خلونا نتغير..لقول كلمة حق وشكر ..

engineera

بـترولـي مميز
السلام عليكم

اليوم بطرح عليكم موضوع مهم جدا جدا

لانه ماشالله المنتدى مليان شكاوي و انتقاد للمسؤلين والمدراء والموظفين ..فنبي نغير شوي من السالفه

ابيكم تكتبون عن كل انسان ساعدكم او كان له فضل عليكم او اعانكم ولو بالكلام اللي اي على بالكم اذكروه مو شرط الاسم كامل وموشرط الاسم حتى على الاقل كتبو مسمى الوظيفي ..المهم انكم تذكرونه بالخير وتدعوله وين ماكان ..( وانا اتكلم عن الشغل والمكان والوظيفه فقط وليس بالحياة الشخصية الاجتماعية او العائليه)


الاسم:
المسمى الوظيفي :
رساله حق او شكر التى تود ان توجهها له/لها:​

اذا ماعندكم احد تمدحونه او احد ساعدكم او تذكرونه بالخير
رجــــــــــــــــــــــــــــاء خاص للكل اتمنى انه في هالموضوع هذا بالذات محد ينتقد او يشكي احد...[/
SIZE]
 

فيصل الكندري

نـقـابـة نـفـط الـكـويـت
أعضاء الشرف
الطيبين وايدين بالقطاع .. وما اعتقد انهم يرضون بمدحهم في منتدى بهذى الطريقة

مادرى .. بس هذا رأي
 

engineera

بـترولـي مميز
وانا احترم رايك اخ فيصل وحياك معانا:)

بس مو مهم ذكر الاسم المهم ان نتذكر الناس اللي وقفوا ويانا :) وحلو ان نقول فيهم كلمة شكر في اللحظه اللي احنا الحين تذكرنها فيها :)
 

Q8_oil

بـترولـي خـاص
أولا الزيادة و الرزق من رب العباد و هو الأول و الأخير المستحق للشكر سواء في زيادة أو لا

ثانيا : الزيادة هذه كانت يجب أت تأتي في ظل إرتفاع الأسعار و إرتفاع المعاشات في مختلف قطاعات الدولة
 

Mr. Engineer

بـترولـي مميز
والله الطيبين وايد،

بس مسؤولي بالدوام صراحة وردة (كبير مهندسي المشاريع) بس ما ودي أذكر الإسم،

و إن شاء الله يحوشه من طشار الترقيات الياية في الـ Koc لأنه بصراحة يستاهل و مايقصر، و خلوق جداً

تحياتي
 

أبو طلال

بـترولـي نشيط جدا
و عليكم السلام و رحمة الله و بركاته ...

و كل الشكر لش أختي الكريمة إنجنيره على طرح هذا الموضوع ...

و كما ذكرنا أكثر من مره أن من أهداف هذا المنتدى تبادل الآراء و الخبرات

و ذكر مواطن الخلل و القصور لكي يتم العمل أو محاولة إصلاحها ... و كذلك

ذكر المزايا و المحاسن و الثناء عليها لكي تدوم و تكون مثالا لغيرها ...
 

Network

بـترولـي نشيط
والله موضوع حلو و جميل
الإنسان بطبعه لا يتذكر كلمة الحمدلله إلا عندما يفقد شيء!!!
يعني ألحين طايحين تحلطم على المسؤولين و لما يتغير و يجيك مسؤول أشد منه تتذكر مسؤولك القديم .......
و هذي الدنيا ماشيه جذي
الحمدلله على كل حال
الحمدلله
 

engineera

بـترولـي مميز
الحمدالله على كل حال..
واخ مهندس بورصه انا مااتكلم على الزياده :) انا اتكلم بوجه عام عن الشغل

والشكر لله اولا واخيرا لكن من الجميل انه نذكر محاسن الناس وهذا قصدي من الموضوع..لانه ودي انغير من المواضيع المطروحه اللي فيها شكوى وذكر العيوب ..وهذا القصد فقط واتمنى فهمتوا وجهة نظريك:)
 

