لا تنازل عن الاثر الرجعي

مواطن

بـترولـي مميز
اطالب جميع موظفي القطاع النفطي المهضومة حقوقهم ان لا يتنازلوا قيد أنملة عن الاثر الرجعي للزيادة

من 01/09/2007 ...الي متى هذا الاستخفاف بنا .....يلغي الاثر الرجعي لشهر ابريل ومن ثم يقر

بشهر 9 بشكل رسمي ومن ثم يعطي الامر لمجلس الخدمة المدنية ليحدد متى يصرف الزيادة بلا اي

اثر رجعي ...اي تعامل مهين هذا ؟؟؟؟ يماطلون بكم حتى يجعلوكم ترضون بصرفها فقط

من اي تاريخ ....وانا من هذا المقام اطالب الاتحاد وجميع الرجاء الشرفاء ان لا يقبلوا الا باثر رجعي

من شهر 9 المنصرم .....كافي ذل على هالزيادة !!!!
 

المرعب

بـترولـي نشيط جدا
اخي العزيز

مادري من وين جايب هالمعلومة بان الخدمة المدنية راح تحدد موعد الاستحقاق

اللي اعرفه ان الخدمة المدنية مالها شغل باستحقاق الصرف وانما موعد الصرف

يعني الزيادة راح تصرف باثر رجعي من تاريخ اعتمادها من المجلس الاعلى للبترول

وهذا اللي اعرفه
 

سالم الخالدي

رئيس اللجنة الإعلامية
فريق الإعلام
السلام عليكم



لازم نتأكد بالأول من متى


لأن هناك أقوال عديدة


والفاصل الراتب


هو اللي يبين
 

Q8_oil

بـترولـي خـاص
أتفق معك أخوي بأن حقوق القطالع النفطي ضايعة و محد فينا سائل و لكن ماذا ينص القانون ؟؟

لأن القانون إللي طلع موافق عليه الجميع النقابات و المجلس الأعلى للبترول و لكني لست متأكد إذا القانون يقول من 1-9 أو من تاريخ إعتمادها من ديوان الخدمة
 

فيصل الكندري

نـقـابـة نـفـط الـكـويـت
أعضاء الشرف
اللى عنده قرار الزياده المصدق عليه من المجلس الاعلى للبترول راح يلاقى فيه ان " موعد صرف الزياده اعتبار من تاريخ اقراره من مجلس الخدمة المدنيه"

اظن الاخ الوسام نشر القرار باحد المواضيع ومو قادر القاه امانه ..

وسالفه شهر 9 تأليف من النقابات وتشييير ... ماحد قال انها من شهر 9 الا اعلان التهنئة اللى نزلته النقابات بالجرايد بخصوص اليشاره بالزياده ..
 

algharib

بـترولـي نشيط
[
اللى عنده قرار الزياده المصدق عليه من المجلس الاعلى للبترول راح يلاقى فيه ان " موعد صرف الزياده اعتبار من تاريخ اقراره من مجلس الخدمة المدنيه"

اظن الاخ الوسام نشر القرار باحد المواضيع ومو قادر القاه امانه ..

وسالفه شهر 9 تأليف من النقابات وتشييير ... ماحد قال انها من شهر 9 الا اعلان التهنئة اللى نزلته النقابات بالجرايد بخصوص اليشاره بالزياده .. /quote]
وعلي اي اساس قالو هذا الكلام يستخفون فينا يعني؟
 

بو صقر

بـترولـي نشيط
انا اتوقع انها اتكون من شهر 9 لان النقابات ما تصرح الا عندها شي اكيد ولا ليش يقولون من شهر 9 صراح انا حاسب وياهم وصرفتها باثر رجعي من الاحين
 

Q8_oil

بـترولـي خـاص
و الله أنا أتمنى أن تكون بأثر رجعي و لكني لا أعتقد لأنني سمعت كلام قوب كما قالوه الإخوان
 

المهندس

بـترولـي خـاص
لا تستبعدون اي شي من ديوان الخدمه - يا خوفي انهم يوافقون عليها احين وعلى ان تصرف في شهر 4 الجاي - :)

ترا كل شي جايز من هذووولا الحساد - النقابه لازم تتأكد من هذا الموضوع - لازم انبين لهم انه قطاع البترول خط احمر ولا يجب التجاوز عليننا
 

مواطن

بـترولـي مميز
الاثر الرجعي حق طبيعي لكم ....لان الزيادة اقرت اصلا من الجهة التي نعمل بها منذ ابريل ....ومماطلة الصرف لا تغنينا

عن المطالبة بحق الاثر الرجعي ....الذي بعد ذلك اعتبر 09/2007 منذ اقرارها من المجلس الاعلى للبترول ...

عرفتوا الان ؟؟؟
 

زهرة التوليب

بـترولـي خـاص
اعتقد ان مالها آثر رجعي
لأن كاتبين من تاريخ اقرارها من ديوان الخدمه !!!

يعني ربعنا اهم اللي ما يبون الآثر الرجعي ؟
والا ليش يايبن طاري ديوان الخدمه ؟

كتبوا من تاريخ اعتمادها وبس

وفعلا لازم ما نتنازل عن الآثر الرجعي
خاصه ان المفروض الزيادة تقرر من شهر 4
والحين حتى 9 مو راضين يعطونا ايه !!

وما يندرى متى ديوان الخدمه يتعطف علينا ويصرفها !!

صرات طراره مو زياده
 

frfosha

بـترولـي مميز
يبه الله الغني عن سالفة الاثر الرجعي بس خل يخلصونا من هالسالفه طلعو روحنا فيها جنهم تحسفو يوم وافقو على قرار الزياده والله ما يسوى علينا
 

Element_X

بـترولـي نشيط جدا
والله على كلام الاداره الماليه فى مؤسسه البترول الكويتيه انه الزياده بدون اثر رجعي يعني متي ما اخلصت من الديوان راح تمشي عادي بدون اثر رجعي
 
أعلى