يـا صانـع المكيـاج الله يجـازيـك

MR HANDSOME

بـترولـي نشيط
:pيـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

3.
طالعتها ثـم قلـت هالقلـب يبغيـك
ومن شاف حسنك خلى غيرك يولـي

4.
ابغي اشوفـك دون مكيـاج يكسيـك
وابغـي اشوفـك بالجمـال المحلـي

5.
قالت تبينـي افـرك الوجـه تفريـك
واشيل هالبـودر وروجـي وكحلـي

6.
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه ياحياتي سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي
 

HUMMER

بـترولـي خـاص
صح لسانك بس احنا برمضان كل شي يبين طبيعي وياما تحت السواهي دواهي
هههههههههههههه
 

المتمكن

بـترولـي خـاص
أعضاء الشرف
راعي المكياج مسوي فينا معروف

ولا كان علوم!!!!

انشهــــــــــــــــــــــــــــــــــــــــــــــــــــد
انــــــــــــــــــــــــــــــــــك
صــــــــــــــــــــــــــادقـــــ
 

SR.FIREMAN

بـترولـي نشيط
لوووووووووووووووووووووول

الله يرحم من سواه ولا حريمنا ما تنشاف من غيره
 

BG. 1

موقوف
نعمة من الله المكياج من أجل تقبل بعض من الجنس الأخر
صح لسانك علي القصيدة
 

norema-sarto

بـترولـي مميز
كل شي له عيوب وله مزايااااااا

في ناس تحط بالمعقول ...والناس الثانية بخبال

فشلونا الله يجازيهم ....بس الضرورة لها أحكام
 

CatwomaN

بـترولـي خـاص
كل شي له عيوب وله مزايااااااا

في ناس تحط بالمعقول ...والناس الثانية بخبال

فشلونا الله يجازيهم ....بس الضرورة لها أحكام

اييه والله لا اتعمووون .. في ناس بل هبل اتحط هل اخضر والاحمر و الازرق (أصباغ همبل )اتقوول لوحة اعلانات .. و في ناس خفييف و ناعم ..
 

جونم جقرم

بـترولـي خـاص
أعضاء الشرف
يا الربع لو ينقطع المكياج من طويلة :D

وش راح يكون موقف البنات من الأعراب :rolleyes:


-------> كآآآآآآآآآآآآآآآآآآآآآآآآآآك :D:D:D:D
 

ABDULLAH

قــلــم بــتــرولــي
أعضاء الشرف
المملوحة لن تحتاج المكياج إلا وضع رتوش خفيفة و تعرف أين نقط جمالها

و المسكينة الجيكرة أو اللي ما تعرف نقاط الجمال اللي فيها تحط أصباغ

همبل و جي تي سي بالهبل و بدال ما تكحل السالفة تعميها :)
 
أعلى