ضروري ضروري..........؟!

[غدير دشتي]

سلام عليكم للجميع
تحياتي لكل العاملين في مجال البترول الصراحه عندي مشكلة ومشكلتي "المواقف"
ماكو مصافط ماكو مصافط ماكو مصافط ماكو مصافط ماكو مصافط ماكو مصافط ماكو مصافط ماكو مصافط
بيتنا بعيد وكل يوم أطق درب من شمال لين الجنوب وأنصدم إنه مافي مصافط وإذا صفطت عند الرصيف صكوني بمخالفه يعني وين أصفط ليلحين عندي 6مخافات وبقول حق اللي يخالفون يعطيكم العافيه والمشكله أنصدم لمن أطلع من الدوام أشوف سيارتي عليها مخالفة واللي يعور قلبي زياده إن اللي جدامي ماعليه مخالفه يعني وين أروح وماشاءالله موظفينا وايد وفي الصراحه سيارات بنات ما تصفط عدل تاخذ بدل موقف واحد مكان موقفين خو خالفو هذي بعد موصافطه عدل ألحين الجو أوكي إنشاءالله أصفط في مصافط الشباب عادي إنزين باجر واللي عقبه مطر وبرد قارس شنو راح نسوي مو المشكلة لمن أصفط عند الرصيف أكون لازقه بالرصيف وفي مجال حق سيارات غيري عشان تطوف تكفى شوفوووووووووووووووووووووووووووووووووووووووووووووووووووووووووولنا حل حق المصافط
ويعطيكم ألف عافيه

 

[frfosha]

أخت غدير أنتي أكيد في مصفاة الأحمدي لانه احنا يا البنات نشتكي فعلا من المواقف ولاعت جبودنا من هالمخالفات وأتمنى أنهم يشوفولنا حل لانه الموظفات كثرو داخل المصفاة ، وانتي فكري باجر بالبهذله اللي بتشوفينها أيام المطر والبرد تحياتي

 

[غدير دشتي]

ليش مايسون المصافط دورين والله بتنحل المشكلة بس الظاهر مافي وقت
لوووووووووووووووووووووووووووووووووووووول

 

[ابوشوكه]

الاخت غدير ما كو الا حل واحد انه تداومين اول وحده يعني الساعه 6 مثلا منها تحصلين موقف ومنها يرضى عنج مسئولج عباله انتي حيل ملتزمه بدوامج

تحياتي

 

[زهرة التوليب]

احنا في المكتب الرئيسي ومرات ما نلقا مواقف

الله يعينكم يااللي بالمصافي !!!

 

[غدير دشتي]

يعني يا أبو شوكه أطلع من البيت الساعه 5 الفجر عشان أوصل هذا حرام هذا بلدنا مايبيه

 

[ولد الفحيحيل]

انا اقترح على الاداره يسوون سلم متحرك ومغطى من فوق , من المصافط الى بوابه المصفاة عشان الاخت غدير
تستاهل بنتنا عشان ماتمشي وايد ولا يخالفونها

 

[dehen_3ood]

الله يعينكم بنات والله على هالسالفة
يايكم السحتني والمطر شبتسوون بأعماركم؟
مالكم إلا جيبات عشان تطقون أرصفة !! كـ حل اولي مؤقت
وكتاب مذيل بتواقيعكم وموجة لمسؤوليكم وإداراتكم كـ حل ثاني هم مؤقت
وإن ما فاد لازم تكلمون نقابتكم تشوف لكم حل كـ حل ثالث وأخير
ما تسوى الصراحة مخالفات وانتوا بالدوام !!
كافي فزعة الفير
وللي يحر فوق هذا كله تلقين سيارتج مخفوسة على كتر ولا زالقينها لج

 

[لكل سؤال جواب]

