التلفون النقال

[ENG78]

أنا مادري ليش يمنعون الموظف من الموبايل؟ سألت بعض المسؤلين وقالو وجودة في المصفاة خطر!! رديت عليه ليش الدرجة 15 وما فوق يسمح لهم؟ معنا هذا العذر مو بالخطورة ..... بعدين قال علشان يصير كنترول بالشركة ............... الحين انا مهندس صارلي أكثر من خمس سنين الشركة تثق فيني آخذ قرارات صعبة مصيرية, بس خايفين إذا كان عندي موبايلي راح استعمله داخل اليونت أو اصور مصفاتنا السرية. أصلا إلي يبي إشوفها يدش على Google Earth . الزبدة كافي دوامنا بعيد و معزول حتى الموبايل صار ممنوع علشان الواحد يتطمن على اهله و عياله؟

 

[غدير دشتي]

معاك حق وموبس جذي واللي عنده شغل شركات بره أو بالبنوك شلون يعني والله آنا عمري ما دخلت تليفوني داخل وذاك اليوم شفت أشكره بنات وشباب تليفوناتهم عندهم داخل المصفاة

 

[فيصل العجمي]

السلام عليكم


القصد اخي الكريم انه غير سيفتي وكلنا نعرف انه صار حريق في اكثر من محطة بانزين بسبب التلفون النقال
اما المدراء فما فمنهم خطر لانهم مايدشون الوحدات اللي فيها مواد قابله للأشتعال واذا بيدش يخلي تلفونه بالسياره

 

[ENG78]

يا q8ow شكرا على ردك, ولكن انا اخالفك الرأي للأسباب التالية:

1- يسمج للمهندس درجه 15 من دخول الموبايل, وللعلم درجه 15 lead engineer ليس إداري بل فني, حاله حال درجة 14
2- أنا شخصيا اعرف فنيين وليس مهندسين اصلا و دوامهم باليونت عندهم تصريح موبايل. بعضهم بالواسطه
3- أغلب مقاولين الشركة عندهم تصريح موبايل وانا شايفهم
4- هناك العديد من الوظائف لا تتطلب من الموظف ان يخرج من مكتبة, ليش نمنعه من الموبايل
5- رجال الأمن لا يحاسبون على الموبايل

الزبده لا يوجد قانون واضح للهاتف النقال. نحن كلنا اخذنا كورسات سيفتي وعيال الكويت ونخاف على بترولنا. أكيد ما راح نستعمل
هواتفنا إلا بالأماكن المصرح بها

وشكرا

 

[حبيب البترول]

السلام عليكم


القصد اخي الكريم انه غير سيفتي وكلنا نعرف انه صار حريق في اكثر من محطة بانزين بسبب التلفون النقال
اما المدراء فما فمنهم خطر لانهم مايدشون الوحدات اللي فيها مواد قابله للأشتعال واذا بيدش يخلي تلفونه بالسياره

الحرائق التي صارت في محطات البنزين بسبب الكهرباء الاستاتيكية وحتى الان لم يثبت ان حصل اي حريق من الموبيل في المصافي وهذا قراته من بحث في الانترنت .

 

[الشقااوي]

مرحبااااااااااااا
اذا بتطمن على عيالك واهلك عندك تلفون المكتب هذي نقطه
والنقطه الثانيه الامن ما يعترضون على تلفونك والا عمرهم فتشوك وردوا تلفونك .

تحيااااااااااااااااااااااااااااااااااااااااتي للكل

 

[ENG78]

1- أكثر من مرة نسيت تلفوني في مخباتي و الأمن قالولي رد تلفونك السيارة.
2- أنا اقعد ابمكتب في خمس مهندسين. زحمه على التلفون.
3- مرات الواحد يكون عنده موضوع خاص مع اهله وما يبي يتكلم جدام ربعه
4- مليت كل يوم أحول تلفوني بيجر و أخليه بالسيارة
5- إحنا دايما بالمناسبات آخر ناس نطرش ونقرا ال sms