بنات التفتيش الى متى ؟؟؟؟

[frfosha]

من هو المسؤول عن بنات التفتيش اللي عند بوابات المصافي تصرفات غير طبيعيه ومواعد اشكره بمواقف الشركه وتيلفونات لاب توبات واذا يات بتفتشك جنها شمه ريحه خاسه من النفسيه اللي اهم فيها وطبعا لي صارت عندها ياهل بالسنتين والثلاث سنين يايبته معاها ونص الدوم نايمين ادش عليهم متلحفين ويشاخرون بس اسمهم حاظرين الدوام يا جماعه لازم يكون في مشرف او مشرفه عليهم تدرون انه اندش عليهم عشان التغتيش نلقى وحده قاضبه الملاس وقاعده تحمس الحمسه حق ريوق الصبح بالله عليكم هذي سالفه واسمحولي يا بنات التفتيش

 

[algharib]

من صجج
حسبالي فلم مصري

 

[ولد الفحيحيل]

قوييييييييييييييييييه
شلون تتجرأ وتجيب عيالها معاها تنومهم بالدوام
بصراحه مصفاة بطيخ

 

[WaRiO]

الحياه حلوووه

موفقين يا إدارة البتروول

 

[المكسيكي]

[[فرفوشه: انا اقترح لبنات التفتيش يطالبون بحضانه داخل الشركه وهذا من حقوق المرأه لأن عندنا في المكسيك تصوروا يابنات حتى في الشلاتر حضانه ....... يعني كل اربعه في شلتر معاهم وحده مربيه وإذا غابت يشغلون اوفر تايم......شدو حيلكم وطالبوا النقابه وعلى الله التوفيق]

 

[Neilz]

انا للحين ما شفت ولا بنت بالتفتيش باي مصفااااة ممكن يا اخت تقوليينه اي مصفاااة تتكلمين عنها ...؟؟؟
واذا كان مثل ما تقولين فهذه مصيبة ولازم يتحاسبون مثل ما احنا نتحاسب اي اخوانا السكيورتي ومكشووورين
ينطيج العافيه

 

[زهرة التوليب]

فعلا هذا الشي شفته بعيني يوم كنت رايحه اسوي فحص في أحد عيادات المصافي

يايبين كنابل ومخاد وعيالهم
جنهم طالعين كشته
وفوق هذا لابسين ملابس بيت !!! يعني حتى هدومهم يايبينها معاهم

ما ادري منو مسؤول عنهم !! لازم يسنعونهم لأن بالفعل السالفه زادت عن حدها

 

[ابوشوكه]

عندنا وعندكم خير اخت فرفوشه تعالي شوفي اللي بمصفاة ميناء عبدالله سوالفهم واصله برى عند السيكيورتي وكلها من السر وتحت لا وبصوت عالي بعد واللي ما يشارك يتسمع

 

[frfosha]

مشكوريين على المرور والمشاركه بس بالفعل منو المسؤال عنهم وعن تصرفاتهم اقولكم والله قاعدين يطبخون والادهى من جذيه المفروض انه ممنوع التدخين بالاماكن الغير مخصصه للتدخين تدش عليهم بالغرفه تقول داش مدخنه مو غرفة تفتيش والله يسامحهم والمشكله الاغلبيه منهم متنقبات الله يستر على الكل والجميع وشكرا

 

[منطقي]

اللـــــــــــــه المســــــــــــتعان,,,,,,,,,,,صحيـــــــــــح أن لم تستـــــــــحي أفعل ماشـــــــــــئت

وقد قـــــــــــيل من أمـــــــــن العقـــــــــــو بة أســــــــــــــــاء العمــــــــــــل(( عفوا اساء الأدب))

 

[غدير دشتي]

آنا ما أقدر أتكلم

 

[frfosha]

ليش غدير انتي شايفه شي ولا ما عندج ملاحظات أو يمكن ما تحبين تشاركين وتستحين

 

[غدير دشتي]

شوفي حبي آنا أحب الكل بس إذا في وحده غلطت الناس تعم على الكل وآنا أقولج آنا شفت البيبي ذاك اليوم وكان مريض ومادري ليش يايبته الدوام، ومره تخيلي طلعت من الدوام 3.20 البوابة كانت مسكره وتنرفزت وطلعت من باب إخواني الشباب ولفيت دوره كامله وكان وقتها حرولمن وصلت عند سيارتي جان تطلع من البوابه الأخت الي كانت موجوده وتصدقين مافتحت الباب حقي جان أعصب وثاني يوم قالتي الصبح وآنا يايه ليش أمس ما طقيتي الباب عشان أفتحه وآنا تقريبا كسرت الباب قتلها أعتقد إني طقيت الباب بس وبعدين في وحده من بنات التفتيش كلها أدب وأخلاق وروحها وايد حلوه وآنا أحترمها وعموما أحترم الكل وحبي إنتي هذا اللي بقلبي وشاركتج

