الحكومة تدرس رفع القرض الاسكاني إلى 100 ألف بدلاً من إسقاط القروض

صحفي

بـترولـي جـديـد
| كتب رضا السناري |


كشفت مصادر مطلعة لـ «الراي» أن جهة حكومية، لم توضح ان كانت مجلس الوزراء أو وزارة مالية، طلبت أخيراً من احدى الجهات البحثية اعداد دراسة عن امكان رفع قيمة القرض الاسكاني الذي يمنح للمواطنين من 70 الف الى 100 الف دينار، كبديل للمطالبات النيابية باسقاط القروض عن المواطنين، مشيرة الى ان الجهة البحثية «ستدرس في هذا الخصوص كلفة الخيارين وتأثير كل منهما على الاقتصاد الوطني».
وبينت المصادر ان الاقتراح عبارة عن رفع سقف القرض الاسكاني الى 100 الف دينار، مع تخصيص جزء منه لتسديد القروض، وفي هذه الحالة يقوم المواطن بتسديد مديونيته لبنك التسليف والادخار من دون اي فوائد، وفقاً للشروط المعروفة في هذا الشأن.
واضافت المصادر ان شريحة المواطنين التي حصلت على سقف الـ 70 الف دينار، سيكون من حقها في حال ثبوت جدوى هذا الخيار، وموافقة القنوات الشرعية عليه الحصول على 30 الف دينار من بنك التسليف ليضاف الى اجمالي قرضها، أما شريحة المواطنين غير المطالبة بأي قروض، فيمكنها الاستفادة من هذا الخيار عبر الحصول على سقف أعلى من قرض الاسكان حسب المصادر.

المصدر الراي

صحفي
 

زهرة التوليب

بـترولـي خـاص
مو خوش خبر

بالله الواحد اشلون يقدر ياخذ قرض الاسكان اذا كان عنده مديونه نص الراتب واكثر من نص الراتب ؟؟
يعني ماراح تفيد الكل

خل يطيحون الفوائد على الأقل علشان الواحد يقدر يشتري بيت
 

hasanqasem

موقوف
هالخبر سامع فيه من قبل سنه واهم بسسسسسسسس حجي وابر تخدير ,, انا خو خذيت قرض وبرمم البيت والحمدلله يت الزيادة عشان تغطي :)
 

Mr. Engineer

بـترولـي مميز
يا جماعة إذا زادوا القرض الإسكاني راح تزيد أسعار العقارات بنفس النسبة

يعني لا طبنا و لا غدا الشر
 

Network

بـترولـي نشيط
على قولتك Mr. Engineer إحنا مو ناقصين رفع أسعار بعد
والله ألحين إلي عنده بيت لو إهو سكراب غرفه و صاله يعجعج فيه
كنا وييييييييين و وصلنا وييييييييين
!!!!!!!!!!!!!!!!!!!!!!!!!!!!!!!!!!!!!!!!!
 

LaRambla

بـترولـي خـاص
أعضاء الشرف
حكومة تفشل اقتراحاتها دايم تضحك


بالله عليكم اذا زادو هالثلاثين الف جم راح تصير اسعار البيوت

تحس الحكومة كل شغلها حق التجار والمواطن خله يحتسب لين ما يجيب اجلهم باذن الله
 

The^Queen

بـترولـي نشيط جدا
الحين بيدرسوووووووووون حتا مو توصلو لقرار ب يدرسون يرفعون القرض الي 100 الف بدال السبعين الف؟
حتا لو وصلو القرض 150 الف مايسوي شيييييي
بترتفع فوايد البنوك
وبتوصل الارض الداخليه ومساحتها بعد 375 لين نص مليون


اكو احد ياجر بيت ب 3000 !!! والله العظيم ترس الوسيط والصفاه والصدي الاجارات تبتدي من 1200 واذا تبون شي زين يصير ب 2000 وشي
ليش وين ماجرين وشنو الفيو مال القصر اللي بالفرنش ريفيرا !!!!
اكو ادواااااار ب 600 وفووووووووووووووووووووق غير بالكويت ودبي !!!
دبي مفهومه زياده اجارتهم احنا ليش؟

يعني معقوله كل الشعب مستوا دخله الشهري يعادل 10000 لان 3000 البيت وبقا الجمعيه 2000 وقسط سياره 200 والباجي مصرف اليهال وهذا اكيد عيالهم بحكومه لان الخاص تبتدي اسعار الروضه ب 1000
مافي حل
وانسو تشترون ابيوت
شكلنا بناجر الاجانب علي حولي او بنسكن بالبر ارخض
 

Green Tea

بـترولـي مميز
مانبي يسقطون القروض ولا رفع القروووض
اهما خل يراقبون الاسعار بس
الحين مالك امل تاخذ بيت الا اذا كنت مليونير
 

The^Queen

بـترولـي نشيط جدا
شكلنا بنرد نفس ايام اول بيت العائله الكبير الابو مايخلي عياله يطلعون بره البيت لي تزوجو يبلهم بنفس البيت اوفر من اجارات ولان ماكو امل ببيوت :(


الله يعين ام الصبيان علي الحناين
 

Lover_Q8

بـترولـي نشيط
شكلنا بنرد نفس ايام اول بيت العائله الكبير الابو مايخلي عياله يطلعون بره البيت لي تزوجو يبلهم بنفس البيت اوفر من اجارات ولان ماكو امل ببيوت :(


الله يعين ام الصبيان علي الحناين



:D


الحلو بالموضوع انه كل مازاد سعر النفط كل مازادت مشاكل المواطن العادي :(

تدرون ليش :confused:


لان فلوس النفط تروح للتجار وماتوصل للغلبان صاحب الدخل الثابت :( :(
 

frfosha

بـترولـي مميز
اذا ارفعو قيمة القرض الاسكاني لا بالله كدينا خير وعقارك راح يصير دبل السعر الحالي ، يعني حتى باجر جبد اسعار ها راح تصير بالـ300 الف وفوق وطبعا المساحه يمكن 400 ، لا يبه ما نبي وهذا مو حل بصراحه واهم يبون يغرقون هالناس بالديون وبس مو كفايه هالبنوك
 

مواضيع مشابهة

أعلى