قصيده للبنات المستعجلات على الزواج

كنبس

بـترولـي مميز
قصيده للبنات المستعجلات على الزواج ؟؟؟؟؟؟؟؟؟؟؟؟؟؟؟
بــدون زعل ...

لا تحسبين العرس توفـي وكتكـات ....
ولا تحسبينـه تويـكـس والا بونـتـي
ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي
ولاتحسبين العرس تصفيق واصوات ....
وانت علـى صـوت الغطاريـف همتـي
ولاتحسبين العرس كوشـة ولمبـات....
وانـت كمـا الطـاووس فيهـا جلستـي
ولاتحسبين العرس احلام في الشات ....
يـامـا بنيتيـهـا ويـامـا هـدمـتـي
ولا تحسبين العرس روحة وجيـات ....
هيـا اقضبـي بيتـك عسـى مانهبلتـي
ليلة سعيدة وانت احلـى الجميـلات ....
تشخـص عيـون النـاس اذا حضرتـي
(واللاينر)حطيـه بــلا زيــادات ....
لا يـخـرب المكـيـاج اذا دمـعـتـي
(والمسكرة)تحتاج لطـف ومـدارات ....
حتـى يـبـان الـزيـن اذا رمشـتـي
(والاسبريه )رشيه حتى البصيـلات ....
يمسك شعـرك زيـن لـو كـان زدتـي
وترى(المحدد)فن يحتـاج رسمـات ....
يبـان رسمـه زيــن اذا ابتسمـتـي
العـرس يابنيـة ماهـو شعـارات ....
تفنـى مراسيـمـه وتبقـيـن انـتـي
ويبقى شريك العمر راعي الطويلات ....
هـذا هـو العـرس حقيقـه عرفـتـي؟
اول نصيحة لـك حفـظ الصلـوات ....
صلي العشـا والفجـر فـي كـل وقـتِ
وفي ليلة العرس الموفـق بالـذات ....
ادعـــي الـكـريـم إذا سـجـدتـي
والتعري لاترضين عند الكوفيـرات ....
ولبسـك يملـى العـيـن اذا لبسـتـي
واللي على زوجك تحرضك مـرات ....
ارجـوك شوتيهـا شـوتـت بلنـتـي
والصبر في العشرة حتى على فتات ....
ياماحـلا فعلـتـك يـومـك صبـرتـي
واذا حفظت السـر مـع المـدارات ....
زوجـك تـرى فـي عيونـه كبـرتـي
والسوق يعني هاه وقت الضرورات ....
والاتـرى زوجــك يــدور لمفـتـي
زيدي الغطاية وكثري في العبايـات ....
والله يـرضـى عـنـك اذا ستـرتـي
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي
 

dehen_3ood

بـترولـي خـاص
أعضاء الشرف
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي



وبعد الحنة واللبحة على الزواج .. تصير بتشه من المتن .. وتالي يتزوج عليها :eek:
ههههههه ما سوت عليها !!


يسلموووو على هالمشاركة ويا مال العافية
ويا بنات عن الحنة !!
الزواج قسمة ونصيب ;)
 

engineera

بـترولـي مميز
واللي على زوجك تحرضك مـرات ....
ارجـوك شوتيهـا شـوتـت بلنـتـي

عجبتني اي والله صح لسانك اصلن هبلة اللي تسمع كلام الحريم وتخرب بيتها
واوصيك بالكبسـة وكثـر اليدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي


ايييييييييي ماكو شغل نمتن ونبتلش بعمارنا..لا يبه الواحد يحافظ اول بأول...وعلى قولة دهن عود..اخر شي تمتن ويتزوج عليها ...

