يا موظفي المكتب الرئيسي ...ردوا على تلفوناتنا ....الله يهديكم

سفاري الكويت

بـترولـي نشيط جدا
يا موظفي المكتب الرئيسي ...ردوا على تلفوناتنا ....الله يهديكم

يعني من يوم ما حطوا لكم كاشف قمتوا تكشتون بالموظفين

يعني مرة اتصلت على قسم المحاسبة طبعا محد رد علي وانا في شعبية خذيت السيارة ورحت المكتب الرئيسي

عشان اسأل سؤال ورجعت

مو حرام عليكم
 

frfosha

بـترولـي مميز
خلها على الله ياكلنا بالهوى سوى سفاري واذا كلموك مره وتوهقو بالموضوع قامو يصيعونك ادق لما يخيب ثناك ويشوفون الكاشف بس ما يردون
 

سالم الخالدي

رئيس اللجنة الإعلامية
فريق الإعلام
للأسف ماوراهم أحد يحاسبهم


والا كان ماوصلوا لهذه الدرجة

بس اصبر راح نوريك فيهم قريب بنكتب شكوى جماعية على الموظفين اللي في المحاسبة وشؤون الموظفين
 

زهرة التوليب

بـترولـي خـاص
اي والله وانت الصاج

وخاصه قسم الخدمات وشؤون الموظفين
كله يحقرون وما يشيلون التلفون لو تقعد تشخلهم ما يردون عليك !!!

وصج ليش احنا ما عندنا بداله حالنا حال باجي الشركات !!
 

frfosha

بـترولـي مميز
لووووووووووووووول والله ضحكني بنيدر يقول دزلهم ايميل ، مشكله حسباله بسهاله بردون على ايميلاتكم اهم معاملات الناس واقفه عندهم وتقولي ايميلات اقبض من دبش
 

نوارة البترول الوطنية

بـترولـي جـديـد
والله احنا بالمكتب الرئيسي قاعد نحاول قدر الإمكان ، بس مو ملحقين
20 موظف يخدمون 6000 موظف ! ما نبد
زيد على جذي ان أغلب الموظفين اللي يدقون يطولون بالحجي والأسئله المليقه اللي مالها داعي
و أكثر الاسئله : اشصار على الزياده؟ :confused: اشدرانا ! احنا حالنا حالكم ليلحين ما يانا شي رسمي
لا و الموظف يدق ويقول ان الاوفرتايم مالي ماانصرف ، و لما ندور و نطالع نلقا إن الاوفرتايم اللي يسأل عنه بتاريخ أمس يعني ما مداه حتى يوصل لنا بالبريد :mad:
احنا ناخذ معاشنا عشان نساعد الوظفين على حل مشاكلهم ونصرف مستحقاتهم، و صدقوني قاعد نسوي كل اللي نقدر عليه
و السموحه اذا في تقصير

;)
 

سفاري الكويت

بـترولـي نشيط جدا
قواكي الله على المجهود اللي تسووينه
بس العلة بالموظفين اللي يشوفون الرقم ويكشتون فينا

اللي خلاني آخذ سيارتي واطلع من المصفاة عشان اسأل سؤال وارجع
 

frfosha

بـترولـي مميز
نواره كثر الله من امثالج وانشالله الرساله تكون واصله لجميع موظفي هذا القسم وبصراحه مرات ما تنلامون في موظفين مملين واسالتهم جدا تافهه والله يكون بعونكم بس في اشياء مهمه نضطر اندق عليكم بس براحه ما من مجيب ولك جزيل الشكر
 

الاول

بـترولـي جـديـد
والله احنا بالمكتب الرئيسي قاعد نحاول قدر الإمكان ، بس مو ملحقين
20 موظف يخدمون 6000 موظف ! ما نبد
زيد على جذي ان أغلب الموظفين اللي يدقون يطولون بالحجي والأسئله المليقه اللي مالها داعي
و أكثر الاسئله : اشصار على الزياده؟ :confused: اشدرانا ! احنا حالنا حالكم ليلحين ما يانا شي رسمي
لا و الموظف يدق ويقول ان الاوفرتايم مالي ماانصرف ، و لما ندور و نطالع نلقا إن الاوفرتايم اللي يسأل عنه بتاريخ أمس يعني ما مداه حتى يوصل لنا بالبريد :mad:
احنا ناخذ معاشنا عشان نساعد الوظفين على حل مشاكلهم ونصرف مستحقاتهم، و صدقوني قاعد نسوي كل اللي نقدر عليه
و السموحه اذا في تقصير

;)



ليش متضايقه اطلبى نقل الى احدى المصافى وريحى بالج بعدين هذا شغلكم تأدون خدمات للموظفين من شئون موظفين ومنغيرها من الاقسام


ودمتم
 
أعلى