المسئول الكويتي دم ضروسه ولد ديرته

dart72

بـترولـي جـديـد
المسئول الكويتي دم ضروسه ولد ديرته

على كثر مامر علينا مسئولين كويتيين لاحظنا انهم يستذبحون على مايحطون لهم كم هندي ولا وافد عندهم لا بعد الوافد قام يطيح سوقه بس هنود ويرزونهم ...
في تحليلي لبعض شخصيات هالمسئولين عرفت انه بعضهم عمره ماطب ديوانيه بس من البيت للدوام حياته دوام بيت بس يعني مو اجتماعي هذا بعد التقاعد ينتهي والله انه الموظف الكويتي لو توفر له العداله انه ينتج اكثر من الاجنبي مشكلة الموظف الكويتي هالواسطات والمحسوبيه والقبليه
يبه نبي مسئول اجنبي مانبي اللي مايحب اهل ديرته اللي وقفوا وياه يوم كان متدرب بينهم وفرحوا فيه وكل يوم يضحكون وياه

والله ماكنا نطمع انه يعطينا بونص ولا اي شي بس نبيه يفكنا من شره وظلمه شوف يوم الحين صار مسئول كل ماتدش عليه يطالع الساعه يعني متى تقوم
قليل من المسولين الكويتيين اللي يحبون اهل ديرتهم الله يرحمنا برحمته
 

فيصل العجمي

مؤسس المنتدى
أعضاء الشرف
للأسف ان هذا حال اغلب المسؤولين ولا اعلم اين سياسية التكويت من هذا القطاع
فكل يوم نشوف توظيف جديد للأجانب وكأن البلد مافيها بطاله ولا ناس قادرة على العمل
ولكن شدني في موضوعك اخي الكريم قولك ان الموظف الكويتي ممكن ينتج لو ابتعد عن الواسطه والمحسوبيه والقبليه
وصراحه لا اعلم لماذا خصيت القبليه ولم تخص العوائليه مثلا او المذهبيه او الطائفيه لماذا دائما نحمل القبيله اخطاءنا؟

للأسف اصبحت القبيله والقبليه هي الحلقه الأضعف في هذا البلد وكأنهم هم الوحيدون في هذا البلد اللي عندهم واسطات:)
 

الساحوت

بـترولـي نشيط
والله الشي هذا ملحوظ
ولاكن انا متاكد ان المسؤل هذا خواف ومايثق بالشباب الكويتيين ويخاف يتحمل مسؤليه اي شي يعني الاجنبي يقدر يقطها براسه ولا الكويتي ماراح يسكتله اذا هو على حق يعني من الاخر مو كفو المكان اللي هو فيه ولا هو قده بالاساس
 

العضو المنتدب

بـترولـي نشيط جدا
شيء ملحوظ لكن لا يمكننا بخس حق بعض المسؤولين الذين يأخذون بيد العاملين الكويتين ويحاولون رفع شأنهم وتشجيعهم والاعتماد عليهم وإعطاءهم حقوقهم
 

Catalyst

بـترولـي جـديـد
مو كلهم..

المتغطرسين فقط
اللي ما يعرفون شغلهم
يعتمدون على الأجانب

و الاهم
الاجنبي .. ما برادد
ما يطالب ..

يصرخ عليه .. عادي!
يرفع صونه .. عادي!!

بس على فكرة..
بعدين .. يراضيه ..

شلون؟!
إسألوا .. أي موظف غير كويتي ..

عجبي يا زمن..
 

Planning

بـترولـي نشيط
أجب عن الأساله التالية لتعرف سبب تفضيل المسؤل الكويتي لغير الكويتين

عندما يطلب من الموظف الكويتي أن يقوم بأي عمل ليس من أختصاص قسمه وفقط لطلب المسؤل منك هذا العمل هل ستقوم بهذا العمل

عندما يطلب منك أن تذهب لأجتماع لا تعلم عنه شيئ هل ستذهب دون نقاش

عندما يطلب منك أي عمل هل تقوم به دون أن تشكي الحال وتقول أنا مسؤلي غبي ولا يعلم شي بل تلمع صورة مسؤلك وتقول لولا وجود هذا المسؤل لوقف حال العمل

عندما تنتهي السنه هل توافق مسؤلك على تقيميه لك دون أي أعترضات ولمجرد أن تشتري خاطره ورضاه عنك

هل تصمت عند الترقيات وتكتفي بأن تبارك حتن لو كانت الترقية لشخص محسوب على المسؤل من حيث القبيله أو المذهب

فإذا جوابك نعم على جميع ما سبق ستجد مسؤلك يعشق وجودك ويبحث عنك ويعطيك كل وقته بل سيطالب بوجودك معه حتن بعد ساعات العمل

