اغرب فكره في بالك لما كنت صغير ..؟؟؟

الكاتب : نفطي كويتي | المشاهدات : 738 | الردود : 11 | ‏19 ابريل 2008
  1. نفطي كويتي

    نفطي كويتي بـترولـي خـاص أعضاء الشرف

    2,016
    12
    38


    وحنا صغار تطلع علينا افكار قد تكون جنونية

    وخيالنا واسع جدا ونتأثر بكل ما حلونا ونحاول نطورها بطريقتنا وبرائتنا وعالمنا الحلو الخيالي

    حبيت احط موضوع وياليت كلكم تتجاوبون معاي شنو اغرب افكار مرت عليكم

    وفكرتوا فيها وعشتوا معها ايامكم الحلوه

    راح ابد أبنفسي


    انا يوم كنت صغير كنت افكر
    اني اذا سبحت وغصت بالبحر بلقى فيها مغارة

    وبدشها وبلقى غريندايزر وانط مثل

    [​IMG]
    دوق فليت


    [​IMG]
    وقتها كان حرب العراق وإيران

    وكنت بوقف على حدودهم وبوقف الحرب واللي يرفض بدمره

    كنت متأثر يدايسكي بس في فرق بيني وبين بقولة لكم اخر الموضوع

    [​IMG]

    ونفس الفكرة

    بعد قلت بشتري لعبة غريندايزر من السوق وكانت منتشرة ذالك الوقت

    وبخشها عندي وإذا كبرت بروح اليابان ولا تسؤلوني ليش بروح اليابان

    وبدور على ساحر عشان يكبر اللعبه لي

    وبروح بوقف الحرب كنت فاصل علي هالحرب

    كان ودي اجرب كل الاسلحة الموجوده عندي
    مثل
    [​IMG]
    الصحن الدوار

    [​IMG]

    والرشاش الصاهر

    [​IMG]
    ورعد الفضاء
    واخر كلمة اقولها

    اللعنة على الاعداء

    شفتوا (إشقد) انا احب الامة العربية والاسلاميه من صغري

    كنت بحرر الدول الاسلامية بخيالي الواسع والتكنولوجيا اليابانية

    هذي بنذة عن افكاري الجنونيه

    صج قبل لا انسى الفرق بيني وبين دايسكي اني احلى منه اهوا ابيض الله يديم النعمة:D:D وانا اسمر حليوه

    وثاني شي جسمة كله عضلات اخخخخخخخخخخخخخ مو شي يعني جسمة رياضي كلش مو شي

    وانا جسمي احلى بوايد كله دهون ولحم بس الحمد لله طبيعي مو ابر تفخ


    كنت متأثر حدي:D:D

    بس للأسف للحين ما لقيت المغارة ولا شريت اللعبة

    :D:D:D



    ياليت نشوف افكاركم الطفولية
    وتشاركوني موضوعي
    وارجوا اني اكون خفيف على قلوبكم
     
  2. MamLOoO7a

    MamLOoO7a بـترولـي مميز

    :) لا تعليق على افكارك الجهنميه

    بالنسبه لي كنت دايم احسب نفسي مدرسه ولما ارجع البيت اقلد الابله وكان بيتنا في الاحمدي ويشهد علي الطابوق من كثر ماكنت اكتب عليه استعير طباشير من المدرسه مو ابوق لا في فرق هههههههههههههه واذكر امي تزفنا ذبحتينا الناس ترجع من المدرسه تنام وتريح وانتي لابسه هالكعب وتطقطقين ازعجتيناا ومرات يشتكون الجيران من كثر ماني منفعله ههههههههههه واسطر الطوفه يعني الطلبه ههههههههههه ولا خليت حبيبي بابا يسويلي لوحه ويشتريلي طباشير لان استعارتي زاده هههههههه صج جاهل حزتها بس يوم كبرت لا اكره ماعلي التدريس :)

    وبس
     
  3. نفطي كويتي

    نفطي كويتي بـترولـي خـاص أعضاء الشرف

    2,016
    12
    38
    مشكوره على مشاركتج
    وعاد انا بعلق عليج
    خسرتي الوالد واخرتها كرهتي التدريس
    وازعجتي الجيران
    وثاني شي انتي اللي كنتي مخسرة وزارة التربيه تلك الايام
    يوم سأل المفيدي وزير التربية في المسرحية
    عن عدد الطباشير اللي استهلكتها الوزارة
    الحين عرفنا السبب
    مشكوره علي مشاركتج الحلوه
     
  4. CAT-6

    CAT-6 بـترولـي جـديـد

    16
    0
    0
    hehehehhehhehhehe

    الصراحه موضوع محرج :eek:


    أنا لما كنت صغيره أقعد أطالع الرسوم المتحركه و اقول في نفسي

    (يعني إذا ألحين كسرت التلفزيون ممكن أدش و ألاقي نفسي مع الكارتون)!!!!

