لماذا يا قسم الامن

الكاتب : ياخساره | المشاهدات : 1,397 | الردود : 25 | ‏21 ابريل 2008
  1. ياخساره

    ياخساره بـترولـي نشيط جدا

    ليش هاذي الكتب التعسفيه يا قسم الامن
    ياجماعه شوفو قسم الامن شنو قاعد يسوي بالموظفين الي عنده

    يقولك يا محفوظ السلامه الي يطول شعره يعطونه تنبيه

    والي يلبس (لو وست ) هم يعطونه تنبيه

    وغيرها من القوانين الي ما اعتقد انها تخدم القسم باي شي

    (بيني وبينكم انا توقعت انهم يكتبون باخر الكتاب والي يتاخر اييب ولي امره )

    يعني ليش هالقوانين

    والا اهو بس فرض سلطه لانك تقدر تصدر اوامر وعلى الباقي السمع والطاعه

    ولين الحين ما خلصنا.....

    اخذو عندكم

    كل رجل امن يستلم موقع في اي من المصافي الثلاث يقعد بروحه ثمان ساعات وممنوع من اي شي

    ممنوع من الجاي والقهوه, وممنوع من التلفون, وممنوع الاب توب , ممنوع من الجرايد

    حتى عزكم الله اذا بيروح للحمام ومر احد ولقا الموقع فاضي يكتب فيه كتاب والمسكين ما يدري

    واذا قالولنا سوو تفتيش داخل المصفاه يقولون لنا (وخرو عن اللاند كروزر والبرادو والفورد وموضفين الشركه)

    وحيلكم بالمقاولين والهنود

    طبعا واذا لقينا مدير او تيم ليدر وخالفناه هاذا وجهي اذا جاه شي واسالو اي موظف بالامن تعرفونه اذا ما كان الموقف صاير له اكيد صاير حق واحد من ربعه

    وانا صارت لي مواقف واجد مع المدرا لاني ادورهم وكل ما اصيد واحد مايسوون له شي

    وفي النهايه اذا كان قسم الامن غير قادر على توفير الامن لموظفين الامن شلون راح يوفر الامن حق مصفاه كامله

    فعلا خساره يا قسم الامن
     
    آخر تعديل: ‏21 ابريل 2008
  2. BRONZI

    BRONZI بـترولـي نشيط

    146
    0
    0
    حسبي الله ونعم الوكيل فيهم
     
  3. المرهم

    المرهم بـترولـي جـديـد

    29
    0
    0
    الله يعينكم على الوضع الي انتو فيه
    بصراحه على كلامك هذي عسكريه
    الله يكون بالعون
     
    آخر تعديل بواسطة المشرف: ‏23 ابريل 2008
  4. like.no.other

    like.no.other بـترولـي مميز

    594
    0
    0
  5. ياخساره

    ياخساره بـترولـي نشيط جدا

    اي والله يا اخوي برونزي حسبي الله ونعم الوكيل
     
  6. ياخساره

    ياخساره بـترولـي نشيط جدا

    هلا ياخوي المرهم

    وعلى قولتك الله يكون بالعون ويرزقنا باداره سنعه تنظم امور الموظفين بهالقسم
     
    آخر تعديل بواسطة المشرف: ‏23 ابريل 2008
  7. ياخساره

    ياخساره بـترولـي نشيط جدا

    مرحبا ياخوي

    اي والله الله كريم
     
  8. MAB12

    MAB12 بـترولـي مميز

    انا اشوف العكس بالمصفاة اللي انا فيها

    متساهلين مع الامن وماخذين راحتهم وكلهم ربعي ولا اذكر في احد اشتكى من الوضع

    بعدين شلون تبي رجل الامن يطول شعره اكثر من اللازم ويلبس ( لو وست ) وين تبي الناس تحترمه ؟

    يمكن في بعض حالات الظلم بس مو على الجميع


    تقبل ردي برحابة صدر واسف اذا ضايقتك
     
  9. ياخساره

    ياخساره بـترولـي نشيط جدا

    يعطيك العافيه اخوي مينا عبدالله

    وانا ما كتبت الموضوع الا عشان اشوف وجهات النظر

    بس الي انا اتكلم عنه فرض مثل هاذي القوانين الي بنظري مالها داعي

    يعني انا ما احب الشعر الطويل وما البس ( لو وست )

    بس مهما كان هاذي حريه شخصيه بالشخص نفسه

    يعني اذا واحد يحب يطول شعره يعطونه تنبيه

    هاذا مو منطق

    هاذا فرض سلطه بالغصب

    وبالنهايه انا سعيد بمرورك انت والاخوان كلهم على راسي من فوق

    تقبل تحياتي
     
  10. HUMMER

    HUMMER بـترولـي خـاص

    والله اخوي المفروض هالشي يكون شخصي مو اداري لان بعض الاخوان الله يصلحهم مطولين الشعر برعونه

    ومن متى في موظف يدوام بلو ويست وين قاعدين حتى بالسوق الواحد يتفشل يلبسه فما بالك اذا في بعض الاخوان

    وخصوصا فريق الامن واهم الواجهه يكون لبسهم جذي المفروض في شد وحزم بالموضوع

    وشاكرلك اخوي موضوعك وماقصرت وتقبل مروري
     
  11. HUMMER

    HUMMER بـترولـي خـاص

    كل رجل امن يستلم موقع في اي من المصافي الثلاث يقعد بروحه ثمان ساعات وممنوع من اي شي

    ممنوع من الجاي والقهوه, وممنوع من التلفون, وممنوع الاب توب , ممنوع من الجرايد

    حتى عزكم الله اذا بيروح للحمام ومر احد ولقا الموقع فاضي يكتب فيه كتاب والمسكين ما يدري

