شوفوا القهر في توزيع الإسكان..

الكاتب : العابر | المشاهدات : 1,937 | الردود : 14 | ‏20 ابريل 2008
  1. العابر

    العابر بـترولـي خـاص

    السلام عليكم,,

    اليوم ودي اوريكم احد الاماكن الممتازه لحل جزء كبير من المشكله الاسكانيه بالكويت

    اول شي خلنا نشوف خريطة الكويت الحبيبة و شوفوا معاي موقع المطار

    [​IMG] .
    طبعا موقعه ممتاز لانه قريب من كل مناطق الكويت (العاصمة, الجهراء, والمناطق الجنوبيه)

    يعني افضل مكان يكون لك بيت فيه.

    مو هذا الموضوع ....

    الموضوع ان لو هالمنطقه صارت سكنيه شكثر نقدر نحط فيها....

    تفضلوا معاي نشوف

    [​IMG]
    المنطقه تقريبا 80 كيلو متر مربع... شنو معنى هالشي؟

    الحين راح ناخذ جنوب السره بكل مناطقها و بنفس مقياس الرسم (2.37 ميل) و نحطها بهالمنطقه... شوفوا معاي

    [​IMG]
    شفتوا شلون؟؟ بس لحظه خل ناخذ القرين بجميع مناطقها (العدان و مبارك الكبير والقصور والقرين) لا و فوقهم بعد صباح السالم !

    نحطهم و نشوف يبقى مكان ولا لا؟
    [​IMG]
    شفتوا شلون؟؟؟ اوكي ..

    انا ابي اخربها ... بحط وياهم الجابريه ... واليرموك

    والظهر ..... يبا تدري شلون ... السره كلها بعد ... وفوقهم زياده بحط غرب مشرف

    نشوف مع بعض
    [​IMG]
    وفوق هذا ... هم باقي مساحات فاضيه ....

    ياجماعه ... حوالي 14 منطقة سكنيه !!! والمكان موجود لهم ...

    شيلوا هالمطار ودوه المقوع ودوه بوبيان او العبدلي أي مكان مو مهم ...

    المهم خلونا نتنفس ... شيلوا هالطلبات الاسكانيه ... و على طاري الطلبات الاسكانيه

    اللي اعرفه ان الطلبات وصلت 70 الف طلب؟ في احد يقدر يتكرم و يعرف يطلع مجموع هالمناطق جم وحده سكنيه؟ ونشوف شكثر حلينا من المشكله؟

    زين تدرون شنو الطامة الكبرى و المشكلة الاكبر؟

    ان في مشروع ضخم لتوسعة المطار!!

    زين المسؤولين في الحكومه و في الاسكان تعتقدون مافكرو بهالشي؟؟؟

    انا اتمنى نوصل هالفكره لكل شخص قادر انه يساهم في تحقيقها

    واذا صارت واللي يرحم والديكم ... دام اني صاحب الفكره ابي بيت راس و ارتداد بهالمنطقه

    وتحياتي لكم جميعا و من هني لي هذاك الوقت ادفعوا ايجاراتكم بوقتها وخلكم خوش ناس
     
  2. YOU^AND^ME

    YOU^AND^ME بـترولـي نشيط جدا

    444
    0
    0
    ضيقت خلقي يالعابر

    حسبت الحكومه من صدق مو لاقيه اماكن للسكن الخاص

    طلع المطار في حالة لو انهم شالوه من مكانه يحل مشلكت الطلبات الاسكانيه كلها ( يمكن )

    الله كريم مع الانتظار لنزول الاسعار العقاريه والأراضي

    حيتى يتحقق الحلم
     
  3. العابر

    العابر بـترولـي خـاص


    والله خلقي مو ضيق إلى حولته للإنعاش
    والتوزيع الإسكاني أعوج
    يعني حتى مكان المطار ألحين مو سيفتي وهنالك بعض الشركات لاتهبط طائراتها في الكويت بحجة أن المطار موسيفتي مكشوف للعابثين..