وبصراحه بكثير من الأوقات وبموجب تجربتي أفضل العمل مع غبر الكويتين لسبب واحد أن الشباب الكويتي بلا طموح لتطوير ذاته بل على العكس يريد أن يصبح مسؤل ليعطي الأوامر وعندما يطلب منه أن يضر الشباب الكويتي سينفذ لينال رضى المسؤلين الأعلا منصب وهكذا نجد أنفسنى بدائرة مفرغه لأن مسؤلينا بالنهاية كويتين وكانو يعانون مما نحن نعاني منه ومع هذا لم يقومو بتخاذ أي خطوات إيجابيه أتجاه أبنائهم بل على العكس
 

fireeccc

بـترولـي نشيط جدا
والله الشي هذا ملحوظ
ولاكن انا متاكد ان المسؤل هذا خواف ومايثق بالشباب الكويتيين ويخاف يتحمل مسؤليه اي شي يعني الاجنبي يقدر يقطها براسه ولا الكويتي ماراح يسكتله اذا هو على حق يعني من الاخر مو كفو المكان اللي هو فيه ولا هو قده بالاساس

اغلبهم موكفو للمكان لانهم ماخذينه بالواسطه
 

زهرة التوليب

بـترولـي خـاص
المسؤول الي جذي
يبي واحد اجنبي علشان يظل يمجده ويطيعه في كل شي

يستانسون على كلمه يس سير

بس ما ادري ليش ما يثقون في الكويتين وكله عبالهم انهم ما يحبون الشغل ومو منضبطين
والله عاد في كويتين ماشاء الله عليهم عندهم كفاآت وابداعات وافكار وايد حلوه
بس ناطرين الفرصه

بس ما انكر ان في مسؤولين موجودين يشجعون الكويتين ويعطونهم فرصتهم
وبنفس الوقت ما يعطون العامل الأجنبي أكثر من حجمه ولا يبدونه على ولد الديره
 

alqreen

بـترولـي مميز
طيب عرفتو السبب والا لا
السبب ان الكويتى مو مال شغل مثل الاجنبى
هذى حقيقة ماله داعى نكابر عليها
بس اذا نبى شى جينا للمسؤل والا غيره مايشوف شر المسؤل واذا سوا لنا شى قلنا عنه انه مايحب الكويتي
بس اشتغل عدل واثبت نفسك تنحط على العين من الكويتى لاتخافون بس خلك مضبوط 100 فى 100
مو تزرق وتقعد ورا الكمبيوتر تقول الكلام هذا انه المسؤل مايحب الا الاجنبى
عجبي عليكم شعب عايش فى نعيم ولا عاجبة العجب
 

dart72

بـترولـي جـديـد
احترم وجهة نطرك بس الظاهر انك ما فهمت الكلام اللي انا كاتبه اولا ..............ثانيا وين فيه واحد كويتي مايخلص ومن قال لك اني انخش وراء الكمبيوتر عيب هالكلام اللي تقوله انا ماذكرت اسماء ولا جرحت احد وارجع لكل مداخلاتي ماتلقاني ذكرت احد بالاسم مالم يكون كاتب الموضوع ذاكر اسمه وماينخش وراء الكمبيوتر اللي اللي يخاف المواجهه
صدقني صار لي 19 سنه وكم شهر بهالشركه ماعمري ماخشيت راسي ....كم مشكله سووا لي فيها تحقيق و كل ماقالوا لي ربعك يغلطو ن اقول لهم مو أنا مسئول عنهم والله الاجنبي قبل الكويتي اشيلهم وياي وادافع عنهم
الظاهر توك متعين احتراما للمنتدى والاخوان راج اتركك الله يهديك
 

alqreen

بـترولـي مميز
احترم وجهة نطرك بس الظاهر انك ما فهمت الكلام اللي انا كاتبه اولا ..............ثانيا وين فيه واحد كويتي مايخلص ومن قال لك اني انخش وراء الكمبيوتر عيب هالكلام اللي تقوله انا ماذكرت اسماء ولا جرحت احد وارجع لكل مداخلاتي ماتلقاني ذكرت احد بالاسم مالم يكون كاتب الموضوع ذاكر اسمه وماينخش وراء الكمبيوتر اللي اللي يخاف المواجهه
صدقني صار لي 19 سنه وكم شهر بهالشركه ماعمري ماخشيت راسي ....كم مشكله سووا لي فيها تحقيق و كل ماقالوا لي ربعك يغلطو ن اقول لهم مو أنا مسئول عنهم والله الاجنبي قبل الكويتي اشيلهم وياي وادافع عنهم
الظاهر توك متعين احتراما للمنتدى والاخوان راج اتركك الله يهديك


على فكره ترى ماجبت طاريك ولا شى انا قلت لك وجهه نظر اللى انا شايفها من 23 سنه وانا احترم راى الاخر اذا كان على صواب واذا فيه شى غلط اقول عادى
بس لانزعل علينا :)
 
أعلى