مهم جدا جدا

ذيابه الاحمدي

بـترولـي جـديـد
اول شي احب اقول لاعضاء المنتدى يعطيكم العافيه

على الموقع الاكثر من رائع واللي فيه وايد من الموظفين راح يستفيدون منه اكيد


خلنا ندخل بالموضوع

بالنسبه للاخت غدير دشتي وشكوتها على موضوع المواقف

احب اقولها هذي مشكله تعاني منها كل الوزرات وكل قطاعات الدوله

مو بس البترول اللي فيها المشكله هذي

وبعدين هذا مو عذر ان باجر راح يكون مطر والجو راح يكون بارد


يعني افهم من كلامج ان الدول الاوربية بالشتا ما يدامون صح لان فصل الشتاء اطول من الصيف

والصراحه الامن ابتلشو فيكم

بالصيف تقولون الشمس حاره ما نقدر نمشي

والشتاء تقولن مطر وبرد

يعني بعرف المصافط في اي موسم راح تصفطون على شان ما يخالفونكم


وبالنسبه للاخت غدير تم مخالفتها اكثر من مره وعلى كلامها 6 مرات يعني لو الامن مثل ما اوصفونا بالذيابه

راح يكون لهم رد وردهم اهوا :

ان اللي يتخالف مرتين مو 6 مرات اول مره يكتب تعهد وثاني مره يرفع فيه كتاب

يتم في مخاطبة الدائرة اللي تابع لها ويتم إعطائه انذار خطي بالنسبه لموظفي الشركة أما بالنسبه لموظفي المقاول فيتم سحب التصريح وعدم دخوله الى جميع مصافي الشركة ويتم ايضا مخاطبة ادارة المرور بوزارة الداخليه لتحصيل المخالفات

يعني يريح نفسه ويخلي سيارته عن البيت صافطه بالضلال

لكن للاسف الامن في السابق وايد تساهلو بالموضوع هذا لدرجة ان الاغلبية ما قمت تاخذ الموضوع على محمل الجد

ولكن من فتره قصيره زادت المخالفات وزادت التعهدات

ومثل ما يقولون ابليس يعرف ربه

للعلم ان مواقف مبنى الادارة تشيل اكثر من 400 سيارة​
 

زهرة التوليب

بـترولـي خـاص
زين ليش ما يسون مثل عندنا في المبنى الرئيسي

موظفين الشركه مصافطهم تكون قريبه
والمقاول ابعد شوي

لأن موظف الشركه أحق من المقاول بالمصافط !!

في المبنى الرئيسي المقاول مسافطهم بعيد وايبونهم في باصات
بس موظفين الknpc مصافطهم قريبه وعند المبنى
 

frfosha

بـترولـي مميز
يا حوي يا ذياب الاحمدي الكلام اخذ وعطى وعلى فكره المنتدى عذا لطرح المشاكل اللي نعاني منها في هذا القطاع ، وفعلا ترى بالنسبه لنا يا بنات صفاة ميناء الأحمدي ما لنا ماقف قريبه من البوابه والسبب الآن بسبب كثرة البنات الجدد ونقترح ونتمنى أن يكون في مواقف طوابق وحتى لو تكون برسوم سنويه والله موافقين ولا بهذلتنا والمشي بعز الصيف وقلنا تعودنا على حر ديرتنا ميخالف بس بالشتا والله نتبهذل بالجو البارد ولا بامطر والسيارات نصفطها بعيد عن البوابه ، وانت الظاهر يا اخي الكريم من الناس اللي ضامن موقفه يعني ما تحاتي شي لا ويمكن تدخل بسيارتك داخل المصفاة بعد فلنا رجاء واتحدق بالنيابه عن اغلب بنات مصفاة الاحمدي بأت تجدو لنا حل بهذه المشكله ولكم جزبل الشكر
 

ذيابه الاحمدي

بـترولـي جـديـد
رد :: مهم جدا جدا

مرحبا يا شباب وبنات

اشكر الاعضاء اللي تفاعلو مع موضوعي

بس صدقوني

مثل ما قلت وراح اقول مليون مره المشكله هذي الكل يعاني منها بالكويت

وبالنسبه للتركيز على مواقف الادارة ترى الامن ما تحركو إلا من بعد ما الاداره اشتكت عليهم

انا اقول لكم شلون

الحين اللي يوقفون غلط عند الادارة وبالضبط عند المدخل المؤدي للادارة

يعني المدير او اي مسؤل او زائر يبي يدخل الادارة يشوف المنظر هذا

بالحاله هذي تتوقعون ان الادارة راح تخاطب الموظفين ولا الامن

اكيد راح يقولون للأمن انكم مو شايفين شغلكم عدل

يعني الامن على شان يبرئ نفسه جدام الادارة اقل شي يقدر يسويه انه يخالف

السيارات اللي مو واقفين عدل كأجراء يسد على الامن باب

واسف على الاطاله


مع تحيات ذيابه الاحمدي
 

غدير دشتي

بـترولـي نشيط
زين ليش ما يسون مثل عندنا في المبنى الرئيسي

موظفين الشركه مصافطهم تكون قريبه
والمقاول ابعد شوي

لأن موظف الشركه أحق من المقاول بالمصافط !!

