إعلان توظيف جديد : لحديثي التخرج - للكويتيين فقط

microglitter

بـترولـي جـديـد
مساء الخير..

حبيت اسأل بخصوص تخصص علوم بيئيه..للعلم ترى ماكو بكلية العلوم جامعة الكويت هالتخصص!! شلون طالبينه اذا هذي اول سنه يطرح بجامعة الكويت تخصص ماجستير علوم بيئيه وليس باكلورياس!!

بصراحه رحت الصبح سألت ومالقيت اجابه شافيه؟؟

وما هو تخصص السلامه؟؟؟ صراحه اول مره اسمع فيه!!!

يا ليت اللي يعرف يفيدنا
 

sugar_979

بـترولـي جـديـد
بخصوص تخصص علوم بيئيه
انا تخصصي جيولوجيا بقسم علوم الأرض والبيئه
اتوقع نفس الشي ... بسجل والله كريم ان شاءالله يقبلون
 

eng_nour

بـترولـي نشيط
السلام عليكم ....

من الصبح وانا اعبي بالابلكيشن عيزت ما بقى كمبيوتر ما جرب اسجل فيه مو راضي يرسل البيانات ،، شسوي؟؟ مادري انرسل لهم او لا ،، شلون انعرف يدزون ايميل اذا استلموا الاستمارة؟؟
 

.KNPC

بـترولـي نشيط
الله يسمع منك أخوي
قبل فترة سألتهم إذا تخصصي إدارة نظم معلومات مطلوبة ولا لا؟
قالولي إي حتى إذكروا لي تخصصات ثانية..

:confused: احترت معاهم بصراحة

اي صح هم تخصصج مطلوب بشركتنا اشوف ياخذون عدد معقول سنة الي طافت وهمن بعد تخصص جيلوجيا وهندسة كمبيوتر وهندسة مدنيه ومحاسبة وادارة اعمال وعلوم كمبيوتر وهندسة كهربا كل سنه ياخذون منهم وايد

ترا سنة الي طافت نزلو اعلان تقريبا حق 20 تخصص جامعي وراها باسبوعين ذادو عليهم جم تخصص منهم على ما اذكر تخصص اعلام وتخصص تكنولوجيا معلومات اكيد بسبة واسطات وهمن وراها ذادو مدة الاعلان خلوها شهرين بعد ماكان 3 اسابيع

بالكويت كل شي يصير لاتحاتون

:)
 

مي مي

بـترولـي جـديـد
eng_nour
اذا ارسلتي بياناتج راح يدزولج ايميل
وبنفس صفحه الابليكيشن راح يقولج ان انحفظت واندزت
 

engineerah1

بـترولـي جـديـد
يا جماعة شلون أخليهم 2 ميجا !!

ماكو فايدة عيزت اصغر و اقصص

حاول تخليهم على الword وصغرهم كثر ماتقدر لان نفس الشي صار معاي تقريبا كل ملف بروحه خليت حجمه 30 كليوبايت بس ملف الشهادة (education certificate )تقريا صارلي 1.83 ميغابايت كلهم على بعضهم 2.002 ميغا بايت
 

Workers

إدارة المنتدى
تعليمــــات لإرفــاق المستنــدات

--------------------------------------------------------------------------------


1- يجـب ألا يتجـاوز الحجـم الكلـي للمرفـقـات عـن (2.0 ميجا بايت) (2048 كيلو بايت).

2- يجـب أن تكـون الوئائـق التـي تم مسحهـا ضوئيـاً بالأبيـض والأسـود لتقليـل حـجم الملـف، عـدا صـورة شخصيـة بحجـم صورة الجواز السفر يجـب أن تكـون بالألـوان.

3- نوع الملف المسمـوح ارفاقه هو (jpg/.gif/.pdf/.doc.)، علمـا بأن النظام سيرفض أي نوع آخر عدا النوعين المذكورين.

4- يجـب إرسـال آخر الشهـادات الدراسيـة أودورات التدريبيـة حصلت عليهـا.

5- يسمح بارفـاق مستنـد واحـد فقـط لكل بنـد ، فـي حـال وجـود أكثـر مـن مستنـد يجـب أضافـته فـي نفـس الملـف.
 

Rihanna

بـترولـي جـديـد
السلام عليكم
دورت تخصصي بالاعلان ومالقيته (وسائط متعدده"Multimedia")
يعني راح علي الاعلان؟؟ :(
 

xps

بـترولـي جـديـد
طريقة تصغير الصور بالنسبه للمرفقات

1 - فتح المرفق المراد رفعه


2- ضغط المفتاح( PRNT SCRN) على الصوره موجود فوق بسطرة F12 F1

بعض الكمبيوترات تختلف مكان وجودها والبعض الاخر لكي تفعل هذا الزر

يوجد مفتاح (FN) + PRENT SCRN









فتح برنامج الرسام

ثم الضغط على مفتاحين CTRL+V

راح تنطبع الصوره

ولتصغير الصوره استخدم المربع فوق على اليسار لقص الزاويه التي تريد




اتمنى التوفيق لكل اخواني وخواتي
 

Eng.A

بـترولـي جـديـد
حاول تخليهم على الword وصغرهم كثر ماتقدر لان نفس الشي صار معاي تقريبا كل ملف بروحه خليت حجمه 30 كليوبايت بس ملف الشهادة (education certificate )تقريا صارلي 1.83 ميغابايت كلهم على بعضهم 2.002 ميغا بايت

اذا صغرتهم حيل ماراح يبينوون :(
 

Actor

بـترولـي جـديـد
السلام عليكم

ممكن استفسار اخواني انا عندي بكالوريوس هندسة كهربائية
اقدر اسجل على انها الالات الدقيقة
للعلم انها من ضمن تخصصات الكهرباء الالات الدقيقة
 

فيصل العجمي

مؤسس المنتدى
أعضاء الشرف
السلام عليكم ورحمة الله وبركاته

كل صوره خل مقاساتها 700 في 400 بسكل مثلا
ماراح يتعدى حجمها 200 كيلو بايت

يعني لو بتسوي عشر صور راح يكفيها

جرب عدل المقاسات عن طريق الفوتوشوب وراح تتعدل وياك الاحجام ان شاءالله

بالنسبه للتخصصات اخوي اكتور من الافضل انك تتصل فيهم وتستفسر
 
أعلى