صندوق المؤسسة!!!

[engineera]

السلام عليكم

حبيت اتفيدوني بشغله احنا ينخصم من معاشنا للتأمينات وهذا شي اجباري ..اما صندوق المؤسسه اللي يخصمون 2.5% هل هالشي اجباري ؟!! واقدر اطلع منه اذا مابي يخصمون !!وشالحكمه من هالصندوق دام في تأمينات؟ انا للحين موفاهمه!!

 

[مواطن]

تقدرين تطلعين منه بس ما انصحج ....الحكمة منه انه اذا تقاعدتي عقب عمر مديد وصحة وعافية ...بشروط محددة يمشي لج راتب منه بعد

 

[SCC]

الصندوق يعطي راتب تقاعدي (معاش الصندوق) بسقف 500 دينار * 95%

الموظف يدفع 2.5% حتى سقف راتب 1750
الشركه تدفع 5%

ممكن الانسحاب الاختياري باي وقت والحصول على المبالغ المدفوعه + عائد الاستثمار

 

[اه ياكويت]

ما انصح تنسحبين منه مثل مافسرو الاخوان وحتى لو ماطابقتي شروطها راح يرجعون المبلغ الي خذوه منك + فوائدها لما تتقاعدين عقب عمر طويل

 

[engineera78]

و انا كذلك ما انصحج بالانسحاب لان فايدتها بالمستقبل راح تظهر

 

[ملح المقوع]

نصيحه لاتنسحبين لان صندوق المؤسسه يعتبر مكسب للعاملين في القطاع النفطي.

 

[جابر]

حسب علمى :
الصندوق يحسب مثل التأمينات ...وحده 500 دينار ... أحسبه مثل معاش ثانى
يعنى لو الموظف مشارك فيه 15 سنه .... يأخذ 65% .... يعنى 325 دينار
كل سنه تزيد 2% .. وبحد أعلى 30 سنه ...
اللى مشارك 25 سنه ... يأخذ 65% + 10سنوات*2% = %85 ---- يعنى 425 دينار ..

 

[engineera]

اهاااااااااااااااااااا........الحين فهمت ...شكرا شكرا جزيلا
بس هم ممكن طلب اصغيرون شنو يعني سقف الراتب 500!! يعني اللي معاشه اكثر من 500 ولا شنو!!!

وجابر اشلون سوييت حسبتك ممكن ماعليك امر اتفهمني اذا ممكن طبعا

 

[جابر]

اهاااااااااااااااااااا........الحين فهمت ...شكرا شكرا جزيلا
بس هم ممكن طلب اصغيرون شنو يعني سقف الراتب 500!! يعني اللي معاشه اكثر من 500 ولا شنو!!!

وجابر اشلون سوييت حسبتك ممكن ماعليك امر اتفهمني اذا ممكن طبعا

ممكن ونص .. الجميع فى المنتدى لخدمة الجميع
لا مالها علاقه بالراتب ..و للفراش والمدير واللى درجته 1 أو 100 ماكو فرق مادام موظف ومشارك واللى يطلع لك حسب خدمتك.
الصندوق يقول أنا حدى 500 دينار (نظريا)...
لكن فعليا ما فيه أحد يستلم أكثر من 475 دينار شهريا (95% من قيمة الصندوق)

الحسبه :
إذا إنت مشاركه 15 سنه بالصندوق (حد إدنى) تأخذين 65% من ال 500 دينار .... نسبه ثابته (يعنى لج ..325 دينار )
لو مشاركتج بالصندوق (مثلا) عشرين سنه
لج 65% عن ال 15 سنه الأولى و ... كل سنه إضافيه لج 2% ... يعنى ال5 سنوات لج فيهم 10%
النتيجه = 65% (عن 15 سنه) + 10% (عن 5 سنوات الباقيه) ----> لج 75% من الصندوق(500 دينار)

الزبده (خدمة 20 سنه ) ---> 75% *500 دينار ---->375 دينار (هذى من الصندوق يعنى فوق راتب التأمينات)

زين ولا بعد ياباش مهندسه

 

[Element_X]

والله اللى اعرفه انا انه اى تعيين من بعد 1-1-2007 صار اجبارى الاشتراك بالصندوق واللى ماكان مشترك يقدر يشترك قبل 1-1-2007 ويتم عمل حسبه معينه لتغطيه فتره تعيينه او الاشتراك من تاريخ 1-1-2007 بدون ضم الفتره السابقه بس الاكيد والمهم انه الاشترك صار غصبن علينا

 

[مواق]

مع الاسف ان اغلب الموظفين الذين رواتبهم متدنية مايعرفون شي عن قوانين الاشتراك بالصندوق . وايضا مع الاسف ان الموظفين المستفيدين من الصندوق مايقولون الحقيقة المرة عن شروط الاستفادة من الصندوق للموظفين اللي رواتبهم متدنية واملهم بالاستفادة من الصندوق مثل امل ابليس بالجنة .

