لو عينوك وزيرا للنفط ... ما هو أول قرار تتخذه؟

SOS_KW

بـترولـي خـاص
أعضاء الشرف
السلام عليكم اخوان واخواتي

لو عينوك وزيرا للنفط ... ما هو أول قرار تتخذه؟ ومن ثم اذكر 4 قرارات تليها بكل صراحة ودون تكلف ؟؟

أنا سأبدأ بالاجابة :

أولا - أقعد الحريم في البيت عشان أعين مكانهم شباب قاعدين مو لاقين شغل :)

ثانيا - ألغي حتى باب النقاش في الخصخصة.

ثالثا - أبدأ في التكويت دون تردد فهناك الكثير من الكفاءات الكويتية المركونة على الرف.

رابعا - أعدم كل ما له صلة بالمحسوبية والواسطة.

خامسا - أحيل كل من أتم 25 عاما من الخدمة للتقاعد .
 

Shoomy

بـترولـي خـاص
عدل عدل
انا معاك بللي قلته كله الا اول قرار

حرام عليك ... احنا نص المجتمع وقادرين ننتج مثل ما انتوا تنتجون واكثر بعد

عالعموم اذا ياني هالمنصب بتنازل عنه للي افهم مني

تقبل مروري

تحياتي لك ولمواضيعك الروعه
 

eagelkwt

بـترولـي نشيط جدا
اول صير وزير ونشوف تطبق القرارات والا لا

ونتمنا تصير وزير بس القرار الاول مجحف بحق نصف المجتمع والمراءة لها لمسات فنيه في كل مجال تدخله
فلا تبخل عليها

تحياتي
Eagelkwt
 

Shoomy

بـترولـي خـاص
عدل عدل عاش اخوي ايجل
والله على راسي

مشكور على المداخله الاكثر من رائعه

تحياتي
 

eagelkwt

بـترولـي نشيط جدا
الاخت (Shoomy) تستاهلون كل الخير والاسلام اول من انصف المراة
ونحن ندعي عصر الحضارة ونجهل حقها

وصدقت المقولة كل رجل عظيم ورائه إمراة
فلولا المرأة لما كان المجتمع
مع احترامي لوجه نظر (SOS-KW)

تحياتي
Eagelkwt
 

Shoomy

بـترولـي خـاص
لا لا حرام

احنا مانمشي بنظام العين بالعين والسن بالسن ... شومي هتلر :d

خليهم باماكنهم وبعدين احنا مانستغني عنهم مهما كان
 

SOS_KW

بـترولـي خـاص
أعضاء الشرف
إخواني وبدون زعل

خلي المرأة تؤدي الرسالة التي وجدت أصلا من أجلها وهي تربية الأجيال بعدين نشوف اللمسات الأخرى ، فلا تكون لمسة على حساب لمسات ..وأول ما أوجه هذا الكلام لي قبل أن أوجهه لكم :)

المرأة نصف المجتمع من منطلق بيتها مو من بره البيت .. عشان شذي صرنا نشوف أشباه رجال انتشروا في الشوارع والأسواق والمجمعات .. لأن المرأة استرجلت .. وتخلت عن رسالتها الحقيقية التي خلقت من أجلها :):)

بدوووووووون زعل

وإن شاء الله أصير وزيرة نفط ليش لأ وتشوف شلون أنفذ القرار والا لأ :eek:


تحياااااااااااتي
 

Shoomy

بـترولـي خـاص
انشالله تصير وزير النفط ليش لأ
موناقصك شي انشالله
وتحطني سكرتيرتك وايجل نائبك

وناااااااااسه

الاختلاف بالرأي لايفسد للود قضيه

تحياتي
 

Green Tea

بـترولـي مميز
لوووووووووووووول انا ماضحكني الا رد مختبرجي

لحظه الحين انتي Sos_kw مره ولا ريال ؟
اذا مره عيلليش حلال عليج وحرام على غيرج يعني ليش انتي تشتغلين بالنفط وماتبين احد يشتغل بالنفط

