كلامكم يسبب الاحباط لأمثالي

الكاتب : Green Tea | المشاهدات : 1,318 | الردود : 23 | ‏26 أكتوبر 2007
  1. Green Tea

    Green Tea بـترولـي مميز

    514
    0
    0
    لهالدرجة القطاع النفطي متدهور ؟؟
    ما قريت شي بهالمنتدى غير الشكوى والتذمر !
    ارجوكم ارحموا الموظفين الجدد امثالي
    واعطوهم بصيصا من الامل :(
    ولا مافي أمل كلش ؟
    نستقيل ونروح حكومة احسن ؟
    انزين ليش انتوا ما تقدمون استقالتكم بما ان الوضع بهذا السوء
    وشاللي مصبركم على القطاع النفطي ؟
    معقوله مافي شي يميزه عن الحكومه !!!!!!!؟؟؟؟؟؟؟؟؟؟؟؟؟؟؟
    صراحه انصدمت من دشيت هالمنتدى
    وحالتي النفسيه في تدهور مستمر
    وبديت افكر اب كلامكم جديا
    واقول وين قطيتي روحج يا شاي اخضر ؟:eek:
    حسيت اني راح ادخل غابه مظلمه

    ادري كلامي نصه كويتي ونصه فصحى لول
    بس فهموا عاد :p
     
  2. أميرة الرقه والذوق

    أميرة الرقه والذوق بـترولـي نشيط جدا

    287
    0
    0
    شاي أخضر كلامج صح انا بعد ملاحظة هالشي بالمنتدى كإنه مفتوح للإحباط

    بس في أشياء وااااايد حلوه بالقطاع النفطي راح أذكرها لج بموضوع ثاني بس وقت الدوام يوم الأحد انتظرررررررريني
     
  3. Green Tea

    Green Tea بـترولـي مميز

    514
    0
    0
    الله يخليج تكفين كتبي الاشياء الزينه فيه والله ناطرتج على أحر من الجمر تكفون رفعوا من معنوياتنا بسكم احباط
     
  4. مواق

    مواق بـترولـي مميز

    501
    0
    0
    الامور هذه عادية وهي بمثابة فشة خلق الموظفين على المسئولين...
    تعوذي من ابليس وخلي مسئولج يقرا ويتفل عليج ..
    وماكو الا العافية .:)
     
  5. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    كل مكان فيه الزين والشين وأصابعكم مو سوا
    والحمدلله القطاع النفطي فيه رجال وفيه نساء وكلهم خير وبركه
    وعسى الله يوفق الجميع انشالله
    ودمتم للكويت :)
     
  6. Green Tea

    Green Tea بـترولـي مميز

    514
    0
    0
    مواق
    اعوذ بالله من الشيطان الرجيم

    ولد الفحيحيل
    صح كلامك بس انا ماسمعت شي زين
     
  7. Wes@m

    Wes@m بـترولـي نشيط

    51
    0
    0
    السلام عليكم شاي خضر

    صحيح كلامج الكل يتذمر

    والكل متظلم

    ومواضيع اتكدر الخاطر

    واعضاء متعصبين اتحسين انهم ودهم يتهاوشون علشان انتخابات النقابة

    انقول ما يخالف خل ينفسون ما في صدورهم من ضيق وبعدها ان شاء الله الكل راح يكون راضي

    والمواضيع راح اتكون طيبة وكلها تفائل
     
  8. Green Tea

    Green Tea بـترولـي مميز

    514
    0
    0
    ان شاء الله تكونون كلكم راضيين ، مادري الظاهر عشان تأخر الزياده الأعصاب مشدودة . ومايندرى اذا كنسلوها اش بيصير
    اتمنى القى موضوع فيه تفاؤل
     
  9. dehen_3ood

    dehen_3ood بـترولـي خـاص أعضاء الشرف

    اسم الله عليج يا شاي اخضر
    هاللي قاعده تقرينه مثل ما قالوا فشة خلق
    وانتذمر من بعض السلبيات الموجوده بالقطاع
    على أمل ان ينصلح الحال والعوي يستعدل
    اما الإيجابيات فهي هم زينه وحلوة ومنها الراتب والامتيازات
    وأبن آدام بطبعه طماع وكل شي يبي
    وتحجي بالكويتي ولا بالفصحى ابكيفج كله حلو :D
     
  10. Green Tea

    Green Tea بـترولـي مميز

    514
    0
    0
    والله انا ماسمعت شي عن الامتيازات والراتب لأني موظفه يديده وماشوف في فرق بيني وبين رواتب الحكومه وبعضهم رواتبهم أعلى مني:eek:
    انا ودي اسمع منكم كلام يشجع ما يحبطني زياده
     
  11. ولد الفحيحيل

    ولد الفحيحيل بـترولـي نشيط جدا

    330
    0
    0
    snr.feald operator
    فحيحيلاوي
    ياجماعه يكفي معرفتكم والسوالف معاكم هذا اكبر واحلى شي بالقطاع النفطي :)
    ولا كلامي غلط ؟؟
     