يا بنات نصيحه اذا متنتوا وماقدرتوا تضعفون متنوا الريل وياكم عشان مايطلعون غيركم ومحد يطالعهم لوول
 

كنبس

بـترولـي مميز
هههههههههههههههههههههه
والله ضحكتونى
يادهن العود الله يعافيج

ويا مهندسه
اهم شي الثقه مو المتن والاكل
واذا نبي نتزوج نتزوج حتى لو نصير توانكى نفط
تحياتي لكم
 

Element_X

بـترولـي نشيط جدا
هههههههههههههه والله ضحكتني على شعرك واقولك صح لساااانك وللاسف فى فئه من بنات الوقت علبالها الزواج كنز ولا مصباح سحرى انه الرجال راح يلبي كل طلباتها
 

كنبس

بـترولـي مميز
ولا بعد اخوى
فى بنات تهرب من واقعها ومن البيت الى عش الزوجيه لتلبي رغباتها الى كانت مكبوته والسبب الاهل
وتنصدم بعالم ثانى غير عن افكارها وتصوراتها
وتبي تنفذ مقولة : ظل راقل ولا ظل حيط :)
هذا عن البعض وليس الكل لاتخافون يا بنات
تحياتي لك يا المنت ولمرورك الكريم
 

dehen_3ood

بـترولـي خـاص
أعضاء الشرف
ولا بعد اخوى
فى بنات تهرب من واقعها ومن البيت الى عش الزوجيه لتلبي رغباتها الى كانت مكبوته والسبب الاهل
وتنصدم بعالم ثانى غير عن افكارها وتصوراتها
وتبي تنفذ مقولة : ظل راقل ولا ظل حيط :)
هذا عن البعض وليس الكل لاتخافون يا بنات
تحياتي لك يا المنت ولمرورك الكريم

بالفعل هذا الحاصل غالباً من البنات وخاصة صغيرات السن
وانا فعلا اعرف وحده طبقت المثل ظل راجل ولا ظل حيطة
هروباً من الجحيم إللي كانت فيه بالبيت والسبب اخوانها الله يصلحهم ويهديهم
وهني السبب الأول والأخير لنتيجه هالزواج الفاشل هو الأهل !!
 

Bo Hadeel

بـترولـي نشيط جدا
هههههههههههههههههههه
صح لسانك اخوي كنبس حلوة منك
بس صج صج نبي رد من البنات
:)
 

Shoomy

بـترولـي خـاص
ابــــــــــــــداع يا كــنــبــس

صـــــــــح لــــــســـــــــانــــــك
ابدعت يا كنبس

وبهذي صدقت ...
واللي على زوجك تحرضك مـرات
ارجـوك شوتيهـا شـوتـت بلنـتـي



اما هني بدعت بصراحه
اوصيك بالكبسـة وكثـر اليدامـات ....
حتـى لوانـك مـن سببـهـا متنـتـي
وخلي الرجيم اللي فشلتي فيه مرات ....
سـويـه مــرة واحــدة لا ولـدتـي

بس بصراحه الريال مايبي مرته تمتن ... يبيها دوووم سمبتيك ... خو مايصير خوو
 

frfosha

بـترولـي مميز
والله خوش شعر ، بس انا ملاحظه الرياييل انه مايحرص على نفسه بالمتن كثر ما يحرص على زوجته بالمتن ليش ؟ يعني انت يا الريال لي متنت وصارت كرشتك جدامك 10 متر وقمت تشاخر وانت نايم ما تحس بالدنيا أشوف المره وعليه ما تتكلم وتسكت على ضيمك ، واهي من تمتن اشويه قمت تعايرها وتداحرها وتقثها بالحجي يا الرياييل شوفو روحكم وعدلو اجسامكم قبل لانه ترى حتى المره لها رايي بشكلك بس مسيكينه تسكت مرات وتقول ما تبي تحرجه بهالموضوع ولا تزعلون يا الرياييل
 

