اجازة + دورة خارجيه (ممنوع)

brilliant

المـراقب الـعـام
السلام عليكم


من اغرب القرارات الي سمعناها من توظفنا بهالقطاع هو قرار العضو المنتدب للتدريب بخصوص منع اخذ اجازه بعد دورة خارجية ,,, والسبب هو انك ما تركز بالدوره وانت عندك اجازه بعدها !!!
ما دامت التذكره مدفوعه والاجازه من الرصيد الخاص ليش هالقرار المليئ (( بالحسد ))
عامل الموظف باحترام يرد لك الجميل باجمل

اتمنى من صاحب هالقرار اعادة النظر فيه
 

Future man

بـترولـي نشيط جدا
اتمنى من الأخوة القائمين على هذا المنتدى نقل هذا الموضوع الى منتدى Kpc

لأن هذا القرار خاص بموظفين المؤسسة وشكرا
 

dehen_3ood

بـترولـي خـاص
أعضاء الشرف
اخوي يمكن هالقرار مطبق على بعض الأقسام او الإدارات !!

لأن الغالب نشبك إجازاتنا السنوية او ناخذ إجازة جزئية قبل او بعد الكورس الخارجي !!
 

brilliant

المـراقب الـعـام
القرار مطبق في المؤسسة من قبل شهر تقريبا وانا شفت الكتاب بعيني لكن العضوا المنتدب للتدريب قراراته مطبقه على جميع الشركات فاعتقد انه على الجميع
 

mofraka

بـترولـي جـديـد
السلام عليكم


من اغرب القرارات الي سمعناها من توظفنا بهالقطاع هو قرار العضو المنتدب للتدريب بخصوص منع اخذ اجازه بعد دورة خارجية ,,, والسبب هو انك ما تركز بالدوره وانت عندك اجازه بعدها !!!
ما دامت التذكره مدفوعه والاجازه من الرصيد الخاص ليش هالقرار المليئ (( بالحسد ))
عامل الموظف باحترام يرد لك الجميل باجمل

اتمنى من صاحب هالقرار اعادة النظر فيه

أخي العزيز التعميم الصادر من العضو المنتدب للتدريب يذكر فيه أن سبب منع الموظف إجازة قبل وبعد الدورة هو الإستفادة من المال العام ( مال الدولة ) يا عيني .

طيب لو الواحد واجه ظروف وما قدر يرجع الدوام بعد دورته شنو الإجراء المتبع .

وبعدين مو ضروري العضو المنتدب للشئون الإدارية يمشي على كلام العضو المنتدب للتدريب .

بس ما أقول إلا الله المستعان .
 

brilliant

المـراقب الـعـام
شلون مال الدوله والتذكره اصلا مدفوعه سواء رد بعد الدوره او اخر الرده ,,, والاجازه من الرصيد الخاص ولا فيه يوميه تمشيلك الا بالدوره

كم المبلغ المقصود الي بيرد للمال العام اذا رد مبجر ؟!!
 

mofraka

بـترولـي جـديـد
إحنا شنو مودينا ورى غير هالقرارات الطايشة

المشكلة كل واحد يصدر قرار والثاني يطبقه

أنا سألت في شئون الموظفين وقالولي مالك شغل بهالقرار
لكن مديري زين ما ينطرني بالمطار من الخوف
 

إعلامية KPC

بـترولـي نشيط
بصراحة قرار اول مرة اسمعه
خو اكثر ناس مستفيدين من الدورات مع الاجازة هي دائرة الاعلام
صيفوا كل موظفينها باروبا هذه السنة ههههههه
دورة واجازة شتبون بعد
 

brilliant

المـراقب الـعـام
بصراحة قرار اول مرة اسمعه
خو اكثر ناس مستفيدين من الدورات مع الاجازة هي دائرة الاعلام
صيفوا كل موظفينها باروبا هذه السنة ههههههه
دورة واجازة شتبون بعد

اختي اعلامية اذا الدائرة اقرت للموظف دوره في اوربا واخذ بعدها اجازه من رصيده بعد التنسيق مع زملائه فعليه بالعافيه لانها اجازته الخاصه وشبكها مع الدوره
 

