من طرائف العمل بشركة نفط الكويت

3eFLanGi

بـترولـي جـديـد
وصلني هذا الخبر من صديق وضحكت وايد لما سمعتة وحبيت اشارك اخواني واخواتي علية ، في تيم ليدر(من اللى صاور رؤساء بالغوترة والواسطة طبعا) فى احد فرق العمل الادارية بالشركة مو هامة بالشغل غير الدوام الساعة سبع ، ويا ويله اللى يتأخر ولو حتي خمس دقايق ،في يوم من الايام قام وكلم أحد موطفين بفريقه وقاله:

التيم ليدر : ليش ياي متأخر اليوم على الدوام
الموظف : والله با بو فلان طق عندي بنشر
التيم ليدر : واحنا كل ما سالناكم ليش متاخرين ما عندكم غير هلاعذار االمكشوفة يالا اثبتلي ان تأخيرك كان من البنشر

وهده ومشى ، الموظف اهني انقهر وقام يفكر شلون يرد علية ، راح الموظف السيارة وبطل الدبة وطلع التاير المبنشر وحطه على الارض وصور التاير بكاميرة التلفون ورد مكتبه وطبعها ودزها حق التيم ليدر وكتب على الصورة " مرفق صوره التاير المبنشر سبب تاخيري صباح اليوم ...... وذلك للعلم ولعمل ما ترونه مناسبا". "طبعا التيم ليدر اندقر وسكت وما رد عليه

تري هذي القصة حقيقية مو من تأليفي ومن المضحك المبكي ان هذا الموظف يشهد له بالكفاءة والحضور المبكر والتيم ليدر نفسه يضرب فيه المثل للموظفين الأخرين بالقسم ولكن اذا حصللك مثل نوعية صاحبنا التيم ليدر اللى يهمة الدوام اكثر من الشغل ماكو احسن من رد هالموظف عليه وعلى قولت المثل الشامي ( هيك ناس عاوزه هيك معاملة).

ارجو من اخواني واخواتي ان يشاركونا بتجاربهم الطريفة اللى تحصل معاهم بالدوام

ودمتم
 

جونم جقرم

بـترولـي خـاص
أعضاء الشرف
كاااااااااااااااااك
أسمع هذي مره داومت متأخر ويدق علي مسؤوول النوبه الي اهو الكنتروولرر وقاالي وينك ليش متأخر قلتله ولدي كان مريض ووديته المستشفي ورديت رد وقالي شلي يثبت ها الشي
واقووم وادق علي المداام وخليتهاا تبجي الولد واقووم واسجل صووته وادزه بلووتووث حق الكنتروولرر اهني اقتنع انه كان مريض

وتقبل تحياااتي
 

LaRambla

بـترولـي خـاص
أعضاء الشرف
كاااااااااااااااااك
أسمع هذي مره داومت متأخر ويدق علي مسؤوول النوبه الي اهو الكنتروولرر وقاالي وينك ليش متأخر قلتله ولدي كان مريض ووديته المستشفي ورديت رد وقالي شلي يثبت ها الشي
واقووم وادق علي المداام وخليتهاا تبجي الولد واقووم واسجل صووته وادزه بلووتووث حق الكنتروولرر اهني اقتنع انه كان مريض

وتقبل تحياااتي


قال رسول الله صل الله عليه وسلم

((لاتتمارضوا فتمرضوا فتموتوا))

لا تفاول على ولدك على شان تأخير
 

Mr. Engineer

بـترولـي مميز
التيم ليدر: ليش ياي متأخر اليوم على الدوام
الموظف : والله با بو فلان طق عندي بنشر
التيم ليدر : واحنا كل ما سالناكم ليش متاخرين ما عندكم غير هلاعذار االمكشوفة يالا اثبتلي ان تأخيرك كان من البنشر

و الله آنا لو من الموظف أنادي واحد من هالبنغالية يشيل التاير بكبره و يدخله على مكتب التيم ليدر!!!:D

بس ودي أشوف النظرة على ويهه من الفشلة.

شكراً للمشاركة الجميلة
 

جونم جقرم

بـترولـي خـاص
أعضاء الشرف
قال رسول الله صل الله عليه وسلم

((لاتتمارضوا فتمرضوا فتموتوا))

لا تفاول على ولدك على شان تأخير

يا عزيزي الفااضل اولا الله يبعد عنا وعنك وعن كل شخص الشر والمكروه ثانيا انا فعلا كنت صادق بكلامي وأعتقد انك مافهمت موقفي فديتك
ع العموم مشكور ((:)

وتقبل تحياتي
 

كلمـ ولو جبر خاطر ـه

بـترولـي نشيط جدا
انا اقولكم موقف ما بعده موقف بس طبعا كاصار بالقطاع النطي صار بالجيش واحسن من عذره ما فيه

