مصلى النساء في مركز التدريب البترولي !!!

[زهرة التوليب]

للأسف شي يفشل لما نشوف مصلى النساء شبره حاطينها عند مصافط السيارات !!

وغير جذيس الوحده خربانه يعني الوحده تروح تبي تصلي تخيس في هالشبره !!

يعني كل هالمبنى والخبه وبالأخير مافي مصلى للنساء ؟
مسون لهم شبره صغيره قاطينها بره المبنى !!

ودي اعرف رايكم في هالموضوع واشوف تفاعلكم

 

[brilliant]

للاسف هالشي يقل الاهتمام فيه عند تصميم اي مبنى
نتمنى الموضوع يوصل للمسؤولين وياخذون فيه قرار بسرع وقت

 

[زهرة التوليب]

تسلم اخوي brilliant على تفاعلك وتواصلك بالموضوع

اتمنى هالشي يوصل للمسؤولين ويهتمون اكثر خاصه في أماكن المصلى سواء لرجال او النساء

 

[mofraka]

روحوا كلموها مو تقول إنه بابها مبطل للكل

 

[عاشق ال KPC]

المصلى

المفروض المصلى أهم شي اختي ليش ما تقترحون عليهم يقسمون مصلى الرجال نصفين

 

[Future man]

كلامج عدل وإذا كان عذرهم مافي مكان أنا لقيت مكان

الكافتريا اللي فوق عند مصلى الرجال ماعمرها إنترست ليش ما ياخذون منها جم متر ويسون مصلى للنساء

 

[إعلامية KPC]

بصراحة لا تعليق
يعني ما ادري شنو اقول
على العموم ان شاء الله صوتك يوصل
وتنحل القصة

 

[زهرة التوليب]

انا بصراحه موظفه في شركة البترول الوطنيه
بس احيانا يكون عندي كورسات في الptc

يعني المصلى مو بس حق موظفين المؤسسة !!
المصلى حق كل الموظفات اللي يكون عندهم كورسات في مبنى التدريب
المفروض يكون اكبر ومكانه احسن من هالمكان

ومنا الى المسؤولين في مبنى التدريب البترولي
ان شاء الله يوصل صوتنا ويحاولون يغيرون مكان مصلى النساء

اشكر كل من تفاعل مع الموضوع

ما قصرتوا يعطيكم الف عافيه

 

[Shoomy]

بصراحه بصراحه
انا كنت ماخذع كورس بمركز التدريب
ولمن سالت عن المصلى ودلوني اياه
عبالي يتغشمرون والله

ماصدقت وطاف ... ييت ثاني يوم وسالت اشخاص ثانيين ودلوني نفس المكان

انصدمت يعني شبره 2 في 3 وامه محمد تبي تصلي شلون؟؟


الله كريم بس

 

[D.M.D]

السلام عليكم
أنا اتمنى من المسؤولين انهم يهتمون بالمصليات أكثر من مكاتب المدراء , لان مكتب المسؤول او المدير خلال بضعة ايام تلقاه جاهز ومجهز بأحسن الاثاث , اما لو كان مصلى سواء مصلى رجال او نساء تلقاه مهمل ,
وياريت انهم يهتمون بالمصليات اكثر .
وياريت ماينسون مصلى مستشفى الاحمدي لان ضيق ولا يستوعب المصلين .
وشكرااااا

 

[brilliant]

نرجوا من جميع الاخوات جمع تواقيع البنات بالاسماء والارقام الوظيفيه
وتقديم شكوى رسمية للعضوا المنتدب للتدريب (شذى الصباح)
وارفاق التواقيع مع الشكوى في ايميل
وارساله لها
وهذا ايميلها
shatha@kpc.com.kw

وانشالله انها ما راح تقصر

 

[Green Tea]

ليش ماتصلون اب مكاتبكم ؟

 

[brilliant]

يقولون مركز التدريب
مركز التدريب مكان تروحين له تاخذين دورات ماكو مكاتب

 

[العضو المنتدب]

أنا لاحظت إن اغلب المراكز والمكاتب الرئيسية يكون أخر ما يفكر ببناءه هو المساجد ، ياسبحان الله وهذا إحنا مسلمين وبلد مسلم

اللي المسجد جينكو واللي المسجد غرفة زايدة حطو جم زولية وقرآن وستاندات وقالوا هذا مصلى

هذا يعطي دليل إن ربعنا مايعرفون الله عدل أول شيء مكاتبهم ومواقعها وبعدين بيت الله - الله المستعان

 

[زهرة التوليب]

بصراحه بصراحه
انا كنت ماخذع كورس بمركز التدريب
ولمن سالت عن المصلى ودلوني اياه
عبالي يتغشمرون والله

ماصدقت وطاف ... ييت ثاني يوم وسالت اشخاص ثانيين ودلوني نفس المكان

انصدمت يعني شبره 2 في 3 وامه محمد تبي تصلي شلون؟؟


الله كريم بس

انا مثلج والله انصدمت يوم شفت المصلى !!!
قاطينه عند مصافط السيارات وصغير وحتى التكيف خربان !!

استغفر الله يعني لي هالدرجه استهتار ؟

والله انا قمت اصلي في دوامي قبل لا اروح الكورس
ولا هالبهذله

 

[Green Tea]

يقولون مركز التدريب
مركز التدريب مكان تروحين له تاخذين دورات ماكو مكاتب

آها
مايصير جذي عاد أهم شي المصلى

 

[سالم الخالدي]

السلام عليكم ورحمة الله وبركاته


بصراحة فعلا الموضوع مخزي ويفشل


تخيلوا الحين لو طلب المعلمين والمعلمات في هذا المركز غرفة للتدخين أو الرياضة

ما أظن المؤسسة راح تبخل عليهم


وكلنا أمل من الأخت شذى الصباح أسأل الله أن يجعلها ذخرا لأخوانها بأن تنظر في هذا الأمر وتبشرنا بأنه قد تم حله

وماهو ببعيد عن تاريخها الوظيفي المليء بالمنفعة للموظفين

 

[q8security]

بصراحة انا شفت المصلى

عباره عن كيربي

مايتجاوز 4 في 4 تقريبا


وبرى المبنى صوب مصافط الزوار


بصراحة مهتمين بامور ثانية غيره؟؟؟؟؟؟؟؟؟؟؟؟؟

 

[brilliant]

المصيبه ان غرفة تدخين السيدات احلا بمليون مره من المصلى

 

[زهرة التوليب]

بعد مسوين غرفه تدخين حق السيدات

والمصلى كيربي؟؟

استغفر الله تحسون اخر شي فكروا فيه المصلى