وين مكان نقطة التجمع اللي عند جسر صبحان؟؟

[Electrical-Engineer]

السلام عليكم

شباب وين نقطة التجمع اللي عند جسر صبحان حق شمال الكويت؟؟


يعني وين اصفط سيارتي؟؟ وسيارة الشركة وين توقف؟؟

عطوني رقم السايق بس مافهمت شي منه

اللي يعرف وين بالضبط يقولي .. للعلم انا اكون ياي من القرين اللي يكون ماكدونلدز على يميني وامشي كله سييده للجسر بس بعدين ابي اعرف وين اصفط؟؟ وشكرا لكم

 

[Q8_oil]

السلام عليكم ,

أخوي جنك ماشي على الملك فهد بتشوف جسر صبحان بتصعده و تروح يسار أول ما تنزل من على الجسر على اليمين أكو صعدة و براحة صغيرة هناك إن شاء الله يكون التجمع

 

[Q8_oil]

راح تسفط بالبراحة الصغيرة إللي قلتلك عنها و الجيمسات بتكون هناك صافطة بعد

 

[جونم جقرم]

عليك السلام والرحمة

نعــم مثل ما تفضل الأخ q8oil

من تاخذ جسـرصبحان وأنت جاي علي خط الملك فهد تركب الجسـر تروح يميـــن ومـن تمشـي مسـافـة بسيـطة بتشـوف موقـف صغيـر علي أيدك اليميــن هذي نقطـة تجمـع الموظفيـن وحاول تكـون مـتواجـد قبـل السـاعة 5

 

[بن عامر]

أخوي أنا حاليا أداوم بالشمال و أجي مواقف القرين الموقع مثل ما تفضلوا الأخوان و علشان أوضح أكثر صايره المواقف مقابل الحضانه و تمشي الجمسات الساعه 5 . 30 و حياك الله عندنا بالشمال و نور المكان بوجودك .

 

[بن عامر]

الساعه خمس و نص تمشي الجمسات .

 

[knpc85]

مشكورين

 

[Electrical-Engineer]

يعطيكم العافية اي دليت المكان وداوت اليوم بالشمال..

اللي يعجبني انه كل واحد يايب مخده معاه لوول .. الطرييج صج يدوخ وبالرده نمت احلى نومه لوووول

 

[طموحة]

يعطيكم العافية اي دليت المكان وداوت اليوم بالشمال..

اللي يعجبني انه كل واحد يايب مخده معاه لوول .. الطرييج صج يدوخ وبالرده نمت احلى نومه لوووول

الله يعينك ! ! انا رفيجتي راح تداوم بالنورث بعد

و انا من باجر أشد الرحال الى المناقيش ان شاء الله .. الله يكون بالعون

 

[جونم جقرم]

بمـا أنـك عـرفت المكـان فا أسمحـلي أغلـق الموضوع عزيزي الفـاضل