    واذا قالولنا سوو تفتيش داخل المصفاه يقولون لنا (وخرو عن اللاند كروزر والبرادو والفورد وموضفين الشركه)



    اول شي اخوي عساكم عالقوه ومهما يكون هذا شغلكم وتدريبكم اللي كان بمبنى التدريب البترولي بس سالفة الشاي والقهوه والتلفون وعزكم الله الحمام ممنوعه ؟؟؟؟ اما الجرايد فبكل الاقسام ممنوعه واذا كان التيم ليدر حازم وشديد عادي تاخذ كوشن وانت تضحك وانا والله يااخوي معاك ترى موضدك لانك انت ان ماكنت صاحبي فانت اخوي
    انت تشوف الاخوان اللي بالامن بمواقف الشركة اهم مع الفرش تقول رايح مخيم مو مداوم فاستر على ماواجهت
    والله يكون بالعون
     
  12. ياخساره

    ياخساره بـترولـي نشيط جدا

     
  13. ياخساره

    ياخساره بـترولـي نشيط جدا

    هلا فيك مره ثانيه اخوي همر

    والله ماجاك الا الصدق ولا تقول الكلام هاذا منقول على لسان فلان او فلان

    الكلام هاذا نازل بكتاب رسمي ولو اعرف طريقه ادراج الصور كان صورته ووريته لكم

    وانا ادري انك معاي ياخوي وانت انشالله اخو واعز

    اما بالنسبه حق ربعنا اهل الفرش فأنا مادري عنهم لاني اداوم بال knpc
     
  14. feed gas

    feed gas بـترولـي خـاص

    الاخوان الاعزاء الى فى الامن ..سلام عليكم.ياخى انتو دشيتو الوضيفه عشان تعملون حسب الشروط والنضم واللوائح ؟؟ولا تبون كل شى علا كيفكم؟؟ انتو امن وسكرتى شركه البترول وتحكمكم قوانين ..فلازم تطبقونها..ولا اقعد فى بيتكم وطول شعرك مثل ما تبى والبس علا مزاجك..واعزم الى تبى ..ما اقول الا الله يسامح الى سوا مشروع سكيرتى الشركه ..
     
  15. بو حمود

    بو حمود بـترولـي نشيط جدا

    175
    0
    0
     
  16. YOU^AND^ME

    YOU^AND^ME بـترولـي نشيط جدا

    444
    0
    0



    اسمحلي ياخوي ....

    انا اللي اشوفه العكس

    كل ما جيت للامن ربعنا واحنا نعرفه في المصفاة اللي انا فيها وخصوصا شفتي اللي انا فيه الدعوه سهالات

    جرايد وتلفزيون وزيجاير بعد وتليفونات والدعوه وناسه والله يديمها عليهم

    وانا اقولك انت يمكن واجهت موقف او المصفاة اللي انت فيها او الشفت اللي انت فيه يمكن مو مضبوط

    فالله يعينك وقلبي وياك يخوي وعسالله يفرجها عليكم
     
  17. ياخساره

    ياخساره بـترولـي نشيط جدا

    السلام عليكم

    انا وياك اننا قاعد نعمل تحت ظل شركه تحكمها لوائح وقوانين

    ولكن شنو الفايده بهالقوانين الي مالها داعي يعني هدو كل المشاكل الي عندنا وقعد يطالع انا شنو لابس

    وبالنسبه للي سوا مشروع السكرتي الله يعطيه الف عافيه والا لولاه جان حنا للين الحين ناخذ مصروف من اهلنا

    وشاكر لك على المرور

    تقبل تحياتي
     
  18. ياخساره

    ياخساره بـترولـي نشيط جدا

    يعطيك العافيه اخوي

    الله يديم الراحه على الربع الي عندك

    وانا واجهت سوالف وايد هاذي اقلها خلنا ساكتين ياخوي

    والله يعطيك الف عافيه وشاكر لك على المرور
     
  19. كويتي زقرتي

    كويتي زقرتي بـترولـي جـديـد

    13
    0
    0
    السلام عليكم جميعا والموضوع المطروح ودي أبدي رأيي فيه بكل صراحة أنت تقول رجال الأمن شعورهم طويلة ولا بسين لو ويست هل تعتقد لو أنك تمر على رجال الأمن اللي تتكلم عنهم وقاموا بتفتيشك ماراح تنقد على أشكالهم وهم أصلا واجهة الشركة وأول مايشوفونهم الزوار عند دخولهم أي منشأة تخيل رجل أمن ولو ويست وشعره طويل وين قاعدين عرض أزياء ؟ ويجب أن يكون رجل الأمن له هيبة وشخصية مو مطول شعره ولا بسلي لو ويست !!!!! ليش ما تسوي نفسهم ؟ أكيد تستحي ولا مو من عوايدنا ولو أي واحد فيهم أخوك هل تقبل شكله ؟ الحرية الشخصية موجودة بس العمل له إحترامه صح ولا لأ ؟ أنا ولدي ما أرضى أنه يطول شعره لأن ماتعودنا على هالشي من صغرنا . لا تزعل من مداخلتي بس هذا رأيي الشخصي وشكرا.
     
  20. n3n7

    n3n7 بـترولـي نشيط جدا

    271
    0
    0
    انا اقترح قسم الامن يحولنا حق وزارة الداخليه ابرك لانه قسم دايخ وماينفع بشي حده سحب تصريح
     
جاري تحميل الصفحة...

مشاركة هذه الصفحة