حياكم الله بنات المنتدى في مقر المرشح هيثم الشايع

الكاتب : أميرة الرقه والذوق | المشاهدات : 748 | الردود : 15 | ‏16 ابريل 2008
حالة الموضوع:
مغلق
  1. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    حياااكم الله يابنات الدائرة الثانيه في المقر الانتخابي للمرشح هيثم حمد عبدالعزيز محمد حمود الشايع



    السيرة الذاتيه

    تاريخ الميلاد: 1975
    الحاله الاجتماعيه: متزوج

    المؤهل العلمي:
    بكالوريوس علوم إدارية -تخصيص تسويق
    جامعة دنفر - ولاية كولورادو 2001


    الوظيفة الحاليه :
    رئيس مجلس إدارة شركة الري لوجستيكا

    الخبرة العملية:
    مدير عام قسم التجزئة في شركة محمد حمود الشايع
    المملكة العربية السعودية (منذ 2003)

    منسق العلاقات العامه والتسويق - بنك الكويت الوطني ( 2001-2003)


    نشاطات أخرى:
    كاتب صحفي في جريدة القبس (1999)
    عضو منظمة القيادات العربية الشابة (2006)
    عضو جمعية الصحافيين الكويتية(2000)
    عضو الاتحاد الوطني لطلبة الكويت - فرع الولايات المتحدة الأمريكية (1999-2000)
    رئيس شعبة الطلبة العرب في جامعة دنفر - ولاية كولورادو (2000-2001)
    رئيس وأحد مؤسسي نادي طلبة الكويت في ولاية دنفر كولورادو (1977-2001)


    المقر الإنتخابي:
    1- الفيحاء قطعة 7 شارع عبدالعزيز المزيني جادة 72

    2- الصليبخات قطعة 1 شارع 102 منزل 11
    الباب مقابل المؤسسة العامه للتأمينات الإجتماعيه



    حياااكم الله والعين أوسع لكم من المكاااان
     
  2. dehen_3ood

    dehen_3ood بـترولـي خـاص أعضاء الشرف

    الله يوفقه لما فيه خير لمصلحة كويتنا الغالية

    وكل الشكر لج يا " أميرة الرقه والذوق "​
     
  3. خميس الخامس عشر

    خميس الخامس عشر بـترولـي خـاص أعضاء الشرف

    سلمي علية وبلغية الثوب اللي اكبر منك يعتك والموج اكبر من مليون ونص دينار كويتي فقط لاغير تم تحويلها بتاريخ 17/4 في بنك الكويت الوطني فرع الشويخ الساعه 11:22 صباحاواستصدار اكثر من بطاقة سحب الي على نفس الحساب ولاتدش ببحر مالك فيه قيش يالشايع ..... سلملم
     
  4. خميس الخامس عشر

    خميس الخامس عشر بـترولـي خـاص أعضاء الشرف

    تكملة آسف عندي كلام باستشهد فيه لفؤاد الهاشم بمقال اليوم .... تدرون شيقول فؤاد الهاشم!!!

    اطلعت على نماذج ملصقات انتخابية تعود الى بدايات موسم الترشح لعضوية مجلس الامة في الستينيات يحتفظ بها احد الاصدقاء في ارشيف قديم لديه، ومن خلالها، رأيت وقرأت بساطة الطرح والشعارات، لكنها كانت مغلفة بأسماء رجال عظام كان هدف ـ معظمهم ـ الصالح العام!! هوجة الترشيحات ـ هذه الايام ونحن في السنة الثامنة من الالفية الثالثة ـ توضح مدى تحول هذه العملية الى ما يشبه »الصرعة« أو »الموضة«، مثلها في ذلك مثل البنطلون الشارلستون، ومروراً بالميني جيب وانتهاء بالحجاب مع »قوطي الروب« الذي يختبئ.. تحته!! راجعت اسماء المرشحين لانتخابات مجلس عام 2008، فوجدت الآتي: مرشح »زعطوط« لم يفقس من البيضة يريد ان يصبح عضوا في البرلمان لأن والدته »تبي تفرح بولدها وهو لابس البشت« في ترجمة واقعية للجملة التي كانت الأم تقولها قديما لصغيرها وهو في المهد وقبل النوم.. »عشت وكبرت ولبست البشت«!! وآخر دفع بولده للترشح مع ان الأب وابنه يعتقدان ان كلمة »العولمة« تعني.. »تكة بالطماط«