    الله كريم

    وشاكر لك عالمرور والتعليق ياصديقي
     
  4. ع-العازمي

    ع-العازمي بـترولـي جـديـد

    40
    0
    0
    والله كلامك كله صح بس منو الي يقدر يشرح هالموضوع علي مجلس الوزراء ويوافقون عليه
    بس ابيك تتخيل الزحمه الاختناق المروري شوف الحين ومو ملحقين اتمنى لو تتوسع الكويت ويحطون بكل محافظه وزاره صغيره ويحطون معاهد وكليات ويفكون هالناس من الزحمه ومشكور يالعابر وبيض الله وجهك
     
  5. العابر

    العابر بـترولـي خـاص

    بيض الله وجهك
    وشاكر لك عالمرور والنقاش المفيد
     
  6. المحيط

    المحيط بـترولـي مميز

    647
    0
    0
    يا حبيبى الارض المطار واللى حوليها لشركة K O C شخلصكم منها بعد


    بس المطار ترى مومسوى زحمة

    اللى ربكة مرور خنقة بعد بس تخيلوا فتح طرق بس شلون انسياب السيارات

    ماكو تخطيط الا
    بالملابس
     
  7. العابر

    العابر بـترولـي خـاص

    والله الظاهر حتى الملابس مافيها تخطيط




    عالبركه طال عمرك

    شاكر لك عالمرور المحيط
     
  8. MamLOoO7a

    MamLOoO7a بـترولـي مميز

    اشتبي بالزاويه والارتداد وبالاخير يزيلونهاااااا وياخذون اللارتدام منك ههههههههههه

    شكرا على الطرح واحجزلي الزاويه الثانيه
     
  9. jem2008

    jem2008 بـترولـي نشيط جدا

    410
    0
    0
    انت تبي تنزل العقار
    ليش تبي تريح الكويتين خلها مولعه ---> تاجر عقار
    انت الظاهر تحب الكويتين وراحتهم ---->محتكر اموال
    انت راح تكون تحت المجهر----->حكومه
    انت اللي نتمناه----------->شعب
    انت ذهب------>فقاره الكويت
    عسى الله ان يكثر من امثالك وخاصه وزير الاسكان ياليته يشوف اقتراحك وياليتك توصله
     
  10. jem2008

    jem2008 بـترولـي نشيط جدا

    410
    0
    0
    ارجو من القائمين على المنتدى التثبيت
    ترى الموضوع اقوى شي شفته في هالمنتدى
     
  11. العابر

    العابر بـترولـي خـاص

    عزيزي الشعب يعاني من أزمه إسكانيه رهيبه والمشكله ماحسينا كشعب إنه في حلول مستقبليه وملموسه
    الله يستر
    والله يعينا ويعين الأجيال القادمه
    وشاكر لك اخي عالمرور
     
  12. العابر

    العابر بـترولـي خـاص

    شوفي لنا واسطه ونعطيش بيت على اربع زوايه إشلون مادري
    بس تنحل هالمشكله


    شاكرلش عالمرور اخت مملوحه
     
  13. العابر

    العابر بـترولـي خـاص

    شاكر لك عالإطراء الجميل


    وانشالله يتثبت
    عل وعسى يشوفه أحد المسئولين لو بالصدفه ويكتب الله الفرج على إيده
     
  14. test

    test بـترولـي جـديـد

    4
    0
    0
    الاخ الكريم العابر
    لماذا لم تذكر ان الموضوع منقول؟
     
  15. العابر

    العابر بـترولـي خـاص

    نعم منقول بالحرف والواحد حتى بالمقدمه والخاتمه
    وأنا مانسبته لي وصلني الموضوع وشفت إنه مهم ونزلته بالمنتدى كما وصلني




    ولا فيه أي مشكله
    نقولها الموضوع مـــــــــــــنقــــــــــــــــــــــــــــــــــــــووووووووووووووووووووووووووووووووول



    شاكر لك عالمرور اخي tes
     
جاري تحميل الصفحة...

مشاركة هذه الصفحة