ابو فاطمة
بـترولـي خـاص
بسم الله الرحمن الرحيم
اولا بالنسبة للشركة الحمدلله وضعها كل ماله للاحسن من جميع النواحي وانشالله انها ثابته وللعلم حل الشركة مو من صالح العاملين فيها وتحديدا الامن والاطفاء لان الامل بالتطوير والتريقيات اكبر بوجود الشركه وعدم حلها..
حل الشركة او تحويلها الي المؤسسة ممكن يخلي الموظفين سنين محلك سر دون ترقيات او تطوير او دورات وراح تلاقون بيوم وليله كم كبير من الموظفين مسؤؤلين فوق روسكم والترقيات بتضيع عليكم عكس الوقت الحالي والفراغ الوظيفي الموجود لكن الموضوع يبي صبر لان هذي لوائح وقوانين ماكو شي ايي سهل اليوم اتخرج من الدوره باجر انا مسؤول !!!
الشركة جديده في القطاع النفطي ولا اتوقعون انها في يوم وليله بتتساوه بالشركات الكبيرة الموضوع يبيله صبر ودعم من الموظفين مو تحبيط في بعض واشاعات مالها داعي..
ثانيا بالنسبة للأمن انشالله الدورة ( دورة السينير ) راح تكون في بداية السنة الجديدة وتم لها الترشيحات من جميع الشركات ولها عدة شروط حسب للوائح والخبرة والاقدمية والانتظام بالعمل ولوائحة..
ثالثا نقابة شركة خدمات القطاع النفطي موجوده نقابة تأسيسية مو مطلوب منها اي انجاز لكن انجازاتها كثيره ومتعدد من بينها القريدات والدورات والكثير الكثير وكان لها عدة اجتماعات مع مجلس الادارة والوزير السابق وعدة طلبات وماقصرت وللعلم النقابة التأسيسية مهمتها فقط تأسيس واشهار النقابة وايقافها على رجلها وتسيلمها للمجلس التنفيذي الاول بعدها وعليهم الشغل..
واللي يسأل عن انجازات النقابة بيعرفهم في الجمعية العمومية قبل الانتخابات ..
بالنسبة لـتأخير النقابة فهذا مافيه لا مصلحة ولا غيرها الموضوع ان السالفة تحتاج اجلاات عند عدة جهات وشروط للمرشحين ولائحة المجلس الحالي قاعد يحاول يسهلها كثر مايقدر للمرشحين علشان ماينظلم احد ولايرد طلب ترشيح احد لان في ناس وايد ممكن ماتنطبق عليهم الشروط الحالية والمجلس الحالي ماله اي مصلحة بشي لان اساسا حتى الان ولا عضو واحد يرغب في اعادة الترشيح للمجلس القادم ..
(( النقابة الحالية لم تدعم من اي جهة كانت ولاتتبع اي جهة ولم تستلم اي دعم مادي من اي شخصية او جهة معينة ومو مثل بعض النقابات القديمة اللي الدعم من يمين ومن يسار فلحد يظلم النقابة الحالية بأي اشاعة ))
والسلام عليكم ورحمة الله وبركاتة