رد ادارة الشركه على موضوع الاخت غدير : ودنا نسوي لكم مواقف ودورين بعد لكن للاسف كل اراضينا الفاضيه عطيناها النقابه عشان يستثمرونها ولذلك اقتضى التنويه !!! الا على طاري الاراضي صحيح ان النقابه باعتهم ب 5 مليون دينارحسب ماهو موجود بالتقرير المالي للنقابه وانها النقابه الوحيده اللي تملك كل هالفلوس وبرضه مكتوب بالتقرير المالي وانها خلصت كل المتقاعدين وماعاد فيه دور يعني تتقاعد اليوم تستلم فلوسك باجر ( قول وفعل يانقابتنا) سيروا ونحن من خلفكم

 

[frfosha]

يعني نفهم من كلامكم انه مالنا أمل بزيادة المواقف عيل خل يوفرولنا احنا ياللي بيوتنا بالديره باصات تنقلنا من بيوتنا لي المصافي بوقت مححد عشان انحل هالازمه حالنا حال الاجانب اللي صارفيلهم في بعض شركات باصات توديهم وتييبهم ومو شي غلط ترى احنا نستاهل وقلنا باصات مو روزريزات

 

[احمد علي محمد]

موقف اومصافط حق غدير

غدير المشكلة هذي موجديدة وحتي عندنا في ميناء عبداللة خاصة دوام الصبح والمثل يقول من سبق لبق علي فكرة ممكن تصفطين ورة صديقاتج بس لاتصفطين وا اي واحد بعدين لازم اتسوون شكوا جماعية حق ادارة الشركة ويشوفون لكم حل خاصة البنات اللة يعينهم اواذا عندكم سايق يوصلكم وترتاحون واللة يعينا ويعينكم

 

[كنبس]

ياغدير
الحكومه فكرت بالمشكله هذى والحل موجود
ياابو الحميضي يحلها وراح يسوى المواااقف اميييييييييييييييييييييييه طبقاااااااات طبقه فوق طبقه طبقه فوق طبقه
والخبر هذا من ديوانيه عروقها بالزيت
تحياتي لك يا غدير

 

[goldendelpiero]

امس مخالفيني

 

[غدير دشتي]

سلام عليكم أحبائي وأصدقائي كلبوكم تصدقون أمس مو مخالفين واحد كان صافط غلط بس تدرون أول قولولي مبروك اليوم لقيت مصفط وآنا وايد مستانسه هاهاهاهاهاهاهاهاهاهاهاهاهاها ويعطيكم العافية كلكم

 

[غدير دشتي]

انا اقترح على الاداره يسوون سلم متحرك ومغطى من فوق , من المصافط الى بوابه المصفاة عشان الاخت غدير
تستاهل بنتنا عشان ماتمشي وايد ولا يخالفونها

مشكور كلك ذوق يا ولد الفحيحيل

 

[nfarsi]

يمعى الخالفات وروحى المرور وسوى كتاب استرحام واعتقد راح ينظرون الى حالتكم

 

[frfosha]

كنبس اذا ما شفت الحميضي حتى مواقف عموميه وبفلوس ما اكون فرفوشا

 

[فيصل العجمي]

السلام عليكم ورحمة الله وبركاته

اختي القديره تقدرون انتو موظفين الدوام الصباحي تكتبون كتاب وتوقعون عليهم كلكم وتقدمونه للأدارة يشوفون لكم حل او على الأقل يلغون عنكم المخالفات
واعتقد لو المطالبه تكون جماعيه راح تلقى لها صدى عن المسؤلين

 

[KuwaitBoy1]

هنا الكوبت - خبر طازج من ولد الكويت للاخت غدير - حطيلك سايق بخمسين دينار وخليه ينطرك 8 ساعات بره بالحر او البرد مو هندي هههههههههههههه وريحي بالك وعتبريها مخالفات وخليه هو يدوخ علي الموقف00000000 يمكن وحدة من رفيجاتك مهربه علي اخر الدوام ويصفط بدالها باي مع خبر جديد

 

[كنبس]

كنبس اذا ما شفت الحميضي حتى مواقف عموميه وبفلوس ما اكون فرفوشا

اى ماعليه رجل ويعرف الاستثمار ومخه مالى وولد التامينات
يعجبنى هالتفكير يعرف شلون يطلع الفلس من الصخررررررر
ههههههههههههههههههه