رجال أمن المجمع النفطي

[عاشق ال KPC]

الصراحه أحسن شي سوه حطوا رجال أمن كويتيين منا وفينا الله يعطيه ألف عافيه والصراحه الواحد لما يشوفهم يتطمن وكلهم خوش شباب

 

[Element_X]

والله والنعم فيهم خوش شباب وحبوبين بس فيهم جم واحد الله يهداهم من تصير الساعه 2:15 طار حق سيارته وبدي يقز بالمصافط ليش ما ادرى

 

[kpc^MoShi]

بس اكو واحد فيهم ما يستحي واشتكو عليه

ماكو فايده كويتيين ما ينعطون ويه

 

[Shoomy]

والله والنعم فيهم خوش شباب وحبوبين بس فيهم جم واحد الله يهداهم من تصير الساعه 2:15 طار حق سيارته وبدي يقز بالمصافط ليش ما ادرى

يمكن يبي يحرر سيارته؟؟

او طاح منه شي امس وقاعد يدورة اليوم ؟؟

 

[Element_X]

تصدقون فيهم جم واحد سواء كان داخل المبني او كان بره المبني داخل مكتب ولا بالمصعد النظاره الشمسيه ما تطيح من عينه

 

[brilliant]

ابرك من هالمصاريه

 

[SECURITY]

تصدقون فيهم جم واحد سواء كان داخل المبني او كان بره المبني داخل مكتب ولا بالمصعد النظاره الشمسيه ما تطيح من عينه

هههههههههههههههههههههههههههههههههههههههههههههههههههههه

لا كلش مو انا يعني . . ! !

واحب اعلق على الأخ اللي يقول من توصل الساعه 2 وربع نمشي لوووووووووووووووووول

والله ما تدري اخوي احنا نداوم قبلكم يا الموظفين من الساعه 6 إلى 2 الظهر . .


افا عليكم حاضرين للطيبين بس لحد يمر بوابه رقم 1 خخخخخخخخخخخخخخخخخخخخ

 

[إعلامية KPC]

هههههههههههههههه
ههههههههههههههههه
هههههههههههههههههه

بصراحة
لما الحين انا مو عارفة شنو الحكمة من هذه الشغلة

 

[mofraka]

هههههههههههههههه
ههههههههههههههههه
هههههههههههههههههه

بصراحة
لما الحين انا مو عارفة شنو الحكمة من هذه الشغلة

الكويتي أنفع

 

[إعلامية KPC]

الكويتي أنفع

شلــــــــــــــون

 

[mofraka]

شلــــــــــــــون

ليش أنا أوظف هالأجانب وشنو يضمن لنا إنهم مخلصين

وأنا أدري يمكن في كم واحد يمكن ما عنده إسلوب في التعامل مع الناس
لكن مو كلهم وانا أتكلم عن نفسي ما في واحد من الكويتيين حسيت إنه
يقل أدبه ولكن أرجع وأقول مو الكل أصابعج مو سوى

 

[مواق]

بصراحة
لما الحين انا مو عارفة شنو الحكمة من هذه الشغلة

في احد الايام ذهبت الي مجموعة شركات الشايع الموجودة في الشويخ . وعندما اردت الدخول الي الشركة تفاجأة بوجود حراسة أمنية مشددة .. كان موظفين الامن من الجنسين .. كانوا بتنظم ولباس شبه عسكري .. وأجهزة أمنية متطورة ودقيقة جدآ ...
ما اردت قوله ان هذه الاجراءآت الامنية تعطي مشاعر الهيبة والاحترام لنفوس الزائرين للمكان المتواجدين به .
على عكس ما نشاهدة في موظفين أمن القطاع النفطي الذي يعكس تخبط مسئولين الأمن لتنظيم وإدارة الأمن بالشكل الصحيح.

 

[إعلامية KPC]

ليش أنا أوظف هالأجانب وشنو يضمن لنا إنهم مخلصين

وأنا أدري يمكن في كم واحد يمكن ما عنده إسلوب في التعامل مع الناس
لكن مو كلهم وانا أتكلم عن نفسي ما في واحد من الكويتيين حسيت إنه
يقل أدبه ولكن أرجع وأقول مو الكل أصابعج مو سوى

انت قلتي مو كل اصابعج سوى
ان كان بالاخلاص او غيره
يعتمد على الشخص ذاته
لا تقولين ان الاخلاص بس عند اهل البلد
ترى ممكن تلاقين الاخلاص من الاجنبي اكثر من ابن البلد
اكثر من سرق البلد من ابناء الشعب
وبعدين حتى الاسلوب
في اوقات تلاقين بعض الناس يتكلمون معاتج تجنك قاعدة تطرين منهم

على العموم انا ما ادري ما الاقي فرق بالموضوع

 

[إعلامية KPC]

في احد الايام ذهبت الي مجموعة شركات الشايع الموجودة في الشويخ . وعندما اردت الدخول الي الشركة تفاجأة بوجود حراسة أمنية مشددة .. كان موظفين الامن من الجنسين .. كانوا بتنظم ولباس شبه عسكري .. وأجهزة أمنية متطورة ودقيقة جدآ ...
ما اردت قوله ان هذه الاجراءآت الامنية تعطي مشاعر الهيبة والاحترام لنفوس الزائرين للمكان المتواجدين به .
على عكس ما نشاهدة في موظفين أمن القطاع النفطي الذي يعكس تخبط مسئولين الأمن لتنظيم وإدارة الأمن بالشكل الصحيح.

كلام جميل
ولكن اخي الكريم
اعتقد بان هذا امر مبالغ فيه
فمن سوف يقصد المؤسسة اذا لم يكن لديه حاجة فيها

 

[mofraka]

يمكن الربع إللي يايين من صوب البحر ( ما راح أوضح أكثر )

شدعوه ما دش مصري مرة المؤسسة من صوب البحر

ولا ما سمعنوا بالسالفة

 

[brilliant]

يمكن الربع إللي يايين من صوب البحر ( ما راح أوضح أكثر )

شدعوه ما دش مصري مرة المؤسسة من صوب البحر

ولا ما سمعنوا بالسالفة

لا يكون الي صادوه بالكمره وحجزوه وبعدها عطوه لامن الدوله

 

[Element_X]

اييييي هذه اهو اللى 24 ساعه يصرخ ويقول والله انى معرفش حاجه

 

[ابو فاطمة]

الله يعطيهم العافية الامن ( اجدع ناااااس )

فيهم الخير والبركة وعلى قولت الاخوان الكويتي انفع

 

[q8security]

الأمـــن مستتب



والسلبيات بسيطه

يمكن لويتوفرلهم جميع الاجهزه


ويطبقون النظام البريطاني اللي درسوه

صدقوني راح تتضايقون


عموما الامن لما يكون كويتي


راح تضمنه اكثر من الغريب


تقبلوا مروري

 

[القعقاع]

مشروع رجال امن كويتين...مشروع جدا ناجح

لكن هناك شوية قصور من الادارة من ناحية الاجهزة الامنية والسيارات

وكاميراة المراقبة.