حقوق الموظفين

[brilliant]

السلام عليكم

اخواني حبيت انشارك جميعنا في هالموضوع والي من خلاله نظع حقوق الموظف لدى الشركة والي تقريبا بتكون متشابهه في جميع الشركات

هناك الكثير من الحقوق اطوفنا من غير لا نستفيد منها لجهلنا فيها وعدم الاطلاع

انا بظع بعظ هالحقوق واتمنا اتكون مشاركاتكم اما قانون او حق او ميزه ربما الكثير منا يجهلها

وانا ببلش بهالكم ميزه ربما تكون معروفه لكم لكن ربما يجهلها الكثير



-----------------------------------

اجازة 3 ايام للرجل في حالة الله رزقة مولود جديد

----------------------------------

تامين شامل لكل موظف في حالة اصابتة اي اصابة او كسر او جرح في العمل

---------------------------------

راتب مجاني واجازة اسبوع للعريس الجديد

-------------------------------

بدل ايجار اظافي 150 دينار لدرجة 13 ومافوق

------------------------------

بدل الاثاث يصبح 2500 دينار لدرجة 13 ومافوق

-----------------------------

عند السفر بالخارج عالج من اي مستشفى واخذ منهم الفواتير وقدمها على قسم التعويضات ينظرون لموضوعها ويعوضونك حسب الحاله

----------------------------

عند الحاجة للعلاج بالخارج وتاخرت وزارة الصحة في الاجراءات قدم على العلاج بالخارج في مستشفى الاحمدي وبيسون لجنه ينظرون في الحالة ويرسلونك على حساب الشركة

---------------------------

لكل شركة نادي خاص لموظفينها
مثلا الـ KPC نادي راس البحري
الـ PIC نادي بوبيان
الباجي مادري شنو نواديهم

-------------------------

يحقلك تظيف اخوانك يعالجون في مستشفى الاحمدي في حالة انت الي تعيلهم ونفس عنوانك

--------------------------

هذا الي قدرت اتذكره واتمنى منكم المشاركة بالي تعرفونه من مميزات لتعم الفائدة للكل

 

[fqallaf]

هذه الشروط تنطبق على الموظفين الذكور فقط؟؟

 

[صخرة رسوبية]

انا اقترح اجازة حق الي تتعب نفسيته

 

[brilliant]

تنطبق على الاناث في حال عدم تمتع الزوج بالميزة من دوامة

 

[fqallaf]

آنا توني سائلة في مستشفى الKOC بالنسبة لفتح ملف لأخوتي، قالولي الوالد والوالدة فقط إذا كنت أنا المعيلة لهم ومقيمة في نفس العنوان.

 

[brilliant]

تسالين قسم شؤون الموظفين عن الاجراءات بس مادري يوافقون في حالة وجود الوالد

 

[فيصل الكندري]

السلام عليكم


------------------------------

بدل الاثاث يصبح 2500 دينار لدرجة 13 ومافوق

-----------------------------

مشكور اخوى على الفايده والله يجزاك خير

بالنسبه لبدل الاثاث اذا استلمته مثلا على الدرجه 12 بدل الاثاث فيها 1000 دينار .. ورقوك للدرجه 13 ما يعطونك الفرقيه

السلام عليكم

-------------------------

يحقلك تظيف اخوانك يعالجون في مستشفى الاحمدي في حالة انت الي تعيلهم ونفس عنوانك

--------------------------

بالنسبه للأخوان ما تقدر تضيفهم حتى لو كنت معيل ... بس الاب والام ويكونون معاك بنفس العنوان

 

[المشاكس]

بالنسبه للأجازات يحق لك 10 ايام بالسنه إذا دخل أي واحد من افراد الأسره المستشفى لاقدر الله

الوالد - الوالده - الزوجه - الأولاد .... طبعاً تحسب من دخولهم المستشفى حتى الخروج

إجازة بدون راتب لمدة 28 يوم ... في حالة أستنفذت جميع رصيدك من الإجازات

إجازة الحج لمدة 28 يوم مرة واحده خلال الخدمة

 

[الناهض]

السلام عليكم
مشرفا اشلونك؟؟
حبيت اظيف جم حق من حقوقنا يمكن مايكون علي بال احد
في عندنا قرض ممكن يحصل عليه الموظف من الشركه ويكون كل 5 سنوات مره وحده
وممكن يكون علي سنتين او سنه ((بدون فوائد))
ويتراوح علي حسب معاشك ممكن دبل ونص او دبلين
ملاحظه;
لايعطي القرض للموظف الذي خدمته اقل من 5 سنوات

في حق بعد الى اهو انك تقدر تاخذ من راتبك مقدما قبل لاينزل الراتب عن طريق المحاسبه
يعني مفلس اخر الشهر مر المحاسبه وقولم ابي من راتبي جزء ويعطونك علي طول
هم ملاحظه:
يعطي جزء من الراتب كل شهر
ويعطي بحسب ايام عملك كل مازاد ايام عملك زاد الجزء
اتمني اكون فتكم بشئ بسيط
لكم الشكر....

 

[الناهض]

لحظه لحظه شباب باقي جم شغله بعد
لو ابوك او امك فيهم سكر لاسمح الله ممكن يحصل علي جهاز فحص السكر مجانا من المستشفي
ولو نظرهم تعبان هم يعطونك قيمت النظاره يطلبون انك تفصلها ويعطونك فلوسها
ناسف للازعاج ياشباب...

 

[فيصل الكندري]

المستشفى يطلب هويه الموظف + البطاقات المدنيه للموظف والوالدين (لازم نفس العنوان) .. ويفتحون لهم ملف ... وما يحتاج اثبات انك معيل لهم ..

اما الاخوان فما يقدر الموظف يفتح لهم ملفات ...

 

[brilliant]

يقدر الموظف يفتح ملف للاخوان في حالة وفات الوالد وانت الي تعيلهم ولها اجراءات وطلبات
يكونون نفس العنوان ويطلبون ورقه من المختار وشهادات من التامينات انهم غير موظفين

 

[Shoomy]

مشكوووور وماقصرت يا مشرفنا بريليينت

ومشكورين يا باقي الاعضاء على اظافاتكم للموضوع

تقبل مروري

تحياتي

 

[Green Tea]

خوووووووووووووووووووش موضوووع

 

[pehasan]

ياجماعه انا بال كي او سي
عندهم نادي صحي الي بفندق كراون بلازا سعر اشتراكه 270 بالسنه يعني 22 ونص بالشهر
اذا رحت ودفعت هناك اطلب منهم ورقه حق الكي او سي
والشركه تنزلك 108 دنانير بمعاشك لان عندهم عرض وشذيه يطلع اشتراكك بالسنه 162بالسنه يعني بالشهر 13 ونص

انا مشترك والنادي الصحي اكثر من ممتاز حمام سباحه في صالات مفصوله للرجال والبنات وفي صالات مكس حق الي بيشترك مع اهله
والي يشتغلون هناك اكثر من روعه والجميل بالنادي انه راح يتوسع وبيصير الاضخم بالكويت خلال ثلاث شهور
تدرون من حظي اشتركت بالفتره سنه والنادي عطوني 6 اشهر زياده يعني عندي اشتراك 18 شهر بسعر 162يعني اشتراكي 9 دنانير بالشهر شراااااااااااااايكم والى مومصدقني يروع مبنى الحبارى يسال هناك او يروح النادي الصحي الي بكراون بلازا ويسال عن عرض الكي او سي

 

[نفطي كويتي]

مشكوووور وماقصرت يا مشرفنا