الـــــ Bonus آآه قلبي يعورني

[VIBRATION]

بسم الله الرحمن الرحيم

السلام عليكم ورحمة الله وبركاته

ما هي الشروط والأسس التي تؤدي لحصول الموظف على الــــ Bonus


علما بأني أرى بأن المهندسين وخصوصا الـــ Senior engineers وأنت صاعد سنويا يحصلون على الــ BONUS طبعا بنسبة 200 % و 300 %

والمساكين مثل حلاتي يحصلون علي الــ BONUS كل أربع أو كل ست سنين مرة لا و100 % بس

 

[الساحوت]

شروط ؟؟
مافي شروط هو شرط واحد بس
ان حبت عيني .......... وانشالله عينهم تحبك

 

[engineera]

السلالام ..
بس متى يعني يبتدي الموظف ياخذها؟؟

 

[غيوره جدا]

مالها و لا شرط

يقدر يعطي اي موظف باي قريد مو شرط انجاز

 

[Nevada]

Bouns

البونس له شروط المفروض وهذا ألي مو معمول فية حالين:

1- الشرط الأول: أن يكون الموظف أنقذ أي وحدة من Shut Down .
2- الشرط الثاني: أو يكون الموظف قلل من خسائر الوحدة ألي يعمل بها من الناحية: الكميائية/ الميكانيكية.
3- الشرط الثالث: أو يكون الموظف جدد أو أخترع طريقة عمل أداري مما جعل الموظفين في أدارتة يعملون على برنامج مريح ومفيد للشركة والموظف مما لا يتعارض مع قوانين الشركة.
4- الشرط الرابع: أن يكون الموظف قام في تشغيل وحدة جديدة بدون أي تأخير أو خسائر.

* ولكن مع الأسف حالين ال.Bouns كل من هب ودب ياخذة بس موناقص التنظيفكو ياخذونة !!!
وتقولون المهندسين ألي عندنا معظمهم ترى فقارة واللة العظيم فقارة. تلاقي ال Section Heads كادين على ظهور هالفقار والجماعة ضايعين بين Operation وال Section Heads . يا جماعة واللة حرام يكسرون الخاطر لما أشوفهم.

على قولتهم " بيو بيو برو برو " مع الخيلة ياشقرة

 

[alialiami]

لاحبتك عيني ماضمك الدهر

 

[alialiami]

لاحبتك عيني ماضمك الدهر

 

[Neilz]

انا اخالفك الراي اذا بهالشرووووط لابالله محد خذا بووووونس بس احنا عندنا اللي شغله زين او ما عنده سكات وايد او شغله اوكي اتصالاته اوكي مع البانيل والسوبر فايزر حلو وماخذا السنه اللي طافت يستحق البوووونس والحمدالله احنا عندنا محد يظييييع حقه طبعا هذا عندنا بمصفاة مينا عبدالله

 

[goldendelpiero]

بوووووونس ؟؟؟؟؟؟؟؟؟؟
في شيء اسمه بونس.....
خبري فيه من العجائب السبعه!!!!!!

 

[زهرة التوليب]

للأسف البونص في شركة البترول الوطنيه يوزعونه على ربعهم بس

يعني حتى قوانيه مو واضحه
واللي كل سنه ياخذونه السينير فما فوق

بس الموظفين المساكين مالهم شي
وللأسف نفس الأسامي كل سنه ياخذون بونص
حتى لو ما يستحقون

يعني قانون البونص (ان حبتك عيني ما ظامك الدهر)

 

[VIBRATION]

كل الشكر لكم أخواني واخواتي

الي فهمته من كلامكم إن الموضوع كله ينحصر في نقطة وحدة بس

( إذا حبتك عيني ما ضامك الدهر )


ويبقى الوضع على ما هو عليه إلا أن تقوم الساعة

 

[نفطي كويتي]

ان حبت عيني .......... وانشالله عينهم تحبك

 

[فنطاسي]

اخالفكم الراي في ناس يعطون بونص حق اللي يستاهلون
وفي ناس مثل ما قلتو اذا حبتك عيني
وهذه الدنيا اذا ما تستاهل خل تحبك عيني اذا تبي بونص
ههههههههههههه

 

[engineera]

انزين انا شكثر يبلي عشان انتقل قريد 13؟؟؟ والبونس اهو اللي ينقلني ولا اشلون ممكن تفهوني لانه بعدي بقراطيسي وماعرف شي لو سمحتو

 

[ENG78]

انا الي اعرفه أقوى البونص لدرجة 15 وما فوق لأنهم لا يأخذون over time
الطبيات و عدم الإلتزام بمواعيد العمل يؤثر
تقييمك السنوي يؤثر
ال UD's ليس من حقهم البونص
وطبعا إذا حبك ال Team Leader كل شي يصير

 

[المعهود]

ماكل مايتمنــــــــــــــاه المرء يدركه

 

[WaRiO]

شتبي بالبووونص كله اساسي مادري ثلاث (( اساسيي معاش خدامه ))

المهم العلاوه السنويه لا ننظلم فيها وعليهم بالعافيه شباب البونص

 

[frfosha]

سمعت بالمثل اللي يقول اقبض من دبش يعني بطيح ضروسك وانت على المكتب اذا ما حبك مسؤولك وما تقلقستله انسى تاخذها ، وللعلم في قسمنا مقتصره البونصات بس للمراقبين بكل سنه وانت يا اللي تحت المراقب مالك امل تشمها بعد اشتغل ولا ما اشتغل البونص مغطينه حتى لو ما انجز خلال السنه يحطله انجازه مال السنه اللي فاتت ويمشيها وقاااااااااااااااااااااااااااااااااازره

 

[العضو المنتدب]

سلامت قلبك ياعيوني
في ناس صار لها 20 سنة ما اسمعت بكلمة بونص في حياتها
أهل التراث العربي نسوا يضيفون البونص من ضمن المستحيلات
الغول والعنقاء والخل الوفي وبونص الشركة

 

[VIBRATION]

انا الي اعرفه أقوى البونص لدرجة 15 وما فوق لأنهم لا يأخذون over time
الطبيات و عدم الإلتزام بمواعيد العمل يؤثر
تقييمك السنوي يؤثر
ال UD's ليس من حقهم البونص
وطبعا إذا حبك ال Team Leader كل شي يصير

يا أخوي أي OVER TIME راح زمان الـــ OVER TIME

الله يخليك لا تذكرني بالـــ OVER TIME لأنه صار من الماضي