واحد غاب عن الدوام اسبوع كامل وبعد اسبوع جا العسكري للدوام متراهي يتمشى على كيفه


ناداه االضابط وقاله شحقه صارلك اسبوع مو مداوم

رد عليه العسكري ببرود اعصاب والله كنت نايم

عصب الضابط وقاله انت اكيد تستعبط ولازم اصرحك من الجيش

عصب العسكري اقولك نايم مو مصدقني


قاله الضابط اثبتلي انك نايم اسبوع والله ما تدخل العقل اسبوع نايم

رد العسكري يعني انت مو مصدق اني نايم السبوع

الضابط اكيد مو مصدق

رد العسكري

يعني انت مصدق ان اهل الكهف نامو 309 سنوات ومو مصدق اني نايم اسبوع

فضحك الضابط وسامحه والقصه واقعيه وحصلت بالكويت بالجيوان
 

LaRambla

بـترولـي خـاص
أعضاء الشرف
يا عزيزي الفااضل اولا الله يبعد عنا وعنك وعن كل شخص الشر والمكروه ثانيا انا فعلا كنت صادق بكلامي وأعتقد انك مافهمت موقفي فديتك
ع العموم مشكور ((:)

وتقبل تحياتي



انا اسف اخوي فهمت غلط على بالي السالفة تمثلية على شان التاخير وصدقني انا ما رديت هالرد الا خوفا عليك وعلى ولدك الله يحفظكم كلكم ان شاءالله


تقبل اعتذاري
 

العندليب

بـترولـي نشيط جدا
مشكلة بعض المسؤولين أنه وللأسف أنه يعتقد أنه يداوم في شركته الخاصه وعلى باله أن كل شي له حكم أو سلطه فيه الله يهديهم ويصلحهم ما جنهم كانوا موظفين حالهم حال غيرهم.........لكن ياجماعه اللي يتأخر على الدوام أهم شيئين ماينساهم : الأول لاتسرع ولاتقود السياره بسرعه فوق المعدل الطبيعي ولاترتبك ولاتحاول توصل بالوقت المحدد أهم شي سلامتك وسلامةالأخرين وماراح تطير الدنيا يعني وكافي اللي نشوفه كل يوم من حوادث وترى الدوام لله سبحانه وشنو يعني لو تأخرت أحنا بشر. والشي الثاني لاتختلق الأعذار الغير صحيحه خلك صريييييييييييييييييييح وقول عذرك الحقيقي بكل صراحه حتى لو كان غير مقنع لكن كن صريح وترى محد راح يقطع راس أحد ولا أحد راح يوقف معاشك والصدق أهم من أني اكون كذاب أو أكتسب ذنب عشان أرضي أو أقنع مسؤولي.

وشكرا
 

Mr. Engineer

بـترولـي مميز
مشكلة بعض المسؤولين أنه وللأسف أنه يعتقد أنه يداوم في شركته الخاصه وعلى باله أن كل شي له حكم أو سلطه فيه الله يهديهم ويصلحهم ما جنهم كانوا موظفين حالهم حال غيرهم.........لكن ياجماعه اللي يتأخر على الدوام أهم شيئين ماينساهم : الأول لاتسرع ولاتقود السياره بسرعه فوق المعدل الطبيعي ولاترتبك ولاتحاول توصل بالوقت المحدد أهم شي سلامتك وسلامةالأخرين وماراح تطير الدنيا يعني وكافي اللي نشوفه كل يوم من حوادث وترى الدوام لله سبحانه وشنو يعني لو تأخرت أحنا بشر. والشي الثاني لاتختلق الأعذار الغير صحيحه خلك صريييييييييييييييييييح وقول عذرك الحقيقي بكل صراحه حتى لو كان غير مقنع لكن كن صريح وترى محد راح يقطع راس أحد ولا أحد راح يوقف معاشك والصدق أهم من أني اكون كذاب أو أكتسب ذنب عشان أرضي أو أقنع مسؤولي.

وشكرا

كلام سليم جداً،

ذاك اليوم سمعت واحد يسولف إنه راحت عليه نومة شوي، قام يدوس فوق 160 علشان ما يتأخر عن الدوام،

يبا خير يا طير، حتا لو تأخرت شبيصير يعني، أقصى ما فيها راح تسمعلك جم كلمة من المسؤول، بس عادي طوف.

يعطيك العافية.
 

المهندس

بـترولـي خـاص
كلام سليم جداً،

ذاك اليوم سمعت واحد يسولف إنه راحت عليه نومة شوي، قام يدوس فوق 160 علشان ما يتأخر عن الدوام،

يبا خير يا طير، حتا لو تأخرت شبيصير يعني، أقصى ما فيها راح تسمعلك جم كلمة من المسؤول، بس عادي طوف.

يعطيك العافية.