    أشوه إني ولا مره كسرته ولا جان يمكن أبوي كسر راسي

    :D
     
  5. Workers

    Workers إدارة المنتدى

    7,767
    30
    48
    ذكر
    الكويت
    مرحبا نفطي والله عليك افكار ماشاء الله عليك عموما انا مو بعيد منك ولاكن كان اخوي الكبير هو دايسكي

    وانا كوجي كبوتي ومعنا هيكارو والشلة واذكر مره تحمست وركبت فوق النخلة وابي انط واشقلب عشان يتغير شكل الملابس وصير

    نفسهم وطبيت وانا اقول دووووكفليييييت طاااااااااخ دب على الحاقنة وانكسر كتفي بعد ماهدا الوضع والصياح قال اخوي دايسكي


    احسن ليش تقول دوووووكفلييييت هذا انا بس اقولها
    :)
     
  6. نفطي كويتي

    نفطي كويتي بـترولـي خـاص أعضاء الشرف

    2,016
    12
    38

    سلامت راسج

    وزين ما كسرتي التلفزيون جان تعوت ايدج وسهرتي ابوج وامج وتعبتيهم معاج
    اشكرج على مشاركتج
    انتي اشوى مني
    ما شفتي افكاري
    زين ما دخلوني مستشفى المجانين
    مجنون بس وطني وقومي واسلامي
    بس لحد ياخذ فكرة الحين عقلت
    مشكوره على مشاركتج
     
  7. سهيل

    سهيل بـترولـي نشيط

    60
    0
    0
    هاهاهاها موضوع حلو فيه متنفس للنفس من الاخبار العامه اللي في البلد
    انا اذكر كنت قاعد اطالع توم وجيري ومعاي اخوي الصغير اشوف جيري يحذف الطماطه على ويه توم وتنفجر الطمامه جنها تفيخة ماي
    جان اخذ اخوي المطبخ وابطل الثلاجه واخذ طماطه لونها احمر على اخضر قلت حق اخوي اوقف اهني جان اصكه فيها ولا خشمه كله دم وقعد يبجي اهاهاهاهاهاهاها انا هديته بشوف الطمامه ليش ما طشرت طمام لووووووووووووووووووووووول
    قمت البراءه
     
  8. HUMMER

    HUMMER بـترولـي خـاص

    انا كنت متاثر بجرين دايزر والسياره العجيبه ( قديم حدي ) صح
     
  9. زهرة التوليب

    زهرة التوليب بـترولـي خـاص

    لووووووووووووول والله خوش موضوع

    انا عن نفسي يوم كنت صغيره كنت اشوف الشامبو مرسوم عليه بنت شعرها احمر او اشقر
    عبالي اذا غسلت شعري في هالشامبو راح يصير لونه مثل اللي بالصوره
    وكنت اقول حق امي لما تبي تمشط شعري لا تربطينه خليه عشان لونه وشكله يصير مثل اللي بالصوره لوووووول

    صج تحسون يهال على نياتنا :p
     
  10. كريستاله

    كريستاله بـترولـي خـاص

    1,358
    0
    0
    موضوع يونس

    انا كان ودي اصير قزمه مثل نيلز واكون معاه اركب فوق الطيور ونجول العالم

    كنت كل مامرو مجموعه حمام او طيور اتخيل عمري اطير معاهم

    وكنت متأثره بالسنافر واقزام اقزام من عالم الاحلام لاعرف ان كانوا بشرا او صورا رسمتها الاقلام

    وكنت وااااااااااااااااااايد احب سالي


    ووااااااااو وناسه هالايام
     
  11. هههههههههههههههههههههههههههههههههههههه

    اما انا كانت افكاري جهنميه كنت اجنن اهلي بهالحركه شووفووها بالصووره :)

    [​IMG]


    مستحيل محد سواها وهو صغير هههههههههه
     
  12. الفصول الأربعة

    الفصول الأربعة بـترولـي نشيط جدا

    437
    0
    0
    لما كنت إصغيره دايمن أتأمل بإشياء من شنو يتكون للحين فيني الشغله.
    بس لما كنت صغيره كنت أجيب أدله على قدي.
    يعني التلفزيون ليش الناس تصير فيه صغيره مو مثلنا.
    أو الأشاره حللتها على أنها عيون شرطه خضر وحمر وصفر وهذي مشت معاي وصدقتها.
    والكور اللي تشوفونها على أسلاك الكهربا أنها عملاقه.
    ,جبت دليل يضحك ليش الطايره لما تروح السما صغيره أكيد الكور نفسها.محلله من ضغري.
     
جاري تحميل الصفحة...

مشاركة هذه الصفحة