعثات مصعبينه !

 

[Shoomy]

الله كريم ياخوي

انا قريت وضاق خلقي

 

[Q8_oil]

أنا قلتها لكم من زمان إنه القطاع النفطي مظلوم بالديرة و بتم جذي
6500‏ موظف بس تاخذون 3!
عشان يقولون إحنا قاعدين إندزهم بس إسم والشرهة عالنقابة التعيسة إللي ساكته لازم تقول يا تدزون عدد زين أو محد يروح

 

[ابومحمد]

صج مشكلة!!
اذا ما غيروا اصحاب العقليات المتحجرة والى اكثرهم جايين بالواسطة بعدوهم حسوديين...على الديره السلام

 

[أبو خالد]

والتخصصات ..!!

 

[jajs04]

والتخصصات ..!!

التخصصات طال عمرك كالآتي:

1- شهادة الباكالوريوس:
* هندسة بترول
* هندسة آلات دقيقة

2- شهادة الماجستير:
* هندسة بترول
* هندسة ميكانيكية
* هندسة كيميائية
* هندسة آلات دقيقة
* جيولوجيا
* جيوفيزيا

3- شهادة الدكتوراة:
* هندسة بترول
* جيولوجيا
* جيوفيزيا


وكل سنة تتغير التخصصات حسب الحاجة

 

[Winchester]

الصراحة شروطهم تعجيزية

الله يرحم ايام اللي راحوا بدون توفل

 

[jajs04]

التفرغ الدراسي

حتى لو تبي تدرس على حسابك وتاخذ إجازة من غير راتب ما يخلونك
راح يقولون قدم استقالتك و روح موت أو ادرس أو سو اللي تبيه مالنا شغل فيك!
كأنك قاعد بسجن ، تلقى نفسك شايب وصاحب الشهادات اللي كبر أحفادك يقولك ليش مداوم متأخر؟

 

[skipper]

طبعا مافي ولا تخصص بحري يعني انسى ماراح يحشونا شي يالبحريه
لاقريدات لا ابعثات دراسيه
ولا شي ولا شي ولاشي

 

[باش دبلوم]

ماشافوا الشركات النفطيه الخليجيه شلون تدز موظفينها بالمئات للدراسه وتصرف عليهم وعلى عوايلهم لانهم عارفين ان الشباب هم ثروة البلد وهم اللى راح يقدمون ويعطون لبلدهم وهم اللى قاعدين والاجنبى متى ماحصل فرصة عمل ثانيه بينحاش

 

[jajs04]

ماشافوا الشركات النفطيه الخليجيه شلون تدز موظفينها بالمئات للدراسه وتصرف عليهم وعلى عوايلهم لانهم عارفين ان الشباب هم ثروة البلد وهم اللى راح يقدمون ويعطون لبلدهم وهم اللى قاعدين والاجنبى متى ماحصل فرصة عمل ثانيه بينحاش

إي والله هذي نقط مهمة

المفروض يطورون شبابنا عشان يحلون محل الأجانب
نسينا سالفة التكويت !
خلني ساكت ما نبي نتكلم عن الوفود اللي تروح الهند ومصر عشان تعين مهندسين على درجة 15
هذا بدال ما يودون شباب الديرة بعثات

 

[PetroleumENG]

بالنسبة لموظفي عمليات الوفرة المشتركة (kgoc):

1. هل بعثات الماجستير المقدمة من المؤسسة تشمل موظفي ال (kgoc)؟

إذا الاجابة كانت نعم، فكم مقعد مخصص لهم، وبعد كم سنة من التوظيف يستطيع الموظف التقديم؟

 

[jajs04]

بالنسبة لموظفي عمليات الوفرة المشتركة (kgoc):

1. هل بعثات الماجستير المقدمة من المؤسسة تشمل موظفي ال (kgoc)؟

إذا الاجابة كانت نعم، فكم مقعد مخصص لهم، وبعد كم سنة من التوظيف يستطيع الموظف التقديم؟

مؤسسة البترول ترسل كتاب حق كل شركة بالتخصصات الي تبيها كل شركة مع عدد المقاعد
وبالتالي كل شركة تنزل تعميم داخلي كل شركة غير عن الثانية
الخلاصة: ما عندي علم بشركتكم بس أكيد مكتبkgoc الأحمدي يفيدك ... دق عليهم

 

[HUMMER]

والكراسي الثلاثه حق الواسطات الثلاثه
والله يكون بعون الجميع

 

[بلاوي]

واللي عنده دبلوم هندسة بترول يقبلونه ؟

 

[jajs04]

واللي عنده دبلوم هندسة بترول يقبلونه ؟

طبعا يقبلونه والجامعة الأمريكية راح تعادل الدبلوم وانشاء الله تاخذ الهندسة بأقل من ثلاث سنين

إذا انطبقت عليك شروط البعثة!

 

[كويتي]

إي والله هذي نقط مهمة

المفروض يطورون شبابنا عشان يحلون محل الأجانب
نسينا سالفة التكويت !
خلني ساكت ما نبي نتكلم عن الوفود اللي تروح الهند ومصر عشان تعين مهندسين على درجة 15
هذا بدال ما يودون شباب الديرة بعثات

أثني على كلامك؛ و للعلم قاموا بذلك بدون تعميم داخلي ولا حتى بالشركات النفطية الشقيقة كما هو مفروض؛

يقولون تكويت و عدد الأجانب بإزدياد مضطرد؛ و عيال بطنها مو لاقين شغل؛


ما أقول إلا؛​

أفـق أيــها العمـــلاق،؛،

 

[al-khaldi]

اي والله كلامك صح......