  12. Green Tea

    Green Tea بـترولـي مميز

    514
    0
    0
    ولد الفحيحيل ماشاء الله عليك انسان متفائل جانزين الكل مثلك
     
  13. Q8_oil

    Q8_oil بـترولـي خـاص

    1,387
    0
    0
    لو أنا و الثني و الثالث قدم إستقالته منو إللي بشغل القطاع , أهم يبون يسوون جذي عشان الطريق يكون سالك للخصخصة
     
  14. MAB12

    MAB12 بـترولـي مميز

    في شغلات حلوه للموظفين في القطاع النفطي بس ماتجي بالمقابل للسلبيات اللي قاعدين نعانيها .... انا اوضحلج ويمكن ما ازيد شي عن كلام الاخوان

    *الكل برى القطاع النفطي يحسدنا على الراتب مايدري ان نتعب عشان نحصل عليه من تعب وحر ولما طالبنا بالزيادة وتأخروا علينا قعدنا نتذمر ومع ان معانا حق ( انتي شفتي هالشي بالمنتدى )

    *احنا دايماً نطالب بخدمات او بعض التمييز للموظف في القطاع النفطي لان مركزنا بالدوله حساس ونبي مثلاً مدارس خاصه او مستشفى خاص او خصومات تستاهل ولما نواجه رفضهم نقعد نتذمر ( وهم انتي شفتي هالشي بالمنتدى )

    *بعض المسئولين نطالبهم بحقوقنا ويطنشون ونجي هني بالمنتدى ونتذمر ( وانتي شفتي هالشي بالمنتدى )

    * وشغلات شكثر الموظف يتذمر منها ومالقى مكان غير هالمنتدى

    انتي انشالله الله يرزقج باداره زينه وموظفين مثاليين ومدير او مديره محترمه ويكون مكانج احسن مكان بس انتي تفائلي خير

    وانشالله تكونين فال خير علينا وتنزل الطرارة عفوا ً الزيادة

    انشالله اني فدتج
     
  15. زهرة التوليب

    زهرة التوليب بـترولـي خـاص

    بصراحه موظف القطاع النفطي مظروم من يوم ما رفعوا رواتب الحكومه واحنا ظلينا محلك سر !!!

    يعني الله يرضى رواتب الحكومه تكون أعلى من القطاع النفطي واحنا نكرف ونداوم اكثر منها
    وحتى ايام اجازاتنا اقل ؟؟

    وحتى الزياده اللي قروها ما شفناها ولا ندري متى راح نشوفها
     
  16. draftsman

    draftsman بـترولـي جـديـد

    7
    0
    0
    اختي اتمنى انا ما يحوشج احباط لان الشباب بالمنتدى قاعدين يذكرون السلبيات لانهم يتمنون الكمال
    ومن الاشياء الي تميز القطاع النفطي وبالاخص الراتب العلاوه السنويه وميزة التذاكر ومكافأة النجاح
    وانشاء الله الزياده
     
  17. Green Tea

    Green Tea بـترولـي مميز

    514
    0
    0
    مهندس البورص
    معاك حق:( للأسف مع ان هذا اهم قطاع في الدولة

    MAB12
    آمييييين يارب تنزل الزياده اليوم قبل باجر

    زهرة التوليب
    شلون اجازاتنا اقل ؟؟؟:confused: صج ؟ يا حسرتي

    draftsman
    والله ماعرف شي عن العلاوات السنوية !! بس اللي اعرفه ان راتي اقل من اغلب اماكن الحكومه الي فيها بدلات :( ،
     
  18. ابوشوكه

    ابوشوكه بـترولـي نشيط

    الميزه الوحيده gren tea انه فشخره قدام الاهل ( انا اشتغل بالنفط ):mad:
     
  19. Mr. Engineer

    Mr. Engineer بـترولـي مميز

    662
    0
    0
    و من قالج اختي أننا ما فكرنا جدياً بالاستقالة، أنا أعرف أكثر من 10 موظفين مهندسين و غيرهم قدموا استقالاتهم خلال السنة الماضية و توجهوا للقطاع الخاص أو التطبيقي أو جامعة الكويت بل و حتى الوزارات، و السبب الظلم الواقع على الموظفين في القطاع النفطي، قلة معاشات القطاع النفطي عن القطاع الخاص، المزايا الإضافية في القطاع الخاص، جدول الدوام المريح و المكاتب الكشخة مو إحنا نداوم بالحقول و مكاتبنا كيربي تقول شركة في الهند.

    و الله نفكر بجد في الاستقالة
     
  20. زهرة التوليب

    زهرة التوليب بـترولـي خـاص

    لأن ما عندنا عرضي حالنا حال الحكومه
    وحتى أجازه الأمومه بس شهرين
    والحكومه 4 شهور !!

    ما ابي احبطج بس هذا الصج
     
جاري تحميل الصفحة...

مشاركة هذه الصفحة