ثلاث وزراء و الزيادة

[غزال الملاعب]

السلام عليكم ورحمة الله وبركاته

عندي تعليق على الزيادة

ما تلاحظون إن الزيادة مر عليها أكثر من وزير
أنا أذكر إنها كانوا يتكلمون عنها أيام الجراح ... و الجراح وعدنا بخير ........ بس للأسف ما كمل معانا

شوفوا الخبر بجريدة الوطن بتاريخ 18/4/2007
http://www.alwatan.com.kw/default.aspx?pageid=35&mgdid=491368

بعدين يانا العليم و وعدنا بخير بس للأسف ......... ما كمل معانا
شوفوا الخبر بجريدة الوطن بتاريخ 25/9/2007
http://www.alwatan.com.kw/default.aspx?pageid=35&mgdid=548277


و الحين دور الحميضي
شوفوا الخبر بجريدة الوطن بتاريخ 30/10/2007
http://www.alwatan.com.kw/default.aspx?pageid=35&mgdid=561009



ثلاث وزراء لحد الحين
تتوقعون موضوع الزيادة يحتاج جم وزير عشان يخلصون منه !!!!!
هل تعتقدون إنه محتاج بعد أكثر من رئيس نقابة

هذا بصوب و الخدمة المدنية بصوب إلي الحين بصير تشكيل مجلس ثاني و ما ندري
أول مجلس ما قدر عليها
و الحين بصير دور المجلس الثاني بعد .......... نقول الله يستر


أنا الصراحة صرت أشوف موضوع الزيادة مثل فلم مو عارفين منه البطل فيه
و ودي أشوف من راح يكون البطل بالنهاية

هل هو الوزير
هل هو مجلس الخدمة المدنية
هل هو رئيس من رؤساء النقابات
هل هم عمال القطاع النفطي لما يضربون
ولا راح يطلع لنا بطل يديد


راح نشووووووووف


تحياتي للجميع

 

[BG. 1]

البطل ومحاولات قتله اول الفيلم

الوزير
مجلس الخدمة المدنية
رئيس من رؤساء النقابات
عمال القطاع النفطي
واحد مجهول
البطل يموت بالنهاية (ماكو زيادة)

صاحب اللون الأحمر هو المفروض يبدأ الضغط علي النقابات من الأن

 

[Shoomy]

والله ياخواني
الثالثه ثابته مثل مايقولون
وانشالله ينتهي الموضوع على ايد الحميضي بما ان اهو ثالث وزير

وبالنسبه لبطل الزياده انا اعتقد مجلس الخدمه المدنيه لان كل شي بيدهم الحين وكلها شخطة قلم


تقبلوا مشاركتي
تحياتي

 

[المهندس]

باختصار النقابه ما أدت الدور او الواجب اللي عليها

 

[المشعل]

السلام عليكم جميع......(الاتحاد قوه ) لكن وين هذا الاتحاد والكل يغني على مصلحته ....بعض النقابات مضارب مع الاتحاد ....ووزارة الشئون من صوب ....ورب العمل يلعب بالملعب بدون حكم ......وبداخل بعض النقابات صراعات لها أول مالها تالي ....والجمعيات العموميه (قوم ما كاري) .....المطالب العماليه ماتجي براحه يبيلها تعب ....راجعوا تاريخ النقابات الاوليه ....المشكله الحين نبي نحافظ على المكتسبات اللي اتعبوا عليها الاولين .....الله يكون بالعون ....عساكم على القوه جميع......

 

[زهرة التوليب]

البطل يموت في النهايه

بصراحه قاعدين يلعبون بأعصابنا ومشاعرنا
وكل يوم يطلعون لنا بسالفه وآخرتها الوزير يبي يجتمع مع النقابات النفطية !!

خو اهم اجتمعوا وخلصوا وقروا الزيادة ووافقوا عليها
يعني ما يبيلها اجتماع ثاني !!!

