موضوعي اليوم متداول في ايدي الجميع ليش المبايل صار ضروري حتى بالنسبه لللاطفال والخدم وهل هذا صحيح ام مبتذل ، يا اخوان ويا خوات وانا طالعه الصبح الساعه 6 صباحا للدوام أشوف العجب على خط الملك فهد بنات ماسكي الموبايلات من صباح الله خير ونايمه نوم عليك بالشارع وفيك خير تركلها ولا دقلها هرن يا بنت الناس بغيتي تقلبينا شوفي دربج ولاحقه على التيلفون بس ودي اعرف من له خلق من صباح اله خير حق هالموبايل وشونو الموضع المهم اللي موقادره تنطرين لما تدشين مكتبج والله هالموبايلات سولنا أزمات بالشوارع وشنو ضرورة موبيلين أو مرات يوصل لي ثلاث شتسوين فيهم :d
انتشار الموبايلات
- بادئ الموضوع frfosha
- تاريخ البدء
EQUATER-1
بـترولـي مميز
مشكوره على الموضوع وبصراحه موضوع خطير وفي شغله يمكن غافله على وايد من الناس والي محد حاس فيها شركات الاتصالات قاعده تنزف من رواتبنا شهريا مبالغ كبيره واحنا مو حاسين وفي بعض الناس ومن غير مبالغه يدفع شهريا حق المكالمات من 150 الى200 دينار هل هذا كلام صحيح؟؟؟ وفي ناس تبدل موبايلاتها شهري او يمكن بعد اسبوعي هل هذا صحيح بعد؟ بصراحه يبيلنا حمله ضخمه نفس حملة ترشيد لتوعية الناس اشلون يستعملون الموبايل وحق شنو.. ولج كل الشكر على الموضوع.
السلام عليكم
موضوع جميل لكن بالنسبة لهالموضوع أعتقد ان كان الموبايل في بداية الثمانينات كان كشخة لحد أوائل التسعينات
كان اللي يمسك نقال هذا اسكتوا لأنه في نظر الناس شخص مهم ..ومامسك النقال الا انه شخص مهم جدا ..
فكان الأغلبية يعتبره كشخة
لكن للأسف الحين صار ضروري جدا .. وما نقدر نستغنى عنه أبدا
وخصوصا لنا احنا الرياييل بصراحه أشوفه مهم ...لان قبل الواحد كان بصعوبة يحصل رفيجه ... ويتصل على البيت ترد أمه ..ومرات ترد
أخواته فيحصل تحرج وايد لكثير من الرياييل لكن مع النقال الحين الاتصال صار سهل اذا تبي أي واحد ممكن تحصله بسهولة
لكن الخدم .... والاطفال هذا اللي أشوفه مو ضروري وماله داعي ...
الا السائقين فأنا مع ان يكون وياه نقال لوقت الحاجة
موضوع جميل لكن بالنسبة لهالموضوع أعتقد ان كان الموبايل في بداية الثمانينات كان كشخة لحد أوائل التسعينات
كان اللي يمسك نقال هذا اسكتوا لأنه في نظر الناس شخص مهم ..ومامسك النقال الا انه شخص مهم جدا ..
فكان الأغلبية يعتبره كشخة
لكن للأسف الحين صار ضروري جدا .. وما نقدر نستغنى عنه أبدا
وخصوصا لنا احنا الرياييل بصراحه أشوفه مهم ...لان قبل الواحد كان بصعوبة يحصل رفيجه ... ويتصل على البيت ترد أمه ..ومرات ترد
أخواته فيحصل تحرج وايد لكثير من الرياييل لكن مع النقال الحين الاتصال صار سهل اذا تبي أي واحد ممكن تحصله بسهولة
لكن الخدم .... والاطفال هذا اللي أشوفه مو ضروري وماله داعي ...