 

[engineera]

مشكوووووووووووور ياجابر كفيت ووفيييييييييييييييت

element_x ايييي انا وقعوني على ورقة انه اجباري حتى مادري شالسالفه كنت مابي اوقع لوول

مواااااااق...ماعليك امر ممكن توضح اكثر يا اخوي وهل شفت احد متضرر من الصندوق ..

 

[Bo Hadeel]

حلوة غصبن علينا عجبتني)

اذا تبون الصراحة وايد شغلات صارت غصبن علينا ويا خوفي يا اخوي الزيادة منهم

 

[العضو المنتدب]

بارك الله فيك أخوي جابر على التوضيح

 

[جابر]

مشكوووووووووووور ياجابر كفيت ووفيييييييييييييييت

بارك الله فيك أخوي جابر على التوضيح

من عمليات الخفجى المشتركه .. وعبر 009663 ( فتح خط الخفجى) نقول للجميع حنا بالخدمه

 

[مواق]

الحسبه :
إذا إنت مشاركه 15 سنه بالصندوق (حد إدنى) تأخذين 65% من ال 500 دينار .... نسبه ثابته (يعنى لج ..325 دينار )
لو مشاركتج بالصندوق (مثلا) عشرين سنه
لج 65% عن ال 15 سنه الأولى و ... كل سنه إضافيه لج 2% ... يعنى ال5 سنوات لج فيهم 10%
النتيجه = 65% (عن 15 سنه) + 10% (عن 5 سنوات الباقيه) ----> لج 75% من الصندوق(500 دينار)

الزبده (خدمة 20 سنه ) ---> 75% *500 دينار ---->375 دينار (هذى من الصندوق يعنى فوق راتب التأمينات)

عزيزي جابر ماذكرته صحيح ولكنك لم تذكر الشروط التعجيزية للصندوق ..
الزبدة ان هذا الكلام المكتوب لاينطبق على اغلب الموظفين . والمستفيد الوحيد هو الموظف الذي تعدى راتبة عند التقاعد 1700 لمدة ثلاث سنوات . وعمره طاف الخمسين .

 

[Phox]

طبعا بعد سؤال مستشارنا الشخصى

قال ان الخصم كان 1.5% من اجمالى الراتب بحد اقصى 1300 دينار (اذا صار معاشك 1500 او 1600 يتمون يخصمون 1.5% من 1300 واللى فوقها مالهم شغل فيه) وتقدر تستفيد منه بشكل كامل اذا خدمت 30 سنه او طلعت تقاعد طبي بعجز فوق 50% بحد اقصى 500 دينار (الفعلى يمكن 495 دينار)

قتله ان الخصم صار 2.5% فقالى مادرى مو منتبهه اذا زادوها والا لا


اخوى مواق

ممكن نعرف الشروط التعجيزيه ؟!! اول مره اسمع فيها صراحه

 

[mmkmoh]

نصيحه لاتنسحبين فيها فايده حلوه بعد التقاعد بعد عمر طويل انشالله

 

[engineera]

مشكورين ويعطيكم العافيه على الردود
و phox انا قارية كتبيهم اللي مافهمت منه شي غير انه ياخذون 25%

وايد مو ....

مواق ممكن ت لو سمحت تقولنا عن الشروط التعجيزية؟؟لو سمحت واذا ممكن

 

[جابر]

عزيزي جابر ماذكرته صحيح ولكنك لم تذكر الشروط التعجيزية للصندوق ..
الزبدة ان هذا الكلام المكتوب لاينطبق على اغلب الموظفين . والمستفيد الوحيد هو الموظف الذي تعدى راتبة عند التقاعد 1700 لمدة ثلاث سنوات . وعمره طاف الخمسين .

هلا والله بأخونا مواق .. ماذكرت الشروط التعجيزيه ..لأنى ما كنت أعرف عنها شى وكل اللى أعرفه حطيته
صح أنت ما تستلمه إلا إذا وصلت الخمسين .. هذا صحيح ....
بس ما أعتقد إن هذا تعجيزى ... اللى محتاج الراتب ماراح يطلع تقاعد قبل خدمه طويله ، وراح يوصل الخمسين ..
وتنطبق عليه شروط الصندوق .

واللى يتقاعد قبل الخمسين (شوف رد أخونا Scc بالأسفل )

الصندوق يعطي راتب تقاعدي (معاش الصندوق) بسقف 500 دينار * 95%

الموظف يدفع 2.5% حتى سقف راتب 1750
الشركه تدفع 5%

ممكن الانسحاب الاختياري باي وقت والحصول على المبالغ المدفوعه + عائد الاستثمار