الاستئذان من الدوام الرسمي

[مو غلط]

يا جماعه اللي يعرف كم مره يحق للموظف انه يستأذن بالشهر يقولي لأنه السالفه ضايعه محد يعرف الي له واللي عليه ... واحد يقولك مره بالشهر والثاني يقول مرتيين وغيره ثلاث اذا فيه احد يعرف كم مره لي حق استأذن يقولي الله يخليكم لأني ضايع حسب مزاج مديري..... موغلط

 

[Element_X]

والله يا حبيبي قبل كانت على مزاج المدير مالها قانون بس الان مالك اى شى تتأخر دقيقه يخصم من راتبك دقيقه

 

[زهرة التوليب]

اللي اعرفه كل واحد وحسب مسؤوله

بس طبعا اكيد في قانون يبين جم عدد الاستئذانات بالشهر
وبيني وبينكم ما ادري ليش هالقوانين يحاولون يخشونها عن الموظفين وما يخلونها ظاهره !!

وكل قسم قاعد يحط قوانين على كيفه
واحنا اللي ضايعين

 

[frfosha]

احنا بقسمنا بصراحه على حسب مزاج مسؤولك يعني اذا كان مزاجه زين وقعلك الاستأذان قد ما تبي واذا مزاجه مو مضبوط عادي يصكك بخصم جم ساعه اذا طلعت وما استأذنت أو ما وقع ورقتك

 

[نفطي كويتي]

انا لو مدير لأطلع اللي علي مزاجي

 

[mofraka]

الحمد لله رب العالمين أنا في إتفاق بيني وبين مسؤولي إني أدز له مسج إذا حبيت أتأخر
لا أوقع إستئذان ولا شي .
عسى الله لا يغير علي .

 

[العضو المنتدب]

في لوائح وفي ضوابط لكن أين التطبيق
في النهاية أصبحت على حسب رأي المسؤول وحسب تقديره للأمور

 

[Green Tea]

لك حق بست ساعات خلال الشهر

 

[jajs04]

6 ساعات هذا بالوزارات

متأكد إنه عندنا؟

 

[Green Tea]

6 ساعات هذا بالوزارات

متأكد إنه عندنا؟

اي نعم تقدر تتأكد اسأل شؤؤن الموظفين
والتأخير ثلاث ساعات بالشهر
وبعدها يبلش الخصم

 

[brilliant]

ماعتقد ان فيه ساعات معينه بالشهر

متاكده شاي اخضر ؟

 

[Green Tea]

ماعتقد ان فيه ساعات معينه بالشهر

متاكده شاي اخضر ؟

متأكده بس انتو تأكدوا مو تغيبون وتبلشوني

 

[زهرة التوليب]

احنا في شركتنا ودائرتنا تحديدا

لنا 3 استئذانات بالشهر بس ما تتعدى 6 ساعات

اذا تعدت 6 ساعات تنكتب أجازه

 

[brilliant]

انا توني كاتب مذكره لقسم شؤون الموظفين اشرح لهم سبب تاخيري ساعتين بس قبل شهر

 

[Green Tea]

انا توني كاتب مذكره لقسم شؤون الموظفين اشرح لهم سبب تاخيري ساعتين بس قبل شهر

آي شي ؟ ليش عاد ؟ يبون يعرفون السبب ؟
صراحه الشي اللي استغربت منه بالمؤسسه ان كل شي MEMO

 

[brilliant]

دازين لكل الاقسام اسماء الموظفين الي تاخروا انا طلع لي ساعتين قبل شهر وردينا القسم كله بمذكره وحده

من دشيت المؤسسة اول مره يمر علي هالشي

 

[بنت كوفبك]

مو غلط للأستأذنا في اثناء الدوام ، لان كافي كنا نقضي حاجتنا في يوم السبت والحين اجازه وتوهقنا لانقدر انسوي

مشاويرنا ولا شئ.

 

[فانوس]

انتو وين اداومون ؟

 

[brilliant]

فانوس القوانين ثابته بكل الشركات