نظام التأمينات الاجتماعيه

[frfosha]

يا اخوان ويا خوات صبحكم الله بالخير ، في شغله وبصراحه اجهلها بقوانين التأمينات الاجتماعيه ابي اعرف وقت التقاعد للنساء اذا كانت متزوجه او غير متزوجه لانه حسب علمي الحين السنين ارتبطت بالعمر فياليت احد عارف وفاهم بقوانينهم يشرحلنا ويعطينا نبذه عن نظام التأمينات الاجتماعيه ولكم جزيل الشكر مقدما بالمساعده

 

[مقهورة]

وحدة قوية

ادري انصدمتوا بالعنوان

بس بغيت اسال شلون طريقة التقاعد لاني يوم سويت الحسبة طلعت اني راح اتقاعد مع تقاعد الاستراتيجية 2020

وحدة قوية صح صارلي 7 سنوات بالكي او سي متى اتقاعد

يعني من فبراير 2001

 

[dehen_3ood]

خواتي اتفضلوا رابط ا مؤسسة التأمينات الاجتماعية والعمل وإن شاء الله يفيدكم

http://www.pifss.gov.kw/index.html

 

[الغالية]

يعطيكم العافيه خواتي

اذكر رفيجتي كلمت التأمينات قبل مده ... وهذا اللي قالوا لها :

اولاً : اذا كنتي من مواليد ما قبل 1970 + غير متزوجه = التقاعد بعد 20 سنه أو عمرج يوصل الأربعين سنه

ثانياً : اذا كنتي من مواليد ما قبل 1970 + متزوجه = التقاعد بعد 15 سنه أو عمرج يوصل الأربعين سنه

ثالثاً : اذا كنتي من مواليد ما بعد 1970 + غير متزوجه = التقاعد بعد 20 سنه + عمرج الأربعين سنه

رابعاً : اذا كنتي من مواليد ما بعد 1970 + متزوجه = التقاعد بعد 15 سنه + عمرج الأربعين سنه


طبعا الارملة او المطلقة اللي عندها عيال .. حالها حال المتزوجه

واذا انا غلطانه ... صلحوا لي بليز ​

 

[Shoomy]

والله انا مافي معلوم

حلو تساؤلج يا فرفوشه
اذا عرفتي شي عطيني خبر

 

[frfosha]

مشكوره اختي دهن عود والغاليه على الملومات وانشالله الكل يكون مستفيد بهذه المعلومات

 

[SOS_KW]

أنا اللي قاهرني انه قانون التأمينات يخصم مني كل شهر .. واذا طلعت تقاعد أوكي ينصرف لي راتب بس البوق اهو اني اذا مت تروح كل الفلوس بوش .. يعني عيالي ما راح يمشيلهم راتب ..

وبعدين القانون الثاني انه اذا وبعد عمر طويل واللهم اجعل يومنا قبل يومهم توفى الزوج والزوجة تعمل ما يطلعلها راتب ؟؟ اهي مسألة حق أم ماذا .. حق المواطن اللي اخصموا منه فلوس طول السنين انه زوجته وعياله يستفيدون منها والعكس صحيح اذا توفيت الزوجة حق زوجها وعيالها يستيفيدون من تعبها طول هالسنين والا شرايكم

 

[زهرة التوليب]

رابعاً : اذا كنتي من مواليد ما بعد 1970 + متزوجه = التقاعد بعد 15 سنه + عمرج الأربعين سنه

زين انا لما يصير لي خدمه 15 سنه هم ماراح يوصل عمري اربعين
يعني شلون الحسبه ؟؟

عاد انا مستانسه بتقاعد صغيره
والحين طلع لها حسبه ثانيه

 

[الشقااوي]

داموا ولا تفكرون بالتقاعد

 

[engineera]

الشقاوي مستعيلين على رزقنا نبي نريح من اولها الللللللللللللله يعني اتقاعد عمري 38 سنه والله زين اذا اتزوجت انشالله اتقاعد في هالعمر:]

 

[نفطي كويتي]

توكم علي التقاعد

شكلكم عجزتوا بدري