 

[frfosha]

حبيبتي والله اي جذيه ابيج تقولين اللي بقلبج وتوضحين أكثر وانا ما أعم بكلامي على الكل في البعض منهم والنعم فيعم بس هذي واجهة مكان حساس يعني لازم يتقيدون بالاحترام والالتزام وشكرا

 

[SR.FIREMAN]

اي وقولون ليش الديره خربانه من افعال وسواد ويه هالاشكال
ما وراهم الا الاذيه وخراب البيوت
والمشكله انتهم يخربون على اللي يشتغلون عدل


انا ما اقول الا حسبي الله ونعم الوكيل

 

[مواق]

مفتشات الامن بالمصفافي تابعين وزارة الداخلية . وهذه الفئة من النساء تتسم بالخشونة والمعاملة الجافة . ويرجع السبب لطبيعة عملهم الذي يتطلب الشدة والحزم مع الافراد . وايضا بسبب طبيعة العمل بنظام المناوبات ولا ننسي ان عمل المرأة بنظام المناوبات وخاصة الليلية هي مصدر قلق ويتعارض مع طبيعة المرأة .
الله يكون في عونهم .

 

[أميرة الرقه والذوق]

بصراحه بمصفــاة ميــناء عبدالله ماعليهم غبـــار بالمره الناس الموجوده محــترمه وأنا وحده ماشفت منهم شي انتوا الظاهر من ميناء الأحمدي علشــان جذي ماأقدر أحكم علــيهم

أمــا الأخ اللي تكــلم على سيكيورتيه ميــناء عبدالله اســمح لي أقولــك أنك غلطان

البنـــات محـــترمـــين لأقصــى درجــه

يمكــن اللي كانــوا قبل أكثر من سنــه صــح كــانت سمـــعتهم استغفـــر الله بس اللي الحين لا وبشــهادة الكـــل حـــريم محـــترمــــات


وبالأخــيـــر الزيــن زيــن عــلى نفـــسه مو لنـــا والله يســــامحهـــم

 

[engineera]

والله فرفوشه كلام عدل بالنسبه للكنابل والملابس والتدخين..بس يهال ماشفت والصراحه اهم ماعندهم شغل يسونه فامنعذر بينامون..اما بالنسبه للمعامله فمعاملتهم حلوة ومافيها اي شي ..واهي كلها بوابه ادش واطلع منها لا اراح اقعد معاهم ولا بشتغل وياهم اهي 20 ثانيه ادش واطلع مجرد بوابه للعبور ..والله يستر عليهم

 

[frfosha]

حبيت اقول حق الاخ مواق أنه المفتشات اللي عندنا ما عندهم شفتات ليليه بس زامات من الساعه 6 صباحا وحتى العاشره صباحا ويأتون قسم جديد منهم الاستلام من الساعه العاشره حتى الثالثه ، ولا خل ازيدكم من الشعر بيت أمس وانا طالعه عقب ما كتبت هالموضوع ولا الخوات يايبين بدلات رقص وقاعدين يبيعونها على الموظفات ويراوونهم تهقون هذا منظر الواحد يشوفه بالدوام وحتى يا اختي يا انجنيرا لو كانت 20 دقيقه يتحملونها بدخول العاملات وعندهم المجال طول اليوم مفتوح ومشكورين على مروركم

 

[مواق]

عزيزتي فرفوشة
لأوضح الصورة لك اكثر .. مفتشات الامن بالمصافي دوامهم ثابت صباحي كلامك صح . وعمل المفتشات بالمصافي يعتبر من افضل الاماكن في الداخلية للمفتشات . ولكن المفتشات غير ثابتين في المصافي و تتم عملية تدوير لهم كل فترة ... وللعلم اماكن عملهم هي الاماكن الحساسة بالدولة و المراكز الحدودية ومطار الكويت والسجن المركزي والعمل في هذه الاماكن اغلبها بنظام الورديات . يعني اماكن يتذمر منها الرجل فكيف بالمرأة !! .لذلك تكون نوعية هذه النساء مختلفة عن نوعية النساء الذين يعملون معك في العمل ...و تصوري يافرفوشة ان مفتشة كانت تعمل بالسجن المركزي او على الحدود البرية . ماذا تتوقعين عند دخولك الي غرفة التفتيش مثلا تشاهدين مفتشات اشابيهم وحركاتهم تشبة المذيعة حليمة بولند ؟ .

خبر سمعته من ضابط بأمن المنشآت و هو احتمال الاستعانة بمدربات كلاب اعزك الله من ادارة الاثر للعمل مع المفتشات في المصافي... اذا تم تطبق القرار .. ودي اشوف شكل فرفوشة وهيه داشه غرفة المفتشات