سؤال عن التفرغ الدراسي(إجازة امتحانات))

[كلمـ ولو جبر خاطر ـه]

بسم الله الرحمن الرحيم


يا جماعه عندي استفسار عن إجازة الامتحانات صارلي اسبوع كامل ادق على البداله وكل يوم محولين على واحد يقولي مو عندي


فياليت اللي يعرف طريقتها وعند منو تكون يبلغني واكون ممنون لكم

 

[dehen_3ood]

اخوي الكريم .. الحاصل بإدارتنا إن الموظف إييب ورقة لمن يهمه الأمر إنه مقيد بالجامعة (ما زال مستمر بالدراسة) ويرفق جدول الأمتحانات .. ويوقع على ورقة الإجازة بدون تحديد عدد الأيام ومتى تبتدي إجازته .. يوافق عليها التيم ليدر مع كتاب رسمي منه موجه إلى رئيس فريق عمل التطوير الوظيفي والتدريب ( الـ Career ) بأن لا مانع من إعطائة إجازة حضور امتحان !! اهم إللي يحددون متى تطلع إجازة ومتى اتدام !!

عاد بشرنا بالنتائج وعقبال الشهادة وبالتوفيق إن شاء الله

 

[كلمـ ولو جبر خاطر ـه]

مشكوووور يا دهن عوود وانشالله ابشارة النجاح لك

بس هم عندي استفسار يعني الحين ماله داعي اسوي اي شي بس اذا نزل جدول الامتحانات اسوي اللي قلتلي عليه

 

[الغالية]

كلامج عدل اختي دهن عود

 

[dehen_3ood]

مشكوووور يا دهن عوود وانشالله ابشارة النجاح لك

بس هم عندي استفسار يعني الحين ماله داعي اسوي اي شي بس اذا نزل جدول الامتحانات اسوي اللي قلتلي عليه

متى ما قربت امتحاناتك إن شاء الله طلع لمن يهمه الأمر وسوو شغلك والله يوفقك
بس سؤال .. إنت اساساً من بديت دراستك ما دزيت كتاب للكرير وقلت لهم إنك تدرس وإن دراستك ما اتعارض مع دوامك !! اعتقد هالكتاب ضروري في بداية الدراسة .. تقدر تستفسر من عدنان السبتي على الرقم 67848

بس بالغالب هذا إللي قاعد يصير الشباب من اتقرب امتحاناتهم يسوون جذي !!

 

[كلمـ ولو جبر خاطر ـه]

مشكوووووووووور وما قصرت وعساك على القوه وانشالله نخدمك بالافراح


ومشكوره يالغاليه على المرور

 

[Shoomy]

مدة اجازة الامتحانات 30 يوم بالسنه وتقسم حسب جدول امتحاناتك مثل ماقالت اختي دهن العود

الله يوفق الجميع بدراستهم

تحياتي

 

[كلمـ ولو جبر خاطر ـه]

مشكوره يا شوومي وانا اقول اسف لاختي دهن عود لاني كنت ارد عليها على انها واحد

وتوني دريت انها وحده

واشكركم مره ثانيه

 

[مشغل قديم]

معلومات مفيده ثانكس

 

[حرف]

وللمعلوومه يشترط تكون خدمه الموظف 3 سنوات علشان يقدر يقدمطلب اجازه الاختبارات

 

[dehen_3ood]

شكرا لك يا حرف على هالإضافة المفيدة للكل والجميع

 

[كلمـ ولو جبر خاطر ـه]

مشكور يا حرف ولو انك ضيقة خلقي

واللي انا سامعها انه سنتين

 

[الغالية]

اخوي

نصيحتي .. ومن باب التأكيد اسأل الـCareer ... عن سنوات الخدمة !

 

[كلمـ ولو جبر خاطر ـه]

مو يالغاليه انتي ماتدرين شسوو فيني الكاريير رحتلهم واحد دزني على واحد لين وصلة للهندي قالي


بابا انت يعرف باب وين


قلتله ايه بابا

قالي انا يبي يشوف عرض مال كتف انت

 

[Shoomy]

مو يالغاليه انتي ماتدرين شسوو فيني الكاريير رحتلهم واحد دزني على واحد لين وصلة للهندي قالي


بابا انت يعرف باب وين


قلتله ايه بابا

قالي انا يبي يشوف عرض مال كتف انت

كاااااااااااااااااااااااااك
لا يبا انا اقولك
لازم خدمتك تكون سنتين هذا اللي اعرفه
بس انا رحت للكارير قبل شهر وبلغتهم اني ادرس
وقالي عادي وعلى فكره انا ماكملت سنه بعد

توكل على الله وروح تاكد بالكاريير
ولا اقولك انا راح اسالك واردلك خبر

 

[كلمـ ولو جبر خاطر ـه]

يا بعد قلبي يا شومي ما قصرتي والله انا بعيد بالمناقيش وماقدر امرهم


ما تقصرين

 

[حرف]

كلمه ولو جبر خاطر

ماعاش اللى يضيق خلقك

افا عليك دام صارلك سنتين عندي لك الحل يمشي وضعك لى ما تصير لك 3 سنوات وبعدها تاخذ اجازه الاختبارات

سلمك الله امتحانات شهر 1 اخذ اجازه حج

وشهر 5 من رصيدك

ومن بعدها يصير لك 3 سنوات تقدر تقدم على الاجازه

بس شد حيلك

 

[حرف]

تصحيح المعلوومه

سنتين اجازه دراسيه
3 سنوات بعثه

 

[Winchester]

كلمه ولو جبر خاطر

ماعاش اللى يضيق خلقك

افا عليك دام صارلك سنتين عندي لك الحل يمشي وضعك لى ما تصير لك 3 سنوات وبعدها تاخذ اجازه الاختبارات

سلمك الله امتحانات شهر 1 اخذ اجازه حج

وشهر 5 من رصيدك

ومن بعدها يصير لك 3 سنوات تقدر تقدم على الاجازه

بس شد حيلك

اخوي اجازة الحج اذا ماني غلطان ما تحق للموظف الا بعد مرور 5 سنوات من الخدمة

 

[HUMMER]

انا اقول اخوي ضبط اجازتك واحسبها صح
وبعدين الجامعات اللي بره يعرفون طريقة الكويتيين

والله يسهل امورك وويوفقك