سياسة الإجازه الإضطراريه (العرضي)

الكاتب : RUSTY F | المشاهدات : 1,124 | الردود : 13 | ‏20 ابريل 2008
  1. RUSTY F

    RUSTY F بـترولـي نشيط

    58
    0
    0
    قوّه يالرفاقه .. شلونكم ؟؟
    آنا حبيت أستفسر عن شغله سمعتها من الزملاء في القسم اليومين اللي فاتوا والموضوع موجه حق السيد مدير العمليات (هذا إذا كان يدش المنتدى أصلا) وموجه أيضا للأخوه الزملاء أعضاء النقابه المحترمين ..
    يقولون والعهده على الراوي (رواة) لأنهم كانوا وايد إن الإجازه الإضطراريه حتى لو كانت من مستشفى الأحمدي وكانت المراجعه بسبب موعد مسبق يخصم منها 4 ساعات إذا ما كانت المراجعه خلال دوام الموظف الرسمي .. يعني إذ زامك ليل وأهلك عندهم موعد الصبح وما داومت على شان توديهم الموعد يخصم عليك 4 ساعات !! عجييييييييب !! بالله عليكم هذا كلام ؟؟
    أوكي ضيقتوا علينا لين لزمتوا علينا إن الورقه تكون من المستشفى على شان تعطونا إجازه إضطراريه بعد ما كنتوا تكتفون بورقة المستوصف .. تالي بديتوا تخصمون إذا المراجعه عاديه ووقتها يختلف عن ساعات عمل الموظف وهم قلنا ما يخالف وياكم حق .. تالي صارت حتى إذا راجعوا أهلك مراجعه عاديه بوقت دوامك يخصمون عليك 4 ساعات وهم إنجعمنا وما قلنا شي !! أما إنكم تخصمون حتى إذا بموعد مسبق يا ناس حراااااااااااام مو سالفه هذي !!
    بالعقل .. تخيل معاي اخوي الموظف إن دوامك عصر والصبح عندك موعد مع أهلك وبيتكم بعيد عن المستشفى .. أكيد يومك بيكون ضايع وانت من صباح الله خير طردي بممرات المستشفى وكفايه عليك الدرب من بيتكم لين الأحمدي ويا دوب توصل البيت أكيد مالك خلق تداوم وهذا شي طبيعي لأنك بني آدم مو مكينه ..
    والا تخيل إن دوامك ليل مو معقول بتطلع من الدوام وبتروح تاخذ أهلك من البيت وترجع المستشفى !! شنو المدير ما يدري إن اللي يطلع من دوام الليل يكون سهران والا شالسالفه ؟؟ قولوا له يا جماعه ما يصير هالكلام ترى مو زينه كثرة الضغط على الناس والتضييق عليهم بهالطريقه !!
    معنى كلامه المدير وهالقرار المتسرع إن الواحد ياخذ مرضيه أحسن له ما يخصم منه شي ويروح موعده على كيفه !! إحنا ندري إن بو فهد رجل متعاون وأكيد إذا كلمتوه بيسمع لكم إنتوا صوتنا عند المسؤولين وواجبكم تتابعون الموضوع (إذا كان صحيح) لأنه هو صاحب القرار أولا وأخيرا وبيده ما يخصم علينا لو نييب له ورقه من الفضاء هذا حقه وهذي صلاحياته ونتمنى من الإخوه في النقابه يشوفون لنا صرفه مع هالسالفه اللي مادري من وين طلعت لنا .. ودمتم
     
  2. SOS_KW

    SOS_KW بـترولـي خـاص أعضاء الشرف

    2,252
    0
    0
    هلا عزيزي RUSTY F .. أولا مشكور على تواصلك الدائم معنا ..

    وبصراحة انصدمت لما قريت هالقرار بالنسبة لي أول مرة أسمع فيه .. لكن ان شاء الله سوف أسأل وأتأكد من الخبر ..

    وما أقول الا عش رجبا ترى عجبا


    [​IMG]
     
  3. دبليو دي 40

    دبليو دي 40 بـترولـي نشيط

    144
    0
    0
    rusty f وpic2020

    اعمدة المنتدى

    بارك الله فيكم
     
  4. SOS_KW

    SOS_KW بـترولـي خـاص أعضاء الشرف

    2,252
    0
    0
    السلام عليكم

    لقد سألت عن موضوع الخصم .. فأفادوني بأن الخصم يكون في حال اذا كان دوام الموظف العصر وكان عنده موعد لأولاده أو زوجته الصبح ..أما اذا كان شفت ليل وكان فيه موعد الصبح فما راح يكون فيه خصم.

