شعار الشركه

[frfosha]

ما فائدة تغيير شعار شركة البترول الوطنيه الكويتيه ومن المستفيد ، وشنو خلصت المواضيع كلها وما عندهم غير يغيرون بالشعارات وبأسماء المباني ولا شنو رايكم ؟؟؟ حدهم ما عندهم سالفه

 

[Neilz]

اي والله انا معاج اخت فرفووووووشه على هالموضووووع تعرفين ماعندهم شغل قالو خلنا نشغل الناس او العاملين بالقطاع بهالشي هذا بدال ما يتكلمون عن الوزير او عن مشاكل القطاع او او او .......... شغلات وايد مشكوووووره على هالموضووووع

 

[VIBRATION]

ما فائدة تغيير شعار شركة البترول الوطنيه الكويتيه ومن المستفيد ، وشنو خلصت المواضيع كلها وما عندهم غير يغيرون بالشعارات وبأسماء المباني ولا شنو رايكم ؟؟؟ حدهم ما عندهم سالفه

حسب علمي إن شعار شعار شركة البترول الوطنية تم تغييره بسبب الحملة الي شنتها عليها الهيئات والجمعيات البيئية بسبب أن الشعار القديم كان يمثل شعار التلوث أي الشعلة فقط ! فلذلك صار الشعار الجديد باللون الأخضر والأحمر والازرق

 

[فنطاسي]

السلام عليكم
الله يعطييج العافيه على الموضوع واللي قابل للنقاش
بصراحه تغير الشعار كان ماله داعي بس ناس تبي تفيد ناس
ورزق الاقطاوه على الخاملات وحسب ما سمعت ان صرف على تغير الشعار اكثر من مليون دينار
لو مسوين نادي جديد وكبير بدل بيت الوطنيه الخايس احسن لنا
مشكوووووووووووره

 

[زهرة التوليب]

فلوسهم زايده

انا عاد عندي الشعار القديم وايد احلى ومعبر من اليديد

وثاني شي قصوا على الموظفين قالوا لهم بنسوي مسابقه علشان نختار اسم للمبنى اليديد
وبالاخير يقولون حق الموظفين مشكورين ويعطيكم العافيه خلاص لقينا اسم !!!

عيل شكو خابينا ومسابقه وجائزه !!!

 

[frfosha]

اي اي صح زهرة التوليب تذكرين هالسالفه وشكو مسابقه على اطلاق اسم على المبنى اليديد يعني اتحسين انه دائرة العلاقات صج ما عندهم شغل أبد

 

[بوعبدالعزيز.كوم]

المستفيد الأكبر المطابع وشركات الإعلانات اللي عاد شوف منو رست عليه هالعملية الحلوة لتبديل وطباعة الشعار القديم بالجديد

 

[مواق]

سرقة الابداع ..
فكرة شعار البترول مسروق من شعار الخطوط السيلانية ..
السؤال من هو مصمم الشعار ؟؟؟؟؟.

 

[مراقب الاحمدي]

لا تعليق؟؟؟؟؟؟؟؟؟

 

[زهرة التوليب]

لووووووووووول

قصدك هالشعار ؟؟

بس وين اللون الأزرق

 

[Omdah]

بس 180 ألف دينار..

زغنبوط..

 

[فلير مولعه]

ما فائدة تغيير شعار شركة البترول الوطنيه الكويتيه ومن المستفيد ، وشنو خلصت المواضيع كلها وما عندهم غير يغيرون بالشعارات وبأسماء المباني ولا شنو رايكم ؟؟؟ حدهم ما عندهم سالفه

ماكو اي فايده غير خساير فلوس ومناقصات شعار يديد
وعمومًا لا الشعار اليديد ولا القديم حلوين وابي اعرف شلون نار طالعه من البحر حاولت افهمها ما قدرت
اللون الاخضر بالشعار اليديد يمثل البيئه يعني ميته قلوبهم على البيئه خلوني ساكت بس وخلو الفليرات مولعه

 

[اه ياكويت]

ياجماعة لاتظلمون احد لاتحطون في ذمتكم ان مغيرينها علشان يفيدون احد الصحيح مثل ماقال احد الاخوان انه شنو حمله على الشركه وطلبو تغير الشعار علشان يحصلون شهادات بيئيه

 

[Catalyst]

يبه
شعار الشركة

حرمنه بحرمنه

شفيه الشعار القديم

فيه شعله؟؟؟؟

الشعله هذي اللي يتكلمون عنها
إهي أم الخير

حتى الشعار الجديد
هم فيه شعلة

إنزين!!
ليش ما أخذوا من رسومات الموظفين و اقتراحاتهم ..

و إلا مثل (دار الوطنية)

على فكرة
و لا واحد منهم
عنده (للأسف)
لو ذرة وطنية

و الله على ما أقول شهيد