إعلامية KPC

بـترولـي نشيط

اختي اعلامية اذا الدائرة اقرت للموظف دوره في اوربا واخذ بعدها اجازه من رصيده بعد التنسيق مع زملائه فعليه بالعافيه لانها اجازته الخاصه وشبكها مع الدوره

صح كلامك صحيح
بس السؤال يلي يطرح نفسه
هل فعلا اختيار هذه الدورات كانت للفائدة او للاستغلال من ثمن التذكرة ؟؟؟؟؟
حيث ان اغلب تلك الدورات كانت بدول 5 نجوم

اخي الكريم
ليس الخطأ بتمتع الموظف باجازته
بس ما اروح انا اخذ دورة بسويسرا لاني ريلي حابب يصيف هناك هذه السنة ؟؟؟؟؟؟
 

brilliant

المـراقب الـعـام
الموظف عند اختياره اي دوره لازم يوافق عليها الكوردينيتر ومن بعدها المدير وبعدها تنتقل لقسم التدريب ويوافقون عليها اعتقد ان هالدوره الي وافقوا عليها كل هالاشخاص معناتها انها دوره بتفيده ,,, اما من ناحية الاماكن الجميله فالحين شركات التدريب تتنافس في اختيار الاماكن الجميله وتحط دوراتها فيها من باب التنافس والناس تختارهم وهالشي مايمنع الموظف يروح هالاماكن خاصه الحين كل دورة يكون فيها اكثر من مكان تختارينه يعني اختاري المكان الي تبينه وفي الوقت الي تبينه وهالشي حلو ويفتح النفس واذا صادفة واخذ معها اجازه خله ياخذ اجازه لان الموظف يستاهل اكثر من هالشي
 

إعلامية KPC

بـترولـي نشيط


عاد تدري اخوي
انا ما ادري انت وين عايش
اتمنى بان اتحلا بهذه النظرة التفائلية التي لديك
ولكني اعتقد بانك موظف حديث بالمؤسسة
على العموم الايام قادرة على اثبات الكثير والكثير من وضعها الراهن
واتمنى فعلا ان يتم تحقيق هذه النظرة التفائلية لديك في المؤسسة

واخيرا شفت واحد متفائل ههههههههههههههههههههه
 

Safety First

بـترولـي خـاص
أعضاء الشرف
الدورة والاجازة حق من حقوق الموظفين ولا مانع من دمج الاجازة سواء قبل الدورة أو بعدها مع أجازة الدورة

ان صح كلامك أخي العزيز فأنة من وجهة نظري قرار خاطيء مع العلم بأني لم أسمع من قبل عن هذا القرار

وشكرا
 

العضو المنتدب

بـترولـي نشيط جدا
هنالك لائحة من مؤسسة البترول وللشركات التابعة يمنع إلحاق الإجازة مع الدورة الخارجية قبل أو بعد إلا بعد أخذ موافقة نائب العضو المنتدب وتوجد دوائر تمرر مثل تلك الأمور دون أخذ اذن نائب العضو المنتدب لأنك في الكويت :)
 

PANADOL_NiGHT

بـترولـي جـديـد
قاعده عند اغلبية المدرا اذا يبي يوفر ولا يتخذ قرار جديد اول ما يشوف الموظفين يهد الشغل كله ويدور على الموظفين
 

kpc world

بـترولـي جـديـد
أقول إعلامية

من اسلوبك إنتي وحده عمرها مو طالعه دورة خارجية ، ولا مو موظفة كويتية ، روحي ديرتش إخذي دورات على كيفش وإذا مو
عاجبتش المؤسسة طلعي منها أحسن ...

عليهم بالعافية كل موظفي المؤسسة قاعدين بديرتهم وخيرهم وكيفهم
 
التعديل الأخير بواسطة المشرف:

Element_X

بـترولـي نشيط جدا
انزين يا جماعه واللى كله ياخذ مستحقات الدوره ويطنش ما يروح وسواها اكثر من مره ولا احد كلمه شنو هذه ؟
 
أعلى