مصرف الموظف خارج الكويت بالدورات

[فنطاسي]

السلام عليكم ورحمه الله
تصرف شركه البترول مبلغ 200 دينار للموظف باليوم في الدوره خارج الكويت
و موظفين الوزارات 240 دينار باليوم مثل فرقه التلفزيون الحين موجودين في المانيا
مصرف الواحد فيهم 240 دينار رايحين يطقون طار وطبل .
واحنا تذاكر السفر على حسب الدرجه وفرقه التلفزيون درجه اولى
ما تبون تشتغلون في فرقه التلفزيون ههههههههههههه

 

[فيصل العجمي]

وعليكم السلام ورحمة الله وبركاته

اعتقد ان مصروف موظفين الوزارات في الدورات او المهمات الخارجيه هو 120 دينار في اليوم

 

[فنطاسي]

انا متأكد من كلامي 240 دينار لانه لي اصحاب مع فرقه التلفزيون
والحين موجودين في المانيا

 

[Q8_oil]

كلام فنطاسي عدل يا 240 أو 220 بس أكيد إنه أكثر من 200
أنا كنت مسافر كورس لدبي شهر 3 و كانت يوميتي 200 دينار هذا وانا مهندس و رايح كورس أما أروح على قولة الأخ أطق طبل بألمانيا !! مادري ليش 240 دينار !! كافي عليهم الدرجة الأولى

 

[dehen_3ood]

شعندهم بألمانيا؟
مو هذا موضوعنا !!
اكثر منا ودرجة أولى عليهم بالعافية
اللهم لا حسد !!
واحنا زين زادوا يومية الكورسات الخارجية عن قبل

 

[الفيصل]

العوض ولا القطيعة

 

[بوعبدالعزيز.كوم]

أنا أقول لو نطق طبول أحسن يمكن تزيد المخصصات

بالفعل مخصصات الوزرات والهيئات أكثر من مخصصات القطاع النفطي للدورات والمهمات الرسمية لليوم الواحد

وكل من طق طبله قال أنا قبله (غيرنا المثل بما يتواكب مع وضعنا الحالي)

مخصصات المهمات - الدورات - البعثات الدراسية

أولا: دول الاتحاد الأوربي واليابان وكوريا الجنوبية
قيادي (2) = 330 دك
قيادي (1) = 300 دك
من درجة 17 إلى 20 = 240 دك
من درجة 16 فما دون = 220 دك

ثانيا: باقي دول العالم.
قيادي (2) = 300دك
قيادي (1) = 275دك
من درجة 17 إلى 20 = 220دك
من درجة 16 فما دون = 200دك

ثالثا: المخصصات الشهرية للموفودين للخارج في دورات تدريبية أو بعثات دراسية لجميع العاملين بدون استثناء الدرجة
- دول الاتحاد الأوروبي واليابان وكوريا الجنوبية = 1000 دك
- دول أمريكا الشمالية ، دول شرق أسيا، دول الخليج العربي ، الهند ، جنوب أفريقيا ، وروسيا وباقي دول أوروبا = 900دك
- باقي دول العالم = 600 دك

 

[Export_Doc's]

يا معود انتو زين يعطونكم دورات و الي صارله 10 سنين كرف وله شي له ميخالف حتى لو 100 راضي :*

 

[frfosha]

يبه اقتراحي لكم تكوين فرقه جديده بقيادة فنطاسي وعقب اقرار هالفرقه نوزع المهام والوظايف وخلو عندي المخصصات الماليه وانتو ما عليكم

 

[بوعبدالعزيز.كوم]

يا معود انتو زين يعطونكم دورات و الي صارله 10 سنين كرف وله شي له ميخالف حتى لو 100 راضي :*

نفس الحالة وفي موظفين كثيرين نفس وضعنا - الله كريم ياخوي

 

[Export_Doc's]

نفس الحالة وفي موظفين كثيرين نفس وضعنا - الله كريم ياخوي

اي والله الله كريم و المشكلة انك اتشوف ناس مايستاهلون يروحون و اجانب و انت قاعد و سيايير طبعا حق الهنوود ديره عايشه على البركه

 

[Mr. Engineer]

أنا أقول لو نطق طبول أحسن يمكن تزيد المخصصات

بالفعل مخصصات الوزرات والهيئات أكثر من مخصصات القطاع النفطي للدورات والمهمات الرسمية لليوم الواحد

وكل من طق طبله قال أنا قبله (غيرنا المثل بما يتواكب مع وضعنا الحالي)

ما تبون واحد يدق هبان، ترى حاضرين و البالشوفة

 

[بوعبدالعزيز.كوم]

ما تبون واحد يدق هبان، ترى حاضرين و البالشوفة

لوووووووول والله ياخوي لو ماخذ هندسة بالهبان أبرك يمكن تمتعت بالسفرات والمهمات الرسمية

 

[باش دبلوم]

فرقة الكويت الله يعطيهم العافيه رايحين يمثلون الكويت

واحنا طبعا اللى نكرف ونشتغل ونطلع الذهب الأسود اللى ينباع وبعدين ينصرف على فرقة التلفزيون وغيرها

وبعدين انت الكويت ما تستفيد منك علشان تسفرك برا كورسات خلك بشغلك انفع لهم.

 

[فنطاسي]

مثل ما قالت فرفوشه نسوي فرقه القطاع النفطي
يمكن يعطونا اكثر علشان نمثل القطاع النفطي خارج الكويت
فرفوشه الماليه عندج بس التوقيع عندي
ههههههههههههههههههههه

 

[مختبرجي]

والله طرطره بشي بشي هيهي ويوي راضيين ب200 دينار بس خل يعدلون التذاكر ويخلونها على الدرجه الاولى

 

[Q8_oil]

و الله لمن أشوف الناس إللي قاعدة تكرف و تعطي عمرها كله للقطاع جذي يصير فيها شلون الواحد يبي يشتغل و يعطي من قلبه !! و لكن للأسف لا حياة لمن تنادي

 

[فنطاسي]

اشكركم جميعا على مروركم وعلى ردودكم
بس منو يطالب في هذا الفرق