والا السالفه بس حرق أعصاب ؟؟

 

[غزال الملاعب]

عاد نسيت أقول لكم منو الكاتب حق هذا الفلم

خبير البنك الدولي​

 

[بوعبدالعزيز.كوم]

البطل يموت في النهايه

بصراحه قاعدين يلعبون بأعصابنا ومشاعرنا
وكل يوم يطلعون لنا بسالفه وآخرتها الوزير يبي يجتمع مع النقابات النفطية !!

خو اهم اجتمعوا وخلصوا وقروا الزيادة ووافقوا عليها
يعني ما يبيلها اجتماع ثاني !!!

والا السالفه بس حرق أعصاب ؟؟

لوووووووووووووووول هذا اللي راح يصير

 

[فنطاسي]

الموضوع بيد العمال كلهم
لا وزير ولا نقابه ولا خدمه مدنبه ولا احد
الاضراب هو البطل

 

[غزال الملاعب]

مو قايل لكم البطل مو معروف قلنا الحين الحميضي بكون بطل الفلم بس الظاهر العليم رجع يبي ينهي الوعد الي وعدنا إياه و يكون هو البطل

السالفة زادت عن ثلاث وزراء


ولا شرايكم

 

[skipper]

البطل
الحكومه الصراحه
بيدهم يخلصونا بيوم واحد بس الظاهر احنا مانستاهل بنظرهم

 

[عبدالله العصيمي]

الخبر اليقين بتسمعه اليوم إن شاءالله الساعة وحدة الظهر في أخبار إذاعة دولة الكويت ... تابع من هو بطل الفلم ​

 

[KOC_747]

البطل اهوا الموظف الكحيان اللي كله محسود

ومو متوفق بمعاشه ولا بزيادته اللي انذلينا فيها

 

[norema-sarto]

يا جماااااااااااعة

أناااااااااااااا بنااااااااااااااااااام
ولين قرروا الزيااااااااادة
قعدوووووووووووووووووني

أوكيييييييييييييييييييييك
صاااااااااااااااااار

مع السلامة

 

[زهرة التوليب]

لوووووووووووووووول فيروز

احلام سعيده

بس اخاف يحوشك ياثوم عدم صرف الزيادة

 

[نفطي كويتي]

الموضوع بيد العمال

 

[ABDULLAH]

البطل هو كاتب السيناريو هذا ، من المصلحة أن يمتص غضب العاملين بالقطاع النفطي و الحرص على عدم تكوين أي إضراب أو تعطيل للإنتاج النفطي لأن هذه هي أفضل فرصة للبيع بالأسعار الحالية المرتفعة.
و دائما تكون الأسباب غير مباشرة كإستجواب وزير ، أو إقالة أو طلب إقالة آخر . أو تشكيل جديد ، تذكرون كم إجتماع مر إلى أن تمت الموافقة على الزيادة الكل حسب أن هذه العقبة هي نهاية المطاف . الكل تقريبا إستهان بالخطوة التالية و هي الخدمة المدنية و ظن أن العملية سلسة . كأنها سياسة دودهة
سؤال : ليش البنوك تستلم المعاشات و بعد يومين تصرفها ؟ جواب : لكي تستفيد من المبالغ .
سؤال بريء : هل في علاقة بين الموضوع و المثل ؟
جواب بريء محتمل :ممكن توفير مبالغ الأثر الرجعي كلما تأخر التصديق على الزيادة.و يمكن تشغيل المبالغ و تداولها لحين البت بالموضوع
الله أعلم ،
نتمنى أن يتم إسكات هذه التهيؤات بالتصديق على الزيادة فورا و بأثر رجعي حسب الإتفاق المبدئي المعروف
و ماللكويت إلا أبنائها ، يستاهلون أهل الكويت ، يستاهلون أهل القطاع النفطي

 

[dehen_3ood]

نتمنى أن يتم إسكات هذه التهيؤات بالتصديق على الزيادة فورا و بأثر رجعي حسب الإتفاق المبدئي المعروف
و ماللكويت إلا أبنائها ، يستاهلون أهل الكويت ، يستاهلون أهل القطاع النفطي

الله يسمع منك ومنكم كلكم إن شاء الله

 

[ABDULLAH]

شكرا يا دهن العود
تصرفك حكيم
( بيني و بينك )