    وانا اقول عشت ولبشت البشت
     
  5. nawaf52

    nawaf52 بـترولـي نشيط

    127
    0
    0


    تدرين شنو برد عليج مادري عليك بعد آسف إذا انتي اللي ماخذه البطاقه فإنتي مرتشيه والراشي والمرتشي بالنار واذا افتراء راح تحاسبين على هذا الكلام بنار جهنم لأنه يعتبر قذف واحدى الكبائر ، وبالنسبه لفؤاد الهاشم عارفينه عن منو يتكلم فماله داعي تستشهدين بكلامه .


    وبعدين ترا متعودين الشعب الكويتي وقت الانتخابات اشاعات تصدر ضد كل المرشحين بس آخر شي نكتشف الشريف العفيف اهو البلا تدرين ليش لأن اللي ياخذون فلوس يدرون انها رشوه فمايفضحون عمرهم واللي تطلع عليه اشاعات اهو النظيف تدرين ليش لأنه مادفع وكمم الافواه وهذا الكلام من خبره بالانتخابات تقارب 15 عامآ .


    عمومآ بما انه انتي وغيرج تكلم عن مرزوق والخرافي وهيثم الشايع اقولهم مبروك مقدمآ لأنهم ناس ناجحين ولو انهم غير ناجحين محد التفت لهم .

    :)
     
  6. nawaf52

    nawaf52 بـترولـي نشيط

    127
    0
    0


    بعدين الحين ماعرفنا انت ولا انتي واحد وحده شنو فوفو آسف عيل الكلام المكتوب يرد عليك حبيبي اشرب من ماي البحر أثريك واحد من الطابور الخامس .
     
  7. خميس الخامس عشر

    خميس الخامس عشر بـترولـي خـاص أعضاء الشرف

    اول شي انا واحد
    وفحل

    واذا انت تقول انه ماخذ بطاقة لا انا اقولك اسم الموظف اللي قعد عنده واجري كل تعاملاته وكان في واحد قاعد بنفس المكتب ومراجع عند نفس الموظف وهالواحد اهو انا بكل فخر

    ومرزوق والخرافي وستين نعم بس هالنعومه هيثم مايصلح لمجلس رياييل مال تغني له ياختي على امه
    والطابور الخامس يعرف نفسة اللي متجنس امس ويركض في الانتخابات اليوم ويتلصق بالعالم ويمسح جوخ هذا مايلعب معاي
    فمهت ماما والا اوضح؟؟؟
     
  8. ewt_ewt

    ewt_ewt بـترولـي جـديـد

    9
    0
    0
    fofo

    مع إحترامي لك/ لج إنت شخص ما تستحي

    شكو تفشي أسرار الناس

    شخص حط أو سحب من إحسابة مليون و نص و طلب أكثر من بطاقة سحب....إنت شكو؟؟؟

    بعدين ليش حاقد على الريال علشان عندة خير؟؟!!!

    يا أخي الرجل عندة إلتزامات و يبي يدفع لحملتة الإنتخابية!!!!


    شوف والله ثم والله ثم والله ...أنا عمري ما قابلت هيثم و لا حتى أعرفة بس الشخص والنعم محترم و كافي خيرة شرة ..ولا طعن بأحد


    على العموم عندنا بالبيت بس 11 صوت غير دوانيتنا و الربع و الجماعة ...أنا قمت أفكر أعطيه بس علشان هجومت الي يدل على حقد و كراهية لهيثم....

    ليش كل هالحقد!!!!
     
