طرح الثقة في اتحاد البترول كلاكيت اكشن ثاني مره

للتوضيح محمد حضيرى يقول ان العماليه قدموا لطرح الثقه فينا وراح يشغولنا عن الزياده واللى سواه بالاتحاد ما اضعف الاتحاد واشغلهم وانا ما اقول اصحوا يالبترول والله كارثه انه قاعد يضحك على الموظفين واستخفاف بالعقول بس انكشف وحتى القسم اللى فيه موقعين ضده ومو قادر يسحب تواقيعهم وقاعد يغريهم بالعمره مسكين الموظف ما يدرى انه رايح على حسابه من الاستقطاع الشهرى

 

السلام عليكم ....

الاخ الواقعي .. مسألأة العدد والحضور والنصاب الازم لانعقاد الجمعيه العموميه كلها كلام فاضي ..

والدليل الجمعيه العموميه الموزوره الاولي بتاريخ 19\3اذا ماخانتني الذاكره... واللي زور مره ودنفس مرااات مو عاجزان لا يعيد الكره ....

حتي الحكم اللي صدر ببطلان جمعيتهم العموميه ماعتمد علي الحضور ولا النصاب !!!

السالفه انهم قالوا بينهم وبين بعضهم >>> حنا لازم نتدارك اخطائنا بالجمعيه الاولي ( الي ابطلتها المحكمه )

وشدوا حيلهم وجابوا حضور وكامرات وكشف تحضير لكن للاسف اهملوا اهم شي ...

عفوا مو للاسف لله الحمد انهم اهملوا اهم شي .....


ام اسباب الانعقاد للجمعيه بهالصوره المفاجأه اعتقد انك كفيت ووفيت....

وشكرا

 

لا ياأخوان هم من رجع الأتحاد يبون يحلونه وهم عندهم أكثر من 50 أسم من 4 نقابات ضد الأتحاد يعني أكيد في خلل في الأتحاد بس مشكلتهم شلون جمعهم في وقت واحد ومناسب وبدون أخطاء المرة السابقة يعني

 

شدخل العمرة بالموضوع كل سنة في رحلة للعمرة

 

ياشباب ماكو أوراق رسمية على هذا الكلام ؟؟؟؟ أو بيان أو كتاب التواقيع محد يقدر يجيبه لنا ؟؟؟؟؟

 

هذا الكلام المضبوط كل اللي قاعد أشوفه هجوم على نقابتنا والمسار تحديدا ليش مو قاعد يصير هجوم بهذا الخصوص على نقابة نفط الكويت مثلا ولا هذي أفتراءات العمالية ؟؟؟ نبي كلام يدش العقل ونقتنع فيه

 

التواقيع موجوده 816 موظف ومزايدات وكلام ما منه فائده لا احد يكثر واللي يبي يشوف الكشوف والاسماء النسخه الاصليه موجوده بالنقابه وفيه منها صوره بالاتحاد ووزارة الشئون.

 

اجابة لسؤال الاخ الفاضل رسك مان اشدخل العمره والكلام موجه للمشارك العزيز علي انا اقولك للاسف ان كلام الاخ علي صحيح حيث اي شخص طلع اسمه بالعمره وراجع النقابه وكان موقع بطرح الثقه يقولون له اسحب توقيعك من الكشف ليش خايفين ماادري . اما بالنسبه للموضوع الرئيسي للواقع ما نقول الا اذا عرف السبب بطل العجب

 

للاسف صرنا ضعاف والسبب المشاكل الى صارت فيها النقابه الحين معقول طول السنه قضايا عمرها ماصارت لنقابتنا

 

تعجبني يالواقعي بكل اللي قلته بموضوعك الشيق والواقعي وخاصة توقعاتك بوجود قوة المجموعه الثانيه في الوزير السابق من خلال عضو التكتل الشعبي والتي صدقت جميعها وخاصة ان كتبت الموضوع يوم الخميس وتاكدت جميع اخبارك عندما شاهدوا كثير من الناس امس الاحد محمد حضيري ومسلم البراك يد بيد في وزارة الشئون ودخولهم لوكيل الوزاره محمد الكندري لاعتماد طرح الثقه بالاتحاد الحالي للمره الثانيه . ارجو من المحنك تكذيب الخبر كالعاده لانه تم تصويره بالتلفون مع مسلم وهو يعرف اللي صوره عدل فهل عندك الشجاعه لتكذيب الخبر يا محنك. اذا شغلك كله قانوني ليش الواسطه ودي اعرف لكن هذه التبعيه وما تسوي الرئيس تبع لحزب الامه والنائب للتكتل الشعبي والباقي لا هيك ولا هيك

 

نما إلى علمي بأن اتحاد عمال البترول قد اجتمع اليوم الاثنين مع نقابات القطاع النفطي بحضور كل من ممثل نقابة الناقلات ونقابة الكيماويات ونقابة ايكويت ونقابة المؤسسة وقد تغيب عن الاجتماع ممثلي نقابة نفط الكويت والبترول الوطنية ونفط الخليج حيث انهم غير حريصين على مصلحة العمال وكذلك نما إلى علمي من مصدر موثوق داخل الاجتماع بانه تم الاتصال في الاجتماع من قبل سعد الشويب على رئيس الاتحاد عبدالله طالب وانه يؤكد على طلب الاتحاد الذي ارسل كتاب فيه لمقابلة الوزير الجديد وتم تحديد موعد الاربعاء القادم موعدا للاجتماع مع الوزير والنقابات لبحث الزيادات

 

الله يوفقك هذي النقابات و اتحاد البترول اللي يخفافون على مصلحه العمال وحقوقهم مو مثل النقابات الاخرى الدايخه البترول ونفط الخليج

 

اللي نما لعلمك مو صحييييييييييييييييييييييييح


والرجا الرجا إنك تعطينا مصادر ... مو كل واحد ينمي لعلمه على كيفه


اي والله .. اتحاد محلول ولا الحين يدعو الى اجتماعات

صج ناس دايخة

اذا بغيت اخبار الزيادة طالع منتدى نفط الكويت

في موضوع مثبت من النقابة

اي والله .. نما لعلمي!!

 

الاخبار صحيح .............الاتحاد شرعي غصب عن اللي مايرضى ..............الطاهر هالناس ماتعلمت من المحاكم اللي نصفت الحق لاهله