واذا ريال
ترا مو الكل الحريم يتزوجون واييبون عيال :) يعني اشذنبهم يقعدون بالبيت شسوون ؟ ! لا شغل ولا مشغله ! يعني حتى لو تزوجو بعظهم ماعندهم عيال ، شنو االاجيال اللي بربونها ؟؟
وبعدين ليش ماخذين الشهاده عيل !
يعني اشرايج مره ماعندها زوج ولا اطفال اشيمنع انها تستغل عمرها بخدمة البلد؟؟؟؟ وترا الحريم اعلبهم مخهم نظيييف وشطااار ويلتزمون ويتحمون اكثر من بعض الرجال
 

ولد الفحيحيل

بـترولـي نشيط جدا
ابوق الوزاره واقبببببببببببببببببب البرازيل
ههههههههههههههههههههههههههههه لاتصدقون
أول شي اسويه افصل هالهنود اللي مالهم شغل ولا منهم فايده اللي كل واحد فيهم كاشخ بفورد ولا بشفر جديد ورب الكعبه مايركبها بديرته
واوظف كويتيين وكويتيات مكانهم
ربعنا اولى منهم والله
 

العنيد

بـترولـي نشيط
السلام عليكم ورحمة الله وبركاته,,
أخي العزيز انت قاعد تشوف الامور من زاويه معينه ,ولو صرت وزير راح تنفتح لك زوايا اخرى ما كانت بالحسبان,,أنا متأكد انها راح تلغي أغلب قراراتك اذا مو كلها ,,لكن طافك قرار مهم وهو ارجاع الهنود الى المكان اللي لفوا علينا منه ,,واذا احتجت لاجانب اجيب جنسيه اخرى غير الهنود لانهم انتهازيين,,ومو كفوا يشتغلون الا سواق باصات ,,واحمر العين على الاجنبي,,وما اخليه يتجرأ يقارن نفسه بالكويتي ولو بالحلــــــــــــــــــــــــــــــــــــــــــــــــــــــــــم.
 

engineera

بـترولـي مميز
انا اذا صرت وزيره اول شي اسوي حملات مفاجئه حق كل الشركات والمصافي والحقول عشان اعرف المستخبي واحط صندوق شكاوي مباشر لي انا شخصيا
ثاني شي اسويه اسوي تكويت حق الشركات وايب شركات اجنبيه لتدريس احسن فئه من المهندسين الأكفاء عشان يدرسون ويدربون الكويتين وعقبها الغي العقود مع الشركات الاجنبيه
ثالث شي اسوي طلبيه يديده لكل الشركات حق ادوات السيفيتي وغير جذيه اسوي امتحانات عمليه تعجيزيه مايعديها الا الفاهم على مستوى القطاع النفطي ومحد يتخرج منهم الا وعدة السيفتي كامله وياه وتكون شخصيه له
رابع شي اكش اللي مامنهم فايده في القطاعات النفطيه من شباب وبنات اذا ماتسنعوا واشتغلوا بظرف شهر
عقب مااسوي كل هذا استقييل وارد حق المنصب اللي يت منه ..لانه الوزارة دوخه وعوار راس(اللي يسمعني يقول كلش)لوول
 

SOS_KW

بـترولـي خـاص
أعضاء الشرف
ما شاء الله طموحات وأحلام متعددة

بس انا مصرة على القرار الأول وأنا أولكم

مشكوووووووورين على المرور والتفاعل


:D:D:D:D
 

فنطاسي

بـترولـي نشيط
ما ابي اصير وزير لانه ما راح اصير وزير
بعدين انا مومعاك بالراي
الحريم مطلوبين في كل مكان ولا نستغني عنهم
بعدين لما تروح الدوام لازم تشوف جنس ناعم علشان تعرف تشتغل
وايد كلام شومي والكمبيوتر دبارتمنت انا مو معاج لانه الرجاجيل اذا قعدو بالبيت
خطر عليكم يالحريم
مشكووووووووورين
 
أعلى