  9. خميس الخامس عشر

    خميس الخامس عشر بـترولـي خـاص أعضاء الشرف

    تعتقد اني حاقد علية !!! لالا مو حاقد والله العظيم مو حاقد والله يزيدة من نعيمة والحاقد عدو نفسه مثلك طبعا بعدين يتكلم معاك بمستوى انت يمكن تستوعبه مليون ونص الحكومه قالت مقرين اوكي؟؟؟ وقالت مافي اعلانات يعني مقرين بحسب غدا وريوق من لمدة شهر ماتتعدى 30 الف خنقول 100 الف اوكي والاعلام بيحتاج 200 الف ومثلهم لمصارف غيرها للحملة بس يعني هل نص مليون يكفي لحملة انتخابية لمده شهر مع العلم ان المقرات مافيها غداء بس مثل ماسبق وقلتلك كلام يمكن تستوعبة بحط لك حسبة غداء


    فهموني مليون دينار ليييييييييييييييييييش؟؟؟


    واحد امس فقس من البيضة اليوم بيشرع شنو تجاربة بالحياة والا شنو خبرته بس لغة؟؟ امي تعرف لغة غيره شنو واحد طلع من الثانوية راح سيدة دنفر شيعرف غير BARR LAKEو BROOMFIELD و LAFAYTTE و 36 طريج هذا لو تقطه بالجهراء يمكن مايطلع ولا خالط الكويتيين ولا يعرف مشاكلهم مواليد 75 ماعتقد انه مطلوب لا للتسهيلات و لا بيت التمويل يعني بالكويتي بتي ماعلجته الدنيا وماعرف هموم الناس ولا عايشها ولد مترف وولد نعمه من طلع مايعرف ربع دينار شلون شكلة صاير حتى المدرسه مصروفة دينار وانت خلك بدفاعك اذا بتدافع عن رموز المجلس اللي انت تجهلهم شنو الشايع عند الصرعاوي والا فيصل المسلم والا العم احمد السعدون اقولك شي خل يروح يصبغ بيض احسن تر اهوا برا الحسبة والا خل يقز بشارع الحب يمكن يرضي غروره وتلبسه امه البشت سلملم
     
  10. nawaf52

    nawaf52 بـترولـي نشيط

    127
    0
    0
    شكرآ فيفو



    يا الفحل إنت فضحت نفسك بالكذب والافتراء على هيثم من غير وجه حق وبكتب حقائق وبخلي الكل يشهد عليك

    1) هيثم يعتبر بالوطني من عملاء الذهبي فعلشان يسوي معامله يكون بغرفه بروحه فشلون انت كنت قاعد بكل فخر.
    2) أنت افتريت على المرشح وقلت انه كان بالبنك وطلع بطايق وهذا منافي للحقيقه لأن الحمله كلها مدعومه من الشركه فلو كان بيصدر بطايق صدرهم عن طريق الشركه .
    3) تعرف المثل اللي مايعرف الصقر يشويه ينطبق عليك لأنك ما تعرف هيثم عن قرب وتتجنه عليه .
    5) واذا تقصد بكلامك عني اني متجنس فيشهد الله اني اكويتي بالتأسيس بطن وظهر وولد عائله محترمه وأهلي ربوني وأدبوني عدل وماعلموني اتمصلح عند احد ولا أتبلى على اي شخص لو من كان .
    4) وبما أني من عايله كريمه ومحترمه ولصفحة هيثم و للمنتدى بترفع عن اي كلام تجريح من شخصك .
     
  11. nawaf52

    nawaf52 بـترولـي نشيط

    127
    0
    0


    انت تناقض نفسك بنفسك ليش الهجوم هذا المجلس الهجوم وانت تقول انا موحاقد يا اخي وليد العصيمي دش المجلس وعمره 30 وكان اصغر عضو مرزوق الغانم نفس الشي 33 السعدون والعيار هم كانوا صغار يوم دشوا المجلس اول مره ، وكلهم ماكان عليهم ديون ولا اقساط .

