إعلامية KPC
بـترولـي نشيط
المجمع النفطي
وما ادراك ما هو المجمع النفطي
مجمع مكلف ملاييين الدنانير من حيث المنظر الخلاب والموقع المميز (بوجه نظرهم)
الا ان الله لا يواريكم من الداخل
شي مو طبيعي
تم تشييده من اجل الديكور بس
وعلشان القيادة العليا تستمتع بالمناظر الخلابة على البحر
انزين حنا الموظفين شنو ؟؟؟
وين راحتنا في بيئة عمل صحية من الدرجة الأولى
قالي الدكتور مال العيادة بان داخل المجمع ما في هواء متجدده
هواء الحمامات مع هوا الممرات كله واحد
وهات يا امراض
انزين ليييييييييييييييييييييييييييييييش ؟؟؟؟
لا وما ننسى بعد المكاتب
يلي ما احد عنده فيها اي اسرار
خو لو الواحد قاعد يكلم اهله تلاقون المؤسسة كلها درت ؟؟؟؟
انزين ليش يعني
هذا بالاضافة الى ان المكاتب ما تشوفها الشمس ولا الهوا
ولما طلبنا معدات اجهزة تنقية هوا
قالوا جيبوا تقارير طبية
انزين من وين نجيب تقارير ؟؟؟؟؟؟
ولغاية ما يطلع التقرير يكون يلي مات مات ويلي صابته مصيبة ويلي يكون اكل وشرب عليه الدهر
انزين شنهو استفدنا من الشكل الخارجي للمجمع
والكل يقول خوش مجمع
انزين خوش مجمع من اي ناحية ما ادري
هذا كله كوم والموظفين يلي بالسرداب كوم ثاني
يدشون الصبح شنهم داشين مطعم هندي من كثرة الريحة القوية للطبخ
لا وتشوفهم الصبح لما يمر من جنبهم عرباية الخضرة مال المطعم
تقولون قاعدين بسوق الخضرة مو بمؤسسة كبيرة والمفروض يكون لها سمعتها
فيا ترى هل المجمع النفطي نعمة ام نقمة ؟؟؟؟؟
