قالت منت بحلو

كنبس

بـترولـي مميز




قالت ترى منت بحلو قلت رجـال

والزين ماهو من شروط الرجولـه


الزين يلقى عنـد لباسـة الشـال

والرجل زين ان كان زانت فعولـه


قالت علامك تلبس شماغ وعقـاال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشارع بعرضـه وطولـه

قالت اجل راعـي معاميـل ودلال

شرب القهاوي تحسبونه بطولـه

كيفي يابنت الحضر دله وفنجـال

وحليب خلفـه بالمـراح معقولـه

وحب الكرم والجود وعلوم الابطال

مغروس فينا من زمان الطفولـه


قالت ترى بنت البدو حظها مـال

قلت احذري حذرا تكوني جهولـه

بنت البدو يابنت مضرب للامثـال

فوق الجمال وطاعة الله خجولـه

ماحطة اصباغ ولا حطـت ظـلال

ولا سيرة بالسوق سيـر مهبولـه

هي مهرة تصعب على كل خيـال

وانتي ومثلك عسفهن بالسهولـه

قالت تغزل بي وشف حبة الخـال

ناظر عيوني والرموش الكسولـه


قلت العفو مايجتمع حـب وهبـال

ولكـل ذوق فالمزاييـن جـولـه



قلتي وقلت وكلمة الصدق تنقـال

الزين ماهو من شروط الرجولـه





هذى القصيده اعجبتني ونقلتها لكم
بس ارجو ان لا تاخذوها بحساسيه وحزازه نفس
والله من وراء القصد
 

Shoomy

بـترولـي خـاص
صح لسانك ياكنبس

تدري لو ماكنت حاط التحذير اخر شي جان ردي ماكان بيكون جذي

بس صج صج يعطيك العافيه على النقل
وماكو فرق بين حضر وبدو كلنا اخوان

تقبل مروري

تحياتي
 

dehen_3ood

بـترولـي خـاص
أعضاء الشرف
الزين ماهو من شروط الرجولـه


يا مال العافية ويسلمووو على هالمشاركة الحلوة
وبنتظار جديدك ..



 

كنبس

بـترولـي مميز
شاكر مروركم يا الحبايب
اخوى الشومى انا عارف انه راح تصير سوالف لذا حطيت التنبيه والتنويه
لذا اقتضى التنويه
واكيد مثل ماقلت كلنا اخوان وكلنا اعيال مزنه و رقيه و كل من يعرف اخيه (ضيعت بالمثل ) :)
تقبلو ارق التحايا
 

Shoomy

بـترولـي خـاص
انا اختي مو اخوي :(

حلوة عيال مزنه ورقيه
كااااااااااااااااااااااااك

لاعادي خيووو ماكو حزازيات انشالله
 

كنبس

بـترولـي مميز
انا اختي مو اخوي :(

حلوة عيال مزنه ورقيه
كااااااااااااااااااااااااك

لاعادي خيووو ماكو حزازيات انشالله

اوكى اختى انا اسف على بالى اخوى :)
النك مو واضح مايدل على انه لانثى ... ماعليه
 

PANADOL

بـترولـي نشيط جدا
عزاه من وجه دبل جبد راعيه **** اسحت من السحت وماله رفيجات


tash.jpg
 
أعلى