خصم خاص لموظفين Equate ( خدعة )

[EQUATER]

قبل فترة كنت ابحث عن أحد شركات الطيران لحجز تذاكر و بالصدفة قال لي أحد الموظفين انة إيكويت عندهم خصم بشركة بركات للسياحة..
وصحيح الموظفة الي ببركات قال لي انة في خصم 10% لموظفين إيكويت
بعد ما شريت التذاكر و الفنادق اكتشفت انة أغلي من السوق ب 15% ( أرجو الانتباة لهذا الموضوع )
اتمني من نقابة إيكويت تتعامل مع احد مكاتب السياحة و السفر ليخصص لنا خصم حقيقي و ليس مزيف مثل بركات

 

[EQUATER-1]

مشكور ياطويل العمر على هالملاحظه الهامه وانشاءالله راح اطرح موضوعك على مجلس ادارة النقابه ولك كل الشكر

 

[فيصل العجمي]

للأسف بعض الشركات والمحلات يقول للشركة الفلانيه خصم
وهم يرفع السعر الأصلي للسلعه عشان الخصم مايأثر عليه
مجرد اسم انه فيه خصم
وكل الشكر لك اخي الكريم

 

[إعلامية KPC]

انزين
سويلنا زيارة حق مكتب الصالحية يلي بالمجمع النفطي
وان شاء الله راح تحمد ربك على السعر المعطى
الكل ينغر بالقطاع النفطي
ويبي يستغل بأي طريقة وما يدري شلون
وجعك وجعنا اخي الكريم
بس شنسوي
الله كريم

 

[Element_X]

على طارى الخصم سمعو السالفه دقيت على مكتب هوليدي إن فى لبنان حبيت احجز غرفه قالى انه سعر الغرفه 105 دولار قلت خل اجرب شركه الصالحيه دخلت عليه الدوام قتله ابي حجر حق نفس الفندق مع العلم انه الريال يعرفني عدل قالى علشانك والله 60 دينار جان اضحك واقوله اشفيك انت اذا الفندق يقول 105 دولار قالى مستحيل قتله اتصل عليه وشوف لمن اتصل واتأكد من المعلومه اتصدقون رفض يعطيني غرفه قالى ما اقدر اخسر جذى يا سعرى ولا كيفك قتله الله وياك وخذيتها من الفندق بنص قيمه المكتب

 

[حمد بوزيد الهلالي]

اوف والله مايستحون

 

[العضو المنتدب]

لاحول ولاقوة إلا بالله

مايتوز هالشركات من سوالفهم وخاصة حق موظفي الشركات النفطية

 

[ايكويتي]

أنا أشوف أخواني أن هالقضيه محلولة سلفا ولا تعقدون أنفوسكم مع هالنصابين بمكاتب السفر السياحية لأنه كل شي متوفر الآن بالنت ماعليك ألا أنك تدش الويب سايت وتحجز وتريحون بالكم وشكرا