    وشكرا


    [​IMG]
     
  5. Workers

    Workers إدارة المنتدى

    7,767
    30
    48
    ذكر
    الكويت
    مشكورة يامشرفتنا الغالية

    وعندي سؤال وتحملينا :)

    اذا كنت جايب ورقة من مستشفى الاحمدي بتاريخ اليوم نفسه فقط بدون تحديد الوقت ;) شنو راح يكون الوضع :rolleyes:


    واعرف انه اذا بوعد مسبق يعني الوضع تمام :) واذا مراجعة عادية الوضع يختلف هنيه يلعب دور مزاج المسؤل :confused:



    وتقبلي تحياتي
     
  6. RUSTY F

    RUSTY F بـترولـي نشيط

    58
    0
    0
    شكرا عالتقيب بس هم غلط إنهم يخصمون على الموظف حتى لو كان دوامه عصر الواحد يطلع من دوام العصر على ما يوصل البيت وينام يبيله أقل شي ساعتين وتالي يفز من صباح الله خير على شان يروح المستشفى حق الموعد اللي يخص أهله والا عياله وعلى ما يخلص من هناك ما يرد البيت بعز الظهر متى يمديه يرتاح ويعيي من الله خير ويتغدى ويرجع يداوم ؟؟ مو معقول في ناس بصراحه ما ترحم والا إشرايكم ؟؟ قولوا لي إذا آنا غلطان على شان ما أفتح هالمواضيع مره ثانيه !!
     
  7. فرحان العجمي

    فرحان العجمي رئيس نقابة عمال شركة صناعة الكيماويات البترولية أعضاء الشرف

    488
    0
    16
    الزميل العزيز RUSTY F.....

    لا والله منت غلطان وكلامك عين العقل ..

    طالما فيه موعد مسبق مايحق لاحد انه يخصم ..

    الان حتي الموعد المسبق يبون يلعبون فيه ..!!!!!

    وطبعا هالقرار مصدره مكتب مدير العمليات مع الاسف واللي بصراحه يثير كثير من التساؤلات حوله !!!!


    يعني بدال لايتم معالجه السلبيات اللي بنظام الاجازه الاضطراريه نشوف المسؤلين عندنا يسعون الي عكس هالامر هذا ويزودون السلبيات سلبيه اخري..!!!!!

    وارجع واقول منت غلطان والمواضيع اللي ثرتها بصراحه مواضيع قيمه وهادفه وتمسنا جميعا وتشكل جزء كبير من همومنا ومطالبنا ...

    شكرا لك علي جهدك الواضح في المنتدى
     
  8. RUSTY F

    RUSTY F بـترولـي نشيط

    58
    0
    0
    تسلم يالأخو أنا أشوف إن مواضيع المنتدى بدت تتجه للسب والتشهير ونصيحه مني للجميع إن إحنا نرتقي بمستوى النقاش بدون ذكر أسماء الناس والتعرض لأي زميل بالإساءه في النهايه المشاكل اللي عندنا تهم جميع الموظفين والأفضل إن الجميع يتابعها على شان نوصل حق حلول ترضي الجميع للتخلص من حالة اللا رضى في أغلب أقسام الشركه .. وشكرا على الرد اخوي بو حمد
     
  9. بايب رينش

    بايب رينش بـترولـي نشيط جدا

    180
    0
    0
    اتفق معال ياروستي
    بس الى متى الارهاب اللي علينا
    والله مافي تعاون من الاداره شلون تبينا نسكت

    ودمتم
     
  10. سكر زيادة

    سكر زيادة بـترولـي نشيط

    56
    0
    0
    اذا تبي ما ينخصم عليك خل يحطون لك بموعد مسبق بدون وضع الوقت ؟؟؟؟

    يعني قول للسكرتارية لا يحطون ساعة المراجعة في الورقة اللي يعطونك اياها مستشفى الاحمدي

    وبهالحالة تكون بدون خصم ان شاءالله
     
  11. يورياوي

    يورياوي بـترولـي مميز

    688
    0
    0
    q8
    طيب واذا ماعندي موعد مسبق اجذب صح
    طيب ليش مايمشي شغلنا مثل الاوادم لازم نجذب نفس اليهال وتكفين يامعوده كتبيلي موعد مسبق وانت وحظك اذا نفسيتها زينه الموظفة والله حاله.
    بس اعتقد مع مسئولينا ماتنفع غير هالوسائل لأن الجذب بدمهم ومايحبون غير الجذاب والطيور علي اشكالها تقع.



    حسبنا الله ونعم الوكيل
     
  12. بايب رينش

    بايب رينش بـترولـي نشيط جدا

    180
    0
    0
    طيب عندي سؤال ومهم

    اذا العرضي لي فقط منه 4 ساعات ورجعن دوامي شلون وضعه ؟؟
    وكذلك اذا داومت 4 ساعات وابي اطلع لموعد شالحل ؟؟

    اتامنى الاجابه على التساؤل
    ودمتم
     
  13. SOS_KW

    SOS_KW بـترولـي خـاص أعضاء الشرف

    2,252
    0
    0
    السلام عليكم ورحمة الله وبركاته

    اخواني الاجازة الاضرارية هي أن تضطر أن تغادر عملك خلال ساعات دوامك الرسمي .. أي حالة طارئة أو موعد مسبق فلن يكن بذلك خصم

    وإذا دوامك كان بالليل وكان عندك موعد أو لأحد أفراد عائلتك ثاني يوم الصبح .. فلن يكن هناك خصم أيضا

    ولكن اذا كان دوامك بالليل وكان عندك موعد العصر أو الصبح فلن يقبل منك أي عذر في حالة تغيبك ..

    أرجو أكون قد وضحت وشكرا ..
     
  14. بايب رينش

    بايب رينش بـترولـي نشيط جدا

    180
    0
    0


    هذى الكلام ماكان موجود والجديد بالموضوع المدير فقط (( يعني الغطرسه بالمسؤولين فينا فينا))
    لاحول ولا قوة الا بالله
     

مشاركة هذه الصفحة