بيوت الشركة

Q8MAN

بـترولـي جـديـد
يعاني اكثر موظفي شركة نفط الكويت مشكلة البيوت المخصصة للعاملين الذين ليس لهم سكن حيث ان هذه البيوت وللاسف اصبحت استثمارية حيث ان اهالي هذه البيوت لهم فلل مؤجرة ب1000 و2000 دينار وراعي هذا متكي في بيت الشركة وحارم الناس اللي ماعندهم سكن من هذه الخدمة لماذا نقابتنا ما صعدت هذا الموضوع لمدراء الشركة وللا اعضاء النقابة بعد مؤجرين بيوتهم ومستفيدين واحنا طاف نريد من الشركة تطلب من موظفيها تحديث بيانات كل سنة حيث ان الموظف الذي يملك بيت الله يرزقه يطلع ويفكنا
 

loard

بـترولـي نشيط جدا
للعلم .........زرئيس نقابه نفط الكويت عنده 3 بيوت له ولعياله ..........واحد الاحضاء اللي عسى الله يشافيهم عنده بيتين ومؤجرهم .علما انه عنده بيت في مبارك الكبير......خافوا الله .......في ناس احق منكم في هالبيوت
 

mohammed

بـترولـي نشيط جدا
هذي النقطه صحيح
ويجب اثارتها
لاكن انت تطلب من النقابه انها اتثيره و .......
 

loard

بـترولـي نشيط جدا
اقصد الناس اللي توصت لهم وهؤلاء الاعضاء يصعدون عى ظهور العمال.ويمشي مصالحه........نبي الخوف من الله .........لان عضويه النقابه تكليف وليس تشريف
 

KOC_747

بـترولـي نشيط
إي والله

الناس متبهدلة واللي عنده واسطة ماخذ حقه وحق غيره


الله كريم

مشكور اخوي على إثارة هالموضوع المهم .
 

dehen_3ood

بـترولـي خـاص
أعضاء الشرف
مشكور على طرحك لهذا الموضوع المهم أخوي

واحد من التيم ليدريه كان عنده بيت من بيوت الشركة ومأجره على واحد من موظفين الشركة
من اول ما استلم البيت لين تقاعد (إنت يا التيم ليدر) وهو عنده بيت منشكح فيه آخر انشكاح
 

خالدم

بـترولـي جـديـد
لماذا نقابتنا ما صعدت هذا الموضوع لمدراء الشركة وللا اعضاء النقابة بعد مؤجرين بيوتهم ومستفيدين

هي بس راده على النقابة حتى مدراء في الشركة وغيرهم ماشيين على نفس المنهج ف من سيحاسب من ؟؟؟؟؟؟؟؟؟؟؟؟
 

فيصل العجمي

مؤسس المنتدى
أعضاء الشرف
سبحان الله

حتى المدراء يا اخوان؟
اذا كانت النقابه والمسؤلين مشتركين في هذه العمليه فيجب تصعيد هذه المشكله اعلاميا ومن خلال هذا المنتدى والصحف اليوميه وستجدون ان شاءالله من المسؤلين من يقف ضد من يقوم بأستغلال منصبه
 

Koc

بـترولـي جـديـد
كلام صحيح

والشي الغريب

ان اهل هالبيوت مو ساكنين فيها

واكثرها مأجرين
 

HUMMER

بـترولـي خـاص
السلام عليكم انا في مره رحت اقدم وقالولي ماكو بيوت وكلمت الاخ اللي هناك بدون ذكر اسماء انه يسوون لجنه تطلع تجيك

عالبيوت قالي يبا احنا ندري وساكتين لي متى؟؟!!

وين النقابه
 

Q8MAN

بـترولـي جـديـد
اعرف ناس مو موظفين بالشركة ساكنين بالبيوت سالتهم شلون قالوا مأجرينها قلت له زين بكم ابي اعرف اذا ماخذ البيت يمكن يبي يتجمل في المستأجر ويعطيه اياه بنفس سعر بدل السكن وبدل الايجار اذا فرضنا انه قريد 13 وفوق قاللي انا مؤجرة ب400 دينار يعني الؤجر مستفيد 100 دينار شهري من دون وجه حق واحنا اذا رحنا نبي نقدم يقولون مافي وين النقابة وين الرقابة
 

ابوحمد

بـترولـي نشيط جدا
هذي النقطه صحيح
ويجب اثارتها
لاكن انت تطلب من النقابه انها اتثيره و .......


جابها لكم ابوعبدالله الله يعطيه العافيه


وهذا اللي حاصل في كل المشاكل في جميع القطاعات الاخرى


يعني منو يحاسب منو لكن الله موجود وكل افه يسلط عليها افه
 

BG. 1

موقوف
موضوع شائك ولا أحد يقدر أن ينهيه أو يتخذ خطوة لإنهائه لأن غالبية المسئولين بالشركة هم المستفيدين أولا

وبالصدفة سألت واحد من فسم الأسكان قال عندنا خبر أن 20% من بيوت الشركة مؤجرة بالباطن

و25 % من ساكنين بيوت الشركة لديهم بيوت والغالبية مؤجرة

===================

بالنسبة لرئيس النقابة السيد دليهي الهاجري وردا علي علي ما كتبه الأخ لورد

للعلم .........زرئيس نقابه نفط الكويت عنده 3 بيوت له ولعياله ..........واحد الاحضاء اللي عسى الله يشافيهم عنده بيتين ومؤجرهم .علما انه عنده بيت في مبارك الكبير......خافوا الله .......في ناس احق منكم في هالبيوت

الرجاء توخي الحرص بالكتابة عن الأشخاص وعدم ظلمهم

الأخ دليهي ليس عنده سوي بيت واحد بالأحمدي

ولا يوجد عنده منزل بمبارك الكبير كما ذكر الأخ

للعلم فقط

علي فكرة لا تربطني بأي علاقة بالرئيس الحالي للعلم
 

A/KARIM

بـترولـي جـديـد
المصيبه بالناس الي ما تخاف الله وماخذه اكثر من بيت ومؤجرته على العالم على ضعف الفلوس الي تخصمها الشركه


ماادري اشلون يحللون فلوسهم على ارواحهم وعلى عيالهم



ورمضان كريم
 

Q8MAN

بـترولـي جـديـد
ارى هناك اراضي كبيرة في منطقة الاحمدي وغير مستغلة ومملوكة للشركة لماذا لم تستغل لبناء بيوت جديدة وتوزيعها على الموظفين
 

moh83

بـترولـي جـديـد
و الله صدقت ناس وناس اذا قدمة طلب عطوك وقت بعد 100 سنه هذا الطيب و بعد جايب واسطه إلى تشلع القلب
 

loard

بـترولـي نشيط جدا
ردا على الاخ ......bg 1
,,,,, الحمد الله نعرف ربنا ولانظلم احد .........نرجو منك توخي الحذر برمضان وانت صايم ......ان تسال اي احد في نفط الكويت ويقولك ان رئيس الشركه عنده 3 بيوت..........والثاني اللي عنده بيتين وؤجرهم ساكن في مبارك الكبير مو الرئيس .......................تذكر ربك في كل كل كلمه تكتبها او تقولها...............وشكرا
 
أعلى