قصيده تعبر عن نفسها

jarah

بـترولـي جـديـد
ياسوق الاسهم ليش حـرب الابـاده
ساويت خلق آلَله صاحـي ومجنـون
وخليـت عرضـك للمخاليـق عـاده
نـاس يزكونـك ونــاس يـذمـون
مافيـه مـن خيـرك رفـابـه وزاده
جميع مـن طبـوا بسوقـك يعانـون
وكل ن صرفته عن هـواه ومـراده
حتى الضعيف اللي مسيره على شوون
ميت وعينـه مثـل عيـن الجـراده
يرقب هواميـر الربـا وش يسـوون
ياللـي تعبـدون الدراهـم اعـبـاده
الله علم فـي الآخـره وش تلاقـون
لاصار ربـي ماكتـب لـي سعـاده
وش عاد لو مالي مثل مـال قـارون
بالعكـس يمكنـه يـزيـد النـكـاده
ويهدني واصير مـن دون فـي دون
وياللـي ورا الدنيـا تريـد الزيـاده
ماسرت النمـرود قبلـك و فرعـون
اللـي لهـم فيهـا نفـود وريــاده
راحوا وكنهـم فوقهـا لـم يكونـون
واحد من الباعـوض وصلـه نفـاده
وواحد هلك مع درب موسى وهارون
وياللي طلبـت العلـم هـاك الافـاده
لاصـرت متريـح ولانـي بمفتـون
وفيني القناعـه والـوَرَعَ والزهـاده
ومتعافي وساترنـي امكـون الكـون
فحتى لو اسكن تحت عـود الكـداده
في خاطري تسـوى ثمانيـن مليـون
 
أعلى