بلبل عنقريزي

بـترولـي خـاص
بالعكس مهندستنا موضوعج وايد حلو

صراحه تعودنا على قراءة الشكاوي والمشاكل نبي شغلات تشرح الصدر شوي

بالنسبه لي كنت شبه مجمد كذا سنه
ولولا الله ثم التمليدر عدنان الشمري مادري شكان بيصير وضعي
انسان بذكره بكل خير كل مايطري على بالي ساعدني بوايد شغلات

ونفس ماقالوا الطيبين وايد وعسى الله يزيدهم يارب

ولكن يجب ذكر الطيبين اللي مروا بحياتنا الوظيفيه


شكرا انجنيره عالموضوع
 

مواق

بـترولـي مميز

السيد : خالد صالح بوحمرة


شكرا للاخت العزيزه انجنيرا على هذا الموضوع الذي يجعلني اسجل جل احترامي وتقديري للسيد : خالد بوحمرة ..
هذا الرجل البسيط المتواضع الذي لايختلف عليه اثنان الحاصل على اعلا منصب وظيفي بالمؤسسة لم يتعالى يوما على الموظفين بل هو ملاذ المظلومين بعد الله . ومهما كتبت وكتبت لم ولن اوفي حق هذا الرجل المخلص لدينة ووطنة
 

hasanqasem

موقوف
انا احب أشكر السينيور أبو حمود لأنه في قمة الأخلاق والاحترام والتقدير , ويستاهل كل خير انشالله والله يوفقه بحياته الاجتماعية والعملية ومنها للأعلى يا بوحمود :)
 

المشاكس

بـترولـي خـاص
أعضاء الشرف
انا عندي شكر حق أثنين

الأول ..... الأخ علي دغيم الشمري العضو المنتدب السابق في شركة نفط الكويت

والثاني .... الأخ عبدالله السميطي مدير عمليات الأنتاج غرب الكويت

كل الشكر والتقدير لهم على مساعدنهم لي في امور شتى وعلى علو أخلاقهم ..... ف لهم كل الأحترام
 

engineera

بـترولـي مميز
انا اشكر التيم ليدر لانه دوم يشجعني ومومقصر وياي الله يذكره بالخير دوم:)
 

Phox

بـترولـي نشيط جدا
بالعكس مهندستنا موضوعج وايد حلو

صراحه تعودنا على قراءة الشكاوي والمشاكل نبي شغلات تشرح الصدر شوي

بالنسبه لي كنت شبه مجمد كذا سنه
ولولا الله ثم التمليدر عدنان الشمري مادري شكان بيصير وضعي
انسان بذكره بكل خير كل مايطري على بالي ساعدني بوايد شغلات

ونفس ماقالوا الطيبين وايد وعسى الله يزيدهم يارب

ولكن يجب ذكر الطيبين اللي مروا بحياتنا الوظيفيه


شكرا انجنيره عالموضوع

انت تتكلم عن بو ابراهيم ؟؟؟ والا عدنان الشمرى ثاني ؟؟ .. اذا تتكلم عن بو ابراهيم .. فسبحان مغير الاحوال :)
 

engineera

بـترولـي مميز
مابي اذكر اسامي اخ phox:) انا بيني وبين نفسي ادعيله ويجزيه الله الف خير امين يا رب العالمين
 

Phox

بـترولـي نشيط جدا
مابي اذكر اسامي اخ phox:) انا بيني وبين نفسي ادعيله ويجزيه الله الف خير امين يا رب العالمين


مادرى عيل على شنو حاطين موضوع شكر للناس دام ما تبين تذكرين اساميهم !!!
عماد السلطان ... ونعم الرجل بو عبدالرحمن ... حقانى وينحط على الراس
 

engineera

بـترولـي مميز

مادرى عيل على شنو حاطين موضوع شكر للناس دام ما تبين تذكرين اساميهم !!!
عماد السلطان ... ونعم الرجل بو عبدالرحمن ... حقانى وينحط على الراس



:) انا قلت من البدايه اللي يحب يذكر اسامي يذكر واللي مايحب يذكر اسامي لا يذكر:)..وهالشي حريه شخصيه للاعضاء:)
 
أعلى