مستشفى الشركه وقرار جديد

الكاتب : RUSTY F | المشاهدات : 2,613 | الردود : 25 | ‏16 ابريل 2008
  1. RUSTY F

    RUSTY F بـترولـي نشيط

    58
    0
    0
    اليوم كنت في مستشفى الشركه الصبح وأصلا صارلي إسبوع مراكض في هالمستشفى الدايخ والدور الله وكيلكم 70 شخص على كل غرفه وماله داعي التفاصيل لأنكم أدري إنكم لايعه جبودكم من المستشفى وزحمته ..
    اللي صار يا شباب ويا شابات إن من أمس المستشفى بدا يعامل الموظفين بشكل خاص .. يعني إذا إنت مراجع قول لهم في الإستقبال إنك موظف وبالتالي أهم مخصصين غرفتين ودكتورين (دكتور ودكتوره) بس على شان يتابعون حالة المرضى من الموظفين (الموظفين فقط) يعني أهلكم وعيالكم حالهم حال المراجعين الباقيين بينطرون بالدور بس إنت كموظف لك معامله خاصه والورقه تطلع لك بدون رقم تسلسل تروح هناك وينادونك برقمك الوظيفي ولما سألت ليش سووا جذي قالوا إن الموظفين يكفيهم التعب في دواماتهم ما يصير نعطلهم عن أشغالهم وناخذ يومهم كله ينطرون بالدور حالهم حال باجي المرضى .. خطوه حلوه وانا شخصيا إستفدت منها اليوم ما نطرت دور بالمره بس وصلت عند الغرفه والا جدامي موظف من البترول الوطنيه وانا دشيت بعده يوم نادوا رقمي جزاهم الله خير .. بس الصيدليه كالعاده لازم ينقعونا إشوي ..
    عالعموم هذا الصح لأن لو إتيون حق الصج راح تلقون أغلب المراجعين من أهالي الموظفين والا الموظفين نفسهم مو زود يروحون المستشفى .. خطوه يشكرون عليها بصراحه وعساهم عالقوه إخواننا وخواتنا في مستشفى الأحمدي
     
  2. Workers

    Workers إدارة المنتدى

    7,767
    30
    48
    ذكر
    الكويت
    وانا اشكرك على المعلومة الجديدة والخبر التمام

    تقبل تحياتي
     
  3. RUSTY F

    RUSTY F بـترولـي نشيط

    58
    0
    0
    حياك الله اخوي وقلت أعطيكم هالمعلومه على شا لا تنطرون دور من اليوم ورايح بس على فكره هالكلام في الدوام النهاري يعني من الساعه 7 الصبح لين 3 العصر والحين سمعت من ناس يشتغلون هناك إنهم حتى العصاري والمغربيات بيفتحون عياده خاصه بالموظفين والموظفات فقط .. راح تلاحظ في الورقه اللي مكتوب عليها أسامي الدكاتره على ظهر شاشات كمبيوتر الموظفين في الإستقبال إن في خانه مكتوب عليها بين قوسين (عيادة الموظفين) ويمها إسم الدكنور أو الدكتوره اللي مناوبين حزتها .. وشكرا على الرد
     
  4. pic2020

    pic2020 كاتب - صحيفة الكويتيّـة أعضاء الشرف

    462
    0
    16
    ....


    خبريه ... جيده


    ...


    يعطيك العافية


    ...




     
  5. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    شيء طيب وعساهم عالقوه انشالله
     
  6. صخرة رسوبية

    صخرة رسوبية بـترولـي خـاص

    1,270
    0
    0
    بالنفط
    الكويت
    باجر بتشوف كل الموظفين بالمستشفى :d :d
     
  7. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    خطوة جيدة


    مشكور أخوي على التواصل
     
  8. ABDULLAH

    ABDULLAH قــلــم بــتــرولــي أعضاء الشرف

    10,727
    1
    36
    موظف في ش نفط الكويت
    وطن النهار - الكويت موطني
    شكرا لمن سهل مهام الموظفين و شكرا للعاملين في المستشفى فهم بلسم العلاج قبل أخذ العلاج نفسه

    و الشكر لكل العاملين الاحباب في القطاع النفطي

    و للكل
     
  9. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    خطوه ممتازه ..... نتمنى انهم يرتقون بالمستشفى للافضل

    وشكرا
     
  10. M7MD

    M7MD بـترولـي نشيط جدا

    مع احترامي للجميع عيادة الموظفين قديمه بس يمكن ما عندكم خبر ...
     
