ايمل الشركه (سكه)

[بوعبدالرحمن]

نعم .... ! استلمت ايمل الشركه الخاص بي ثم تفاجئت انه ما يتبطل ..............!!!!! ليش ؟؟؟؟؟؟




تدرون ليش ؟؟ لان شركتنا ( ............................... ) !!!!!!!!!!!!!!!!!

 

[Big Boss]

عاد توني ادري ان لنا ايميلات بالشركة.

 

[السعيدي]

ياجماعه الاميل انا قبل علبالي مايشتغل رحت الشركه بالصالحيه وسألة ليش معطينا اميلاات ومصكره قالي اول حرف خله كبتل لتر يعني ياشباب الاميلات شغاله بس لازم اول حرف كبتل والباغي صغير وشكراااا

 

[Big Boss]

ياجماعه الاميل انا قبل علبالي مايشتغل رحت الشركه بالصالحيه وسألة ليش معطينا اميلاات ومصكره قالي اول حرف خله كبتل لتر يعني ياشباب الاميلات شغاله بس لازم اول حرف كبتل والباغي صغير وشكراااا

يعني من كلامك يالسعيدي انه يشتغل معاك برا؟ وبعدين شنو نقدر نستفيد منه؟ نقدر نستفسر عن الراتب الشهري والخصومات وغيره.
ياليت احد يفيدنا عن المميزات ولا هنتم.

 

[برميل النفط]

كلامك صحيح وانا بعد جربته مامنه فايده

 

[احمد النفطي]

الصراحه الايميل حده فاشل ... مو مثل ال knpc صج الله خلق وفرق بالبترول
وحلاتها اكو خصومات على شغلات معينه :: مثل نوادي وغيرها
لكن الشركه ما تدري وين الله قاطها

 

[الشقااوي]

نتمى ان الحال ينصلح
الله المستعان

 

[رجل امن اول]

الايميل شغال ياشباب لازم اول ثلاث احرف على ماعتقد تكون كبيره

بس ياجماعه شتبون فيه سكه والله سكه مايردون عليك الشركه ولا شي

مليون ايميل دزيتلهم عشان تفصيل الراتب ولا احد تكرم ورد والله مامنهم فايده كلش

 

[Fire_Fighter]

السلام عليكم

شباب الايميل يتبطل بس الباسوورد لازم يكون أول حرف اللي اهو (P) كابيتال مو (p) وراح يتبطل معاكم

ومن ناحية انك تبي تستفسر عن الراتب عن طريق الايميل ... لالالاتحاول لان الشركه ( ...) !!

 

[رجل امن اول]

فاااااااااااااااااااااااااااااااااااااااااااااااااااااااااااااااشله واااااااااااااا................(.........................)

 

[ابو فاطمة]

والله ودي اقول الايميل اوكي وتمام بس مافي مجال .. الايميل كان تصبيره وبنج من الشركة للنقابة لانها طلبت منهم الايميلات والاوراكل ( لتفصيل الراتب ) كذا مره وفي كذا اجتماع.. وراحو شركتنا شبكوه ويا المؤسسة على سستمها وما اشتغل (الاوراكل) .. بس يالله نقول انهم راح يعدلونه وعندهم صيانه عليه يمكن؟؟

نتأمل ان الامور تتعدل شوي شوي والشركة يديدة وانشالله بتقوم على ريولها وتقوم موظفينها وياها

 

[q8security]

مشو بوزكم

شركة فاشله

حتى المعلومات اللي تاخذها بالتلفون او بالصالحية تكتشف ان بعضها غلط

(تجارب شخصية )

 

[ابو فاطمة]

مشو بوزكم

شركة فاشله

حتى المعلومات اللي تاخذها بالتلفون او بالصالحية تكتشف ان بعضها غلط

(تجارب شخصية )

البوز ممشوش من زمااااان بس انقول انشالله (تأملوا خيرا تجدوه) وخلنا انتفائل بالخير

 

[نـقـابي]

نعم .... ! استلمت ايمل الشركه الخاص بي ثم تفاجئت انه ما يتبطل ..............!!!!! ليش ؟؟؟؟؟؟




تدرون ليش ؟؟ لان شركتنا ( ............................... ) !!!!!!!!!!!!!!!!!