ABDULLAH

قــلــم بــتــرولــي
أعضاء الشرف
والله خوش شعر ، بس انا ملاحظه الرياييل انه مايحرص على نفسه بالمتن كثر ما يحرص على زوجته بالمتن ليش ؟ يعني انت يا الريال لي متنت وصارت كرشتك جدامك 10 متر وقمت تشاخر وانت نايم ما تحس بالدنيا أشوف المره وعليه ما تتكلم وتسكت على ضيمك ، واهي من تمتن اشويه قمت تعايرها وتداحرها وتقثها بالحجي يا الرياييل شوفو روحكم وعدلو اجسامكم قبل لانه ترى حتى المره لها رايي بشكلك بس مسيكينه تسكت مرات وتقول ما تبي تحرجه بهالموضوع ولا تزعلون يا الرياييل

صحيح كلامك يا فرافش فالرجل ينتقد متنها و هو يمشي بكرش نافش
 

SOS_KW

بـترولـي خـاص
أعضاء الشرف
والله شعر رهيب

وهذي حق ا لعريس :D


قال العزوبي يوم شـاف المعاريـس *** الرابـح اللـي لاقعـد مايقـومـي

أول سنـة كـلٍ يبـث الاحاسيـس *** وثاني سنة تجلب عليـك الهمومـي

وثالث سنة حط الرمـل والمتاريـس *** لابد مـن حـربٍ تقـوم وتدومـي

لامن دخلـت الـدار لاكنهـا بليـس *** متلفلـفٍ فـي غاليـات الهدومـي

تأخذ من المخباة وتسحب من الكيس *** وتغيـر الموديـل شـيٍ لـزومـي

وان قلت ما أملك يامره لوهو فليس *** قالـت تديّـن لا تكـثـر بلـومـي

ولاجيت مرة نـاويٍ لـك ب....... *** قالت تصّبـر خـل قلبـك رحومـي

ليتك تساعدنـي تصحـح كراريـس *** زادوا علينا أربع حصص في العلومي

أزوارة في العصر والصبح تدريـس *** والليـل تصحيـحٍ وودي أنـومـي

تبكي إذا جاها وجع لوهـو ضريـس *** وتقول أبي دكتـور ماهـو حكومـي

يروح عمرك بين عرسٍ وتأسيـس *** واربـع سنيـن والبزاريـن كومـي

وسط المطابخ بين قـز ومحاميـس *** هـذا صحـن رزٍ وهـذاك ثـومـي

والا خلصـت إمنظـفٍ الملالـيـس *** جتك تقول انهـج نبـي زود لومـي

ولا جبت قالت اكنس الحوش تكنيس *** خل البلاط يصيـر مثـل النجومـي

ومكرسٍ جهدك من الخوف تكريـس *** وان نادتك بالصوت اقبلـت مومـي

يجيك تـال الليـل دايـم كوابيـس *** ويشيبنـك مزعـجـات الحلـومـي

هذي حياة اللي ركض باغـي...... *** ضيع حيـاة أول وصـار محرومـي

تعيش يالمعـرس حيـاة المحابيـس *** وشف العزوبي بكل شارع يحومـي

من مفرق جلاجل إلى جوي للحيـس *** وان حار حايرهم بوسطـه يعومـي

يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

اللي تزوج أشهد انـه غـدا تعيـس *** والرابح اللـي ماخـذٍ لـه..........

ترى عناق العام نطت على التيـس *** والحرعقب العـرس يصيـر بومـي


وسلامتكم :D:D:D:D
 

Shoomy

بـترولـي خـاص
صح لسانج sos_kw
بدعتييييييييييييي بصراحه

احلى شي
يروح عمرك بين عرسٍ وتأسيـس *** واربـع سنيـن والبزاريـن كومـي

يعطيج الف الف عافيه
 

المحترف33

بـترولـي مميز
تحياتي لجمييع بالنسبه لموضوع المتن علي البنات ترا وايد ناس يحبون البنت المتروسه ولها جمهور والله ولا جمهور القادسيه ~~~~~ستانسو يا البطات لكم جمهور عجيب ْ~~~~ايام الستينات في امريكا كانت المتينه ستايل وكانت لهم عروض ازياء ~~انا اقول لاي وحده متينه بطه لاتضايقين ترا لكل جسم له جمهوره ~~تحياتي
 
أعلى