الا السائقين فأنا مع ان يكون وياه نقال لوقت الحاجة
engineera
بـترولـي مميز
مادري الموبايل صار شي ضروري خصوصا في الظروف الراهنه والناس تغيرت وقامت اتخاف واي شي يصير عندج موبايل ..بس بالنسبه حق اليهال والخدم حدههههه شي سخيف وماله داعي ...وبالنسبه حق اللي يتكلمون من صباح الله خير اهم بس الصبح الله يهداج كل وقت بنات وشباب وخصوصا الحريم لا تمسك موبايل واتسوق سياره عااااااااادي السيارة اتنام عليك ولا ماسكه اليسار وتمشي 80 ولا اتمخطر بالشارع ولا جنه سير وراه ...لا لا مآسيييي مال ودي ادعمهم مرات من كثر مايبطون جبدي ...لا والمعاش كله مكالمات مادري لو كوندليزا رايس اتكلم كثرهم ماتوصل فاتورتها 200 دينار بالشهر..الله يعينا والله
MAB12
بـترولـي مميز
اخت فرفوشه موضوع جميل بس انتي تتكلمين عن قضيتين مختلفتين جداً
الاولى / ليش الخدم والجهال معاهم تلفونات ؟ ... انا مو مع الشي هذا لان التلفون شي ضروري ومهم اعطيه خدامه تخم الحوش لييييييييييييييييييييش ؟ او اعطيه جاهل عمره 5 سنوات يكسره هم لييييييييييييييييييييييش ؟ اذا بشتري تلفون اشتريه حق السواق لاني اذا ابيه اتصل عليه ( مو معقولة اتصل على خدامة واقولها سوي قلاص عصير !!!! )
الثانيه / موضوع اللي يسوق السيارة ويتكلم بالتلفون سواءاً بنت او رجال فهذا الشي غير حضاري ويسبب مشاكل و حوادث راحوا ضحيتها اوادم شكثر واذا علقت عليهم الهرن او نبهتهم قعدوا يخزونك ويمكن يغلطون عليك واذا دعمك وصارت المصيبه قالك تكفى سامحني والله لهيت بالتلفون ( واخذ من هالحجي )
*الحل / ان الداخلية تواصل حملتها اللي بدتها قبل شهر وهي مخالفة اللي يتكلم اثناء القيادة وتغريمه مبلغ كبير
الله يحفظنا وياكم من هالبلاوي
الاولى / ليش الخدم والجهال معاهم تلفونات ؟ ... انا مو مع الشي هذا لان التلفون شي ضروري ومهم اعطيه خدامه تخم الحوش لييييييييييييييييييييش ؟ او اعطيه جاهل عمره 5 سنوات يكسره هم لييييييييييييييييييييييش ؟ اذا بشتري تلفون اشتريه حق السواق لاني اذا ابيه اتصل عليه ( مو معقولة اتصل على خدامة واقولها سوي قلاص عصير !!!! )
الثانيه / موضوع اللي يسوق السيارة ويتكلم بالتلفون سواءاً بنت او رجال فهذا الشي غير حضاري ويسبب مشاكل و حوادث راحوا ضحيتها اوادم شكثر واذا علقت عليهم الهرن او نبهتهم قعدوا يخزونك ويمكن يغلطون عليك واذا دعمك وصارت المصيبه قالك تكفى سامحني والله لهيت بالتلفون ( واخذ من هالحجي )
*الحل / ان الداخلية تواصل حملتها اللي بدتها قبل شهر وهي مخالفة اللي يتكلم اثناء القيادة وتغريمه مبلغ كبير
الله يحفظنا وياكم من هالبلاوي
Shoomy
بـترولـي خـاص
كاااااااااااااااااااااك فرفوشه
موضوعج حلو وعجيب
بس عقب كلام الاخوان ماكو كلام
ماشالله عليهم كفوا ووفوا يعني ماعندي شي اضيفه
اشكرج على الموضوع الحلو ويعطيج العافيه
بس نصيحه صغيره ... اذا كنتي بالشارع ونامت عليج وحده وشفتيها تتكلم بالتلفون دووووووسي ونامي عليها وان قدرتي صفطيها وطقييييها طق ولا اقولج ليش العنف بس سحبي تلفونها وقطيه على الارض حيل يعني كسريه جدامها وان قالت شي هني لعني خير خيرها
واذا تبين مساعده دقي عليي
موضوعج حلو وعجيب
بس عقب كلام الاخوان ماكو كلام
ماشالله عليهم كفوا ووفوا يعني ماعندي شي اضيفه
اشكرج على الموضوع الحلو ويعطيج العافيه
بس نصيحه صغيره ... اذا كنتي بالشارع ونامت عليج وحده وشفتيها تتكلم بالتلفون دووووووسي ونامي عليها وان قدرتي صفطيها وطقييييها طق ولا اقولج ليش العنف بس سحبي تلفونها وقطيه على الارض حيل يعني كسريه جدامها وان قالت شي هني لعني خير خيرها
واذا تبين مساعده دقي عليي
ولد الفحيحيل
بـترولـي نشيط جدا
انا اشوف ان التلفون من اساسيات هالوقت بس هالناس الله يهديهم اللي تسيئ استخدامه بالسيارات ويسببون الحوادث الله يهديهم
لو يتطبق عندنا النظام نفس عمان اللي يكلم وهو يسوق السياره يتخالف ماشفتو هالبلاوي اللي تصير والحوادث من التلفونات والسبه البنات والشباب بعد
لو يتطبق عندنا النظام نفس عمان اللي يكلم وهو يسوق السياره يتخالف ماشفتو هالبلاوي اللي تصير والحوادث من التلفونات والسبه البنات والشباب بعد
صراحه انا رايح الدوام لازم امسك الموبايل عشان ما انام حتى لو احطه على اخبار كونا او الساعه او احوال الطقس (حلوه الطقس)
بس هذيلي البنات اللي نايمه عالموبايل وراسها طاق الدريشه من صباح الله خير معروفين ليش يسوون جذي - ههههههه لانه الفلانتاين في الكويت على طول السنه مو يوم واحد بس
ودمتم
بس هذيلي البنات اللي نايمه عالموبايل وراسها طاق الدريشه من صباح الله خير معروفين ليش يسوون جذي - ههههههه لانه الفلانتاين في الكويت على طول السنه مو يوم واحد بس
ودمتم