  11. ANACONDA

    ANACONDA بـترولـي مميز

    687
    0
    0
    والله اذكر مرة كنت انطر دورى = ومن كثر النطرة نمت وما دريت عن نفسى الا امقعدينى اشعندك اهنى وطلعت ولا رحت شفت شنو عندى اصلا @@
     
  12. دبليو دي 40

    دبليو دي 40 بـترولـي نشيط

    144
    0
    0
    خطوة عزيزة ومباركة
    وخصوصا ان المستشفى يخدم 25 شركة و10 فئات من الشعب العنيد

    من مشاكل هالمستشفى ان الربع يكشتون فيه(ويكشتون ليس بمعنى يطنشون بل يخيمون)تلقى بو هناد بالويك اند بدال مايروح يطلع يخسر بنزين وووو الخ. يلم الاهل والاقارب على متن قارب ويتجه الى مستشفى الاحمدي السعيد منها يقزرها سوالف مع المعزبه والجهال رايحين ورادين سباق التتابع قدامك يصير وبعدين يطلع بأدوية قيمتها الشئ الفلاني,المهم الحل مع هالمستشفى يكون ازالته من عرقه وبناء مدينه ملاهي مكانه,وتمكين الموظف من العلاج المجاني في المستشفيات الخاصه ,

    والسلام ختام
    اخوكم wd40 مرشح الدائرة الخامسه لأنتخابات مجلس الامه 2008
     
  13. إعلامي قديم

    إعلامي قديم بـترولـي نشيط جدا

    195
    0
    0
    وبعد نرجوا يكون الصيدليه كذلك خاص للموظفين
    أنا عندي أقتراح اذا يساعدوني الشباب فيه وهو يستخدم الكمبيوتر في إرسال الوصفه للصيدليه من الدكتور بدال الأوراق حتى يخف الزحمه عندهم
     
  14. dehen_3ood

    dehen_3ood بـترولـي خـاص أعضاء الشرف

    خطوة ممتازة ورائعة لتقليل وقت الانتظار ..
    وإن شاء الله الدور على الصيدلية لأن النطرة هناك صج معاناة !!

    وكل الشكر على الجهود الطيبة من قبل إدارة المستشفى في تقديم أفضل الخدمات الطبية للقطاع النفطي ..
     
  15. Online

    Online بـترولـي نشيط جدا

    374
    0
    16
    خطوه ممتازه ..... نتمنى انهم يرتقون بالمستشفى للافضل

    وشكرا
     
  16. norema-sarto

    norema-sarto بـترولـي مميز

    668
    0
    0
    الله يديم عليهم ويستمرون
     
  17. n3n7

    n3n7 بـترولـي نشيط جدا

    271
    0
    0
  18. SOS_KW

    SOS_KW بـترولـي خـاص أعضاء الشرف

    2,252
    0
    0
    مشكور اخوي على هالمعلومة وبالفعل كانت موجودة بالأول .. ولكن بعد ما قاموا ينتدبون الأطباء بكثرة للوفرة وغيرها وقفوها والحين الظاهر ردوها .. مشكور وما قصرت


    [​IMG]
     
  19. Eng.Vampire

    Eng.Vampire بـترولـي خـاص

    خووووووووووووووش خبر وخطوة حلوة .. بارك الله فيك اخوي على النقل وفعلا نبهتنا
     
  20. مشكوووره على النقل

    وانا للأمانه اول مره اعرف هالمعلومه

    لاهنت على التوضيح
     
جاري تحميل الصفحة...

مشاركة هذه الصفحة