بدل خطر

frfosha

بـترولـي مميز
يا جماعه في موضوع أحب أحد يفيدني فيه ، ألحين بدلات الخطر بس تصرف للفنيين فقط ؟ لانه اللي عرفته خلال تواجدي داخل المصفاة طول ما انا اداريه لا تصرف لي بدل خطر يعني معنى كلامهم أنه بس الفني اللي يشم ريحت هالابخره وهالسموم اللي كل يوم قاعدين انشمها ويعني بس الفني أهوا الوحيد لي صار انفجار لا سمح الله اللي راح يتضرر واحنا ما يصير فينا شي أو قصدهم أنه الفني يطلع مواقع واحنا قاعدين على مكاتبنا ؟؟؟؟؟؟ فهمونا خل انعرف يعني هذا كلام يدش العقل :mad:
 
التعديل الأخير:

Shoomy

بـترولـي خـاص
والله انا اترك الرد للي افهم وادرا مني بهالموضوع يا فرفوشه
بس اللي اعرفه بدلات الخطر للفنيين والمهندسيين
والادرايين يغسلون ايدهم يشمون ريحة البدل

تقبلي مشاركتي

تحياتي
 

بوعبدالعزيز.كوم

بـترولـي نشيط جدا
أختي فرفوشه

لا يوجد حاليا ما يسمى ببدل الخطر وإنما استبدل بما يسمى ببدل طبيعة العمل - وطبعا مؤسسة البترول الكويتية بالإتفاق مع الشركات النفطية تم وضع ضوابط استحقاقها للعاملين وطبعا فيها لخبطة كبيرة لإنها على حسب المسميات الوظيفية بالإضافة إلى الموقع
وبالنسبة للإداريين والكتبة والسكرتارية الذين يعملون في المصافي والمصانع والمواقع الخطرة فيستحقون بدل طبيعة عمل من الفئة C إلى D يعني من 25 دك إلى 50 دك

وبالنسبة للمهندسين والمحللين والفنيين والمشغلين ورجال الأمن والأطفاء فيستحقون بدل طبيعة عمل من فئة A و B و C يعني 100 دك و 75 دك و 50 دك

وطبعا في ناس كثيرة تستحق هذا البدل ومالها نصيب فيه والسبب المسمى الوظيفي
 

زهرة التوليب

بـترولـي خـاص
احنا كانا في مينا عبدالله في مبنى الاداره وصرفوا بدل خطر حق الكل الا اللي بالاداره على اساس انهم اداريين !!!
بس مكانا فيه خطر خاصه ان المصفاة ورانا بالضبط وفوق هذا نشم ريحه السموم والغازات اللي تقمت القلب ولا حصلنا حتى 25 دينار

واول ما نقلونا المبنى الرئيسي صرفوها حق الموظفين اللي نقلوهم مبنى الاداره في مينا عبدالله !!!

يعني ناطرين نروح علشان يصرفونها حق ناس وناس !!

حتى الخطر فيه اداري وفني !! المفروض الخطر يكون على حسب المكان اللي يشتغل فيه الموظف مو على حسب مسماه
 

الهاجـري

بـترولـي نشيط جدا
يا جماعه في موضوع أحب أحد يفيدني فيه ، ألحين بدلات الخطر بس تصرف للفنيين فقط ؟ لانه اللي عرفته خلال تواجدي داخل المصفاة طول ما انا اداريه لا تصرف لي بدل خطر يعني معنى كلامهم أنه بس الفني اللي يشم ريحت هالابخره وهالسموم اللي كل يوم قاعدين انشمها ويعني بس الفني أهوا الوحيد لي صار انفجار لا سمح الله اللي راح يتضرر واحنا ما يصير فينا شي أو قصدهم أنه الفني يطلع مواقع واحنا قاعدين على مكاتبنا ؟؟؟؟؟؟ فهمونا خل انعرف يعني هذا كلام يدش العقل :mad:


اول شي ما فيه شئ اسمه بدل خطر ، الموجود بدل طبيعة عمل ، وتوزيعتها كالتالي :

100
75
50
25

الإداري قبل ما كان له شئ بالمرة ، بس الحين صار ياخذ 25 دينار وبعد الزيادة الجديدة راح تصير 50 دينا ر
 

RISK MAN

بـترولـي نشيط
سنة 2000 كان بدل الخطر 5 دنانير وكنا نطالب النقابة فيها ويردون علينا العلاوة هذي حكم محكمة مانقدر نسوي شي لين صار أنفجار الأحمدي والأعلام سلط الضوء على هالمشكلة وعلى الضحايا وكانت بمثابة فضيحة للقطاع النفطي بعدين وافق الوزير على طول وكانت للأسف بدون فئات 100 دينار وللأسف قصصوها وتغير مسماها بدل طبيعة عمل يعني لو تبي تطالب بأي شي جديد مثل بدل سماعة بدل شاشة راح يردون عليك بأنها تتدخل تحت هذي العلاوة وطبعا معروف تحت رعاية منو صار هالكلام المهم لازم يحوشكم طشار من هالكوارث يمكن يفكرون فيكم
 

فنطاسي

بـترولـي نشيط
اظن الشباب ما قصرو بالرد
زهرة التوليب ينطرونج تروحين .........ما يحبونج هههههههههههه
اتغشمر لا تصدقين
 

الجوهرة

بـترولـي خـاص
أعضاء الشرف
حبيبتي فرفوشة إذا إنتي إدارية نفسي داخل المصفاة تاخذين بدل طبيعة العمل 25 وإنشاء الله إذا الزايادة إنزلت تصير كلها 50 دينار
 

Phox

بـترولـي نشيط جدا
اول مره ادرى ان الادارى -بالعموم- يستلم بدل طبيعة عمل !!!

اللى اعرفه ان اذا وظيفتك تحتمل خروجك الى موقع خارج المكتب لو مره وحده بالشهر تستلم بدل طبيعة عمل ... اذا ادارى يداوم داخل المصفاه يعطونه هالبدل

اما ادارى يداوم بالمين اوفس او بعيد عن المصفاه ويسلمونه هالبدل !! ... ما سمعتها من قبل :)
 

بوعبدالعزيز.كوم

بـترولـي نشيط جدا
اول مره ادرى ان الادارى -بالعموم- يستلم بدل طبيعة عمل !!!

اللى اعرفه ان اذا وظيفتك تحتمل خروجك الى موقع خارج المكتب لو مره وحده بالشهر تستلم بدل طبيعة عمل ... اذا ادارى يداوم داخل المصفاه يعطونه هالبدل

اما ادارى يداوم بالمين اوفس او بعيد عن المصفاه ويسلمونه هالبدل !! ... ما سمعتها من قبل :)

أخوي فوكس فقط للإداريين اللي يعملون في المصافي والمصانع والمواقع الخطرة - الهيد أوفس لأ مايستحقون
 
أعلى