    لمعلومك الريال دش جامعة الكويت سنه ومن بعدها كمل بأمريكا مو مثل ماتفضلت ، وشفت الكلام اللي صبغته لك بالاحمر هذا اللي راح تشيل كلمة شنووعند وتكتب الباقي بدون تغيير .


    وبعدين ان شا الله بتاريخ 18 راح تكون الصفحه هذي حيا كم يابنات عند عضوكم هيثم الشايع .
     
  12. nawaf52

    nawaf52 بـترولـي نشيط

    127
    0
    0

    لو كان افشاء الاسرار صحيح قلنا ميخالف لكن بالكذب مصيبه ،والحقد هذ من شخص مثل فيفو يعتبر نجاح لهيثم
    لأنه هوجم ولو كان فاشل مثل مافيفو يدعي ماكان فيفو تعب نفسه وهاجمه وطلع عليه كلام مثل هذا الكلام اللي هاليومين صايره موضة شراء ،فيفو خلاها ببطاقه بنك الوطني وقال غيره مرزوق وزع شيكات ياخي ناس تكذب وتحسب الناس بتصدق كذبتهم واللي يشتري صج محد يقول فلان يشتري ليش .
     
  13. ewt_ewt

    ewt_ewt بـترولـي جـديـد

    9
    0
    0
    فوفو

    إتصدق و الله العظيم أنا تأكدت إنك حاقد عليه و تأكدت من شي ثاني بعد ..إنت دارس ب دنفر و باط جبدك شلون هالرجال الي من مواليد 1975 و مكان يدرس وياك و مرشح نفسة ..لا و قوي بعد...


    كل هذا إنت قلتة ,....دامك تعرف دنفر عدل و الرجال دارس بدنفر ...عيل أكيد تعرفة و كان يمكن معطيك سكب :D

    أبي ليش ما تقول الله يوفجة...و تمرة المقر و تقولة "يا هيثم أنا كنت أدرس معاك قبل و الحين شفتك ترشحت..إذا تآمر بشي ترى أنا حاضر " و من هالحجي الطيب.الواحد بالكويت والحمد لله مو محتاج أحد بس الكلمة الطيبة حسنة لك و تدل على التربية و الأصل.....
    ..ليش إنت حاقط على الرجال..؟؟

    شوف و للمرة الثانية أقول....أقسم بالله إن ما أعرف هيثم و لا حتى سلمت عليه ..و أنا إنسان بدوي و قبلي بعد...و لكن...الله بينة و بين الرجال...و عسى الله يوفقة ...هو و المرشحين المحترمين الي عندنا بالدائرة الثانية ......بس إنك تهاجم الرجل جذي ..لا ..لا...لا....


    غلط..و أكبر غلط....إذا عندك شي ...عادي روحلة و حاجة .قولة إنت فيك جذي و جذي....لا تحتمي بالأنترنت و تفتري على الرجل....


    بعدين ترى عيب ...نص رجاجيل الكويت صايرين مثل الحريم...ينقلون حجي.....مع الأسف و الله الأغلبية و العياذ بالله مادري شنو سالفتهم...


    الرجل مرشح نفسة ...بتعطيه صوت مشكور و ماقصرت....ماتبي تعطيه صوت هم مشكور و ماتشوف شر....بس لاتصير نفس الحريم و تفتري و تنقل حجي عن الرجل....



    على العموم أنا توقعت إن إحنا إهني بالقطاع النفطي يكون عندنا طرح واعي و عقلاني و إنتقاد موضوعي و جرئ و لكن للأسف الي أشوفة منك يا فوفو حقد و حسد
     
  14. HUMMER

    HUMMER بـترولـي خـاص

    ارجو عدم الخروج عن محور الحديث والمضمون .. مع الشكر
     
  15. بلبل عنقريزي

    بلبل عنقريزي بـترولـي خـاص

    2,187
    0
    0
    الله يوفق كل مرشحينا

    نبي اللي يستحق يوصل
     
  16. بوشهري

    بوشهري بـترولـي نشيط جدا

    167
    0
    0
حالة الموضوع:
مغلق

مشاركة هذه الصفحة