اخي العزيز المشكلة في الايميل والاوراكل تكمن باننا لانعمل على نفس شبكة الشركة وفي اعتقادي ان هذا هو السبب والحل هو باعادة تقييم العاملين على النظام لهذا الموضوع وايجاد حل وهذا ماتم طلبة ونامل السرعه في حلة

 

[q8security]

اسمحلي نقابي

الشركة لوفيها خير

كان صرنا مثل الشركات الثانية

ويعطونا يوزر وباس وورد

طبعا ويكون للشركة الخدمات الفاشلة موقع
زي الناس

وتقدر من خلاله تشوف اللي لك واللي عليك

ولك صلاحية الاطلاع زي البنوك والشركات


اما اذا يبون اعذار

بيحصلونها دام نقابتنا نايمه يا اخي انشبولهم

خل يطلع منهم شي

 

[مــــــــبــــروم بــــرم]

ابي ادش الايميل مو عارف اشلون ولا الرابط

 

[ما اروعك]

والله الايميل شغال معاي مضبوط وبيني وبينكم سويت حق اربعه من الشباب ايميلات وقدروا يدشون على تفاصيل رواتبهم بنفس اليوم

ارسلت بايميل كل واحد ايميل خاص عشان استخدام الخاصيه الذاتيه للراتب وفعلا تفعلت مع اربعه من الشباب معاي هو بالنسبة

لنظامه وترتيبه سكه ماقولك مو سكه

بس الحمدلله على الاقل تعرف القدر الزايد على معاشك مثلا ترافل تايم واوفر تايم وجذي يعني العوض ولا القطيعه

بارك الله فيكم وتحياتي لكم جميعا

 

[ما اروعك]

اخوي طريقه سهله اتصال بسيط على موظف الايميل تقوله ابيك تفعل لي خدمه الايميل يقولك رقمك الوظيفي تعطيه الرقم وخلال

خمس دقايق شغال معاك الايميل

بعدين تفتح موقع الشركه تلاقي تحت على ايدك اليمين صوره رساله تضغط عليه وتحط رقمك الوظيفي والرقم 123 او تختار رقم سري

تقوله حق موظف الخدمه وتدخل على ايميلك وتشوف شنو اخر نشاطات الشركه وجذي

واذا تبي تعرف شلون تطلع على تفاصيل معاشك سهله بعد مادخلت على ايميلك الخاص ارسل رساله من خلال ايميلك حق ايميل

تلاقيه مكتوب عندك payslip@ossc.com وخلال نص ساعه او ساعه بالكثير تلاقي الرد واصل لك على ايميلك بتفعيل خدمه الاطلاع

على تفاصيل الراتب رقمك الوظيفي والرقم السري 12345 تقدر تغيره انت بعد ما تدخل

وبس عسى الله يوفقك وان اكون افدتك وتحياتي لكم جميعا

 

[اطفائي محترق]

الايميل عندي شغال من اول ماخذيته منهم .... جميع العروض والقرارات الاداريه توصلني اول بأول بأول وقاعد انزلها على المنتدى
وهذي نماذج للايميلات اللي وصلتني على الايميل ونزلتها بالمنتدى
http://www.q8ow.com/vb/showthread.php?t=20514

http://www.q8ow.com/vb/showthread.php?t=20365

http://www.q8ow.com/vb/showthread.php?t=20367
الايميل مافي اي مشكله كلش ... تمااام تمااام التمااام .. بس عيبه شي واحد .. انه مايتحمل مساحه كبيره .. فقط


ومن ناحية تفاصيل الراتب اللي هو البي سلب ... انا عندي يوزر ماخذه من الشركه وادس على موقعها وكل راتب ينزل اشوف شنو الخصومات ... وتمااااااام التمااام

على فكره الشركات الثانيه مايقدرون يشوفون تفاصيل الراتب الا عن طريق مقر عملهم ... لكن شركتنا لاا .. بأي مكان .. تقدر تشوووف


بسكم تشخيط بالشركه ... دخيل الله نبي احد يمدح فيها .....



ودمتم

 

[سياسي محنك]

ياشباب ترا ايميل الشركة عباره عن كشف حساب وهذا اكبر غلط صار , لو ندري انه كشف حساب كان محد خذاه

والمفروض انه يكون تفصيلي باجمالي الخصومات حتى على الطبيات وايام الغياب .