في المبنى الرئيسي المقاول مسافطهم بعيد وايبونهم في باصات
بس موظفين الknpc مصافطهم قريبه وعند المبنى

حرام عليج ليش هذا كله:mad:
 

غدير دشتي

بـترولـي نشيط
;( ليش يعني إنزين عيل خلو مصافط البنات قريبه وline كامل بس حقنا على العدد وكل وحده تصفط في مكانها وحطو أسامينا على المظلات وباقي المصافط لكم بس على الحروف الأبجدية شرايكم
 

زهرة التوليب

بـترولـي خـاص
حرام عليج ليش هذا كله:mad:

اختي انا ما قلت شي غلط

هذا اللي حاصل عندنا في المبنى الرئيسي (دار الوطنيه )
مسافط القريبه حق موظفين KNPC
والمسافط البعيده حق المقاول
والباص يوصلهم لي باب المبنى

حرام علي شكو ؟؟

ليش انتي مو موظفه شركة؟ والا مقاول ؟

اذا موظفه شركة المفروض ما تزعلين من كلامي بالعكس تفرحين لأني قاعده اقول يخلون موظفين الشركه لهم الأوليه بالمواقف

اما اذا مقاول فيعينج الله
 

منطقي

بـترولـي نشيط
إلى الأخوات الفاضلات مع التحية والاحترام...العنصر النسائي (( الحريم )) اللواتي يُطالبن المساواة مع (( الرجال )) في جميع المناصب والمجالات وحقوق الإنسان مُحلو وغير مقبول التذمر شنو الفرق بين الصف الاول أو الثاني أو حتى الثالث والكل عارف ظروف الطقس في بلدنا الحبيبة..........صدق الله تعالى حيث قال : { وقرنا في بيتوتِكنّ } وهو العليم الحكيم...والله يحفظ الجميع ...
 

اطفائي طموح

بـترولـي نشيط جدا
إلى الأخوات الفاضلات مع التحية والاحترام...العنصر النسائي (( الحريم )) اللواتي يُطالبن المساواة مع (( الرجال )) في جميع المناصب والمجالات وحقوق الإنسان مُحلو وغير مقبول التذمر شنو الفرق بين الصف الاول أو الثاني أو حتى الثالث والكل عارف ظروف الطقس في بلدنا الحبيبة..........صدق الله تعالى حيث قال : { وقرنا في بيتوتِكنّ } وهو العليم الحكيم...والله يحفظ الجميع ...


انا ايدك اخوي..........بس حلوه الحريم بالون الوردي
 

Catalyst

بـترولـي جـديـد
أولا
و للعلم
فقط

فيه سكرتيرة (مقاول بعد)
و سيارتها كحيانه (جدا)

تصفط مع المدراء في ميناء الأحمدي

ثانيا
تقارنون نفسكم يالكويتيين و الكويتيات بموظفين المقاول؟؟؟؟!!!!
لأ .. يبه
المقاول .. أهم .. وايد
ما فيه مقارنه ..

إنتوا .. شنو .. بالنسبة للمسئولين؟
أنا أقول لكم ...

أنت/إنتي
موظف كويتي ابتلشنا فيه إما بالواسطة عند التعيين أو لسد الشواعر الكويتية (لرفع نسبة التكويت) أو استجابة لضغوط سياسية ..
يعني بالنهاية .. إنتوا الكويتيين عبء كبير و ثقيل على كاهل هؤلاء المسؤولين..
تراددون
تطالبون
تضربون
مرضيات
تبون دورات (خارجية)
تبون سيارات
تبون تذاكر
تبون تأمين
تبون علاج
تبون بيئة نظيفة
تيون خدم
تبون وجبات
تبون أثاث
تبون أجهزة
تبون مخيم
تبون نادي
تبون .. و تبون .. و تبون ..

و النتيجه؟؟!!

ما تعرفون تشتغلون ..
و ما تغطون على أخطاء المسؤولين..
و تفضحونهم بالجرايد...
و الدوانيات..
و شاي الضحى...


شيبون فيكم تصفطون عندهم ..
إنتوا .. (وزن زائد)

كلامي صج ... و إلا .. لأ ..
 

frfosha

بـترولـي مميز
انا اقول مسكين يا الكويتي ويا الكويتيه والله يكون بالعون حتى المواقف صار فيها واسطه والله زين
 
أعلى