صارت سالفه حق زميل لي يشتغل في النورث - لمن صار التسريب في النورث واهوا في الاحمدي - المنجر يدق عليه كل دقيقتين - ووينك ما صلت ويللا بسرعه ومادري شنو - ولانه صاحبي مجتهد وقلبه عالشغل كان يدوس بسرعه يعني فوق المعدل اذا مو 180 - المهم وصل الريال وخلصو المشكله وقتها 24 ساعه ما نام وعقبها رد البيت - بس من التعب نام في الطريج - المهم وقتها قالي عالسالفه قتله انت وراك عيال شنو بيفيديك المسئول لو طق معاك بنجر وصارلك حادث - يعني تذبح نفسك علشان مسئول كل دقيقه يدق يقولك وصلت واللا لا- صج انك مطيور- الشغل ما راح يخلص وانت راح توصل .. الولد عقبها تسنع وقام يفكر في عياله قبل لا يطير الشغل...

ودمتم
 

موظفة

بـترولـي جـديـد
مشكلة بعض المسؤولين أنه وللأسف أنه يعتقد أنه يداوم في شركته الخاصه وعلى باله أن كل شي له حكم أو سلطه فيه الله يهديهم ويصلحهم ما جنهم كانوا موظفين حالهم حال غيرهم.........لكن ياجماعه اللي يتأخر على الدوام أهم شيئين ماينساهم : الأول لاتسرع ولاتقود السياره بسرعه فوق المعدل الطبيعي ولاترتبك ولاتحاول توصل بالوقت المحدد أهم شي سلامتك وسلامةالأخرين وماراح تطير الدنيا يعني وكافي اللي نشوفه كل يوم من حوادث وترى الدوام لله سبحانه وشنو يعني لو تأخرت أحنا بشر. والشي الثاني لاتختلق الأعذار الغير صحيحه خلك صريييييييييييييييييييح وقول عذرك الحقيقي بكل صراحه حتى لو كان غير مقنع لكن كن صريح وترى محد راح يقطع راس أحد ولا أحد راح يوقف معاشك والصدق أهم من أني اكون كذاب أو أكتسب ذنب عشان أرضي أو أقنع مسؤولي.

وشكرا

كلامك عين العقل والصواب يعطيك الف عافييييييييييييييييييييييييييييييييييية ياعندلييييييييييييييييييييييب المنتدى:)
 

الغالية

بـترولـي خـاص
عندنا تيم ليدر .. يستانس اذا جانا الشتاء .... تدرون ليش ؟!!


عشان من تتعدى الساعه 7 .. طلع للمواقف ويحط إيده على السيارات .. واللي سيارته حارة معناها توه واصل !!!


اي شي .... هههههههههههههههههههههههههههههههههههههههههههههه
 

العندليب

بـترولـي نشيط جدا
هههههههههههههههههههههه والله ضحكتيني الغاليه عن جد الحمدلله والشكر على نعمة العقل لكن سبحان اللذي زين البشر بالعقل... شكرا أختي موظفه على مرورك والله يحفظنا أجمعين
 

كلمـ ولو جبر خاطر ـه

بـترولـي نشيط جدا
عندنا تيم ليدر .. يستانس اذا جانا الشتاء .... تدرون ليش ؟!!


عشان من تتعدى الساعه 7 .. طلع للمواقف ويحط إيده على السيارات .. واللي سيارته حارة معناها توه واصل !!!


اي شي .... هههههههههههههههههههههههههههههههههههههههههههههه



خوووووووووووووش تيم ليدر وخوش حركه

سوالف المسئولين ماتخلص وماندري هم الصح ولا احنا
 

Shoomy

بـترولـي خـاص
عيل احلى طرفه لمن التيم ليدر يشتكي عليك عند المنجر عشان طالع من الدوام 5 دقايق مبجر

صج صج تحفه هالتيم ليدر
 

المشاكس

بـترولـي خـاص
أعضاء الشرف
اهي بس راده على لتيم ليدر حتى المشرف (السوبرفايزر) فيهم وايد مو صاحيين وخاصة الي ترقوا آخر سنتين مو مصدقين طبعاً مو الكل ...

والمشكلة أكثر التيمليدرز والمشرفين مايفتهمون بالأمور الأدارية شي ولما تحاججهم بالقانون يضيعون ويدشون لك في موضوع ثاني عن الفشلة

والصراحة في بعض التيمليدرز ماينلامون .... بعض هم في بعض الموظفين ماينعطون وجه ويطلعون أعذار مادري شلون صايره ... خاصة ألي اييك يقولك .... انا باجر ماني مداوم ... تقوله ليش ...؟ يقولك ... عندي عشى بالبيت .... زين يعني ماتعرف تعزم الناس إلا بزام الليل ....... شي عجيب
 

Mr. Engineer

بـترولـي مميز
عيل سمعوا هذي،

فيه واحد كان تيم ليدر، الحين صار مانيجر، كان بعد الساعة 7:15 يقفل باب الدوام،

و عاد شوف الموقف الموظفين متكودين بره و هو مو راضي يدخلهم،

صج لي قالوا العقل زينة
 

الغالية

بـترولـي خـاص
هههههههههههههههههههههههههههههههههههههه

تيم ليدر .. مركب كاميرات مراقبه على الباب .. ويشوف منو اللي داش ومنو اللي طالع !!
 
أعلى