الى النقابة واللي يعرف شنو الحل

الكاتب : مشغل غازي | المشاهدات : 830 | الردود : 14 | ‏15 ابريل 2008
  1. مشغل غازي

    مشغل غازي بـترولـي جـديـد

    19
    0
    0
    نحن مجموعه مشغلين الغاز اللي دخلنا الشركة في 22/7/2006

    دخلنا دورة KPTC سنة وشهرين من ال لالا فايدة ولا عايدة :mad:

    تخرجنا بحمد لله ورعايته وداومنا اسبوع بالدوحة
    اسبوع في مكاتب برقان قسم الغاز
    50 يوم اجازة
    شهر محطة 140
    3 اسابيع في مكاتب برقان قسم الغاز
    شهريين دورة العمليات اللي كان المدرس العزيز الفاضل ما يطاق
    والحين ردينا لمكاتب برقان

    ولله الحمد بعد سنه ونص
    زبعد اشهر من الاجتماعات والكتب والمراسلات والتصاريح والروحات والييات


    في مارس 2008 وقعنا قريد 10 تحت التدريب ركز ((( تحت التدريب )))

    مجموعه عددها تقريبا 25 واحد في برقان والمناقيش والروضتين

    طبعا تحت التدريب اسم ولكن ييب المرض والصداع للاسباب التالية
    1- تبي تشتغل بالمحطات ( ما يصير حق تحت التدريب )
    2- تبي تسوق سيارة الشركة ( ما يصير حق تحت التدريب )
    3- تبي اوفر تايم ( ما يصير حق تحت التدريب )


    (((( بس يقولون ان في ناس مسافرين بره الديرة وشغال لهم الاوفر تايم )))) يقولون


    فمتى يزال كلمة تحت التدريب عنا لانها تييب المرض وتييب الجرب
     
  2. العابر

    العابر بـترولـي خـاص

    المشكله وحده وانا اخوك
    تحمل
     
  3. SALEH

    SALEH بـترولـي نشيط

    63
    0
    0
    برا الديره والاوفر تايم شغال صعبه شوي لان سستم الرواتب مشبوك مع الاجازات يعني يبين عندهم اللي ياخذ اوفر تايم وهو بإجازه طبعا لاتقول لي مسافر بدون إجازه هذا مع احترامي يكون غبي اذا سافر بدون إجازه والاغبى منه اللي يعطيه اوفر تايم واغبى منهم كلهم اللي قاعد يغطي عليه لانه اذا صار له اي شئ برا بتنكشف الحقيقه وينفصلون طبعا بعد النيابه ....... فقط للتوضيح
     
  4. Instrument

    Instrument بـترولـي نشيط جدا

    339
    0
    16
    Instrument
    K.O.C

    صح إلسانك ،،
     
  5. المنصور

    المنصور بـترولـي خـاص أعضاء الشرف

    اخوي اترك عنك سالفة يقولون لأنك بتسمع كلام ما يخلص وحنا بالكويت معروفين.. يسموننا (وكالة يقولون)

    بالنسبة لمسمى تحت التدريب (UT) هذا ينشال عقب سنة لأن انتوا توظفتوا على النظام الجديد ، النظام القديم كان عقب سنتين ينشال الـ (UT)

    وبالنسبة حق الاوفر تايم وحق السيارة وحق الشغل.. اللي يقول لك هالكلام ترى يصرفك لا اكثر ولا اقل لا يبونكم تشتغلون علشان ما تطلعون عليهم ولا يبون يعطونكم اوفر تايم علشان اهم ياخذونه

    وسع صدرك وخلها على الله والارزاق عن الله سبحانه مو عند هالنوع من الناس
     
  6. فهد شموه

    فهد شموه المـراقب الـعـام

    2,712
    25
    38
    ذكر
    Production Engineering Mechanics
    ☀Q8 دار الفخــر والعــز☀
    إلى متى تحت التدريب؟؟؟؟؟؟


    رسالة من شباب زملاء معاي في الدوام أوجهها إلى المسئولين ونقابة الشركة وهي كما يلي

    نحن اثنان من الشباب وقعنا عقد مع شركة نفط الكويت في 22.07.2006 لوظيفة
    Foreman Mechanical Maintenance (UT)
    وقد أتممنا دورة لمدة سنة في مركز التدريب البترولي... وعند توزيع المتدربين تم إرسالنا إلى ميناء الأحمدي بدل دائرة الصيانة أسوة بأقراننا الذين ذهبوا إلى هناك ثم قمنا بطلب نقل من الميناء لأنه لا يتناسب مع وصفنا الوظيفي وتخصصاتنا الدراسية, حيث أن المجموعة الذين ذهبنا معها إلى ميناء الأحمدي هم تحت مسمى
    Foreman Mechanical Marine Maintenance (UT)

    وبعد كل ما سبق ذكره تمت الموافقة على نقلنا أنا وزميلي في تاريخ 01.11.2007 ولكن ليس إلى دائرة الصيانة إنما إلى ورشة صيانة معدات مع العلم عدم حاجتهم لنا لوجود اكتفاء لديهم ... و وجود شواغر في دائرة الصيانة والتي نرغب في الالتحاق بها أسوة بزملائنا ومبدأ العدل والمساواة ؟؟؟؟؟؟؟؟؟؟؟!!!

    وخلال فترة وجودنا في ورشة المعدات قمنا بطلب رفع مسمى (تحت التدريب) ورفع درجة لنا من 9 إلى 10 كما أعطيت هذه المطالب لزملائنا في دائرة الصيانة والدوائر الأخرى... وللتذكير حيث من يوم أن طلبنا من دائرتنا برفع كتاب الدرجة ورفع المسمى من تاريخ 01.011.2007 إلى اليوم لم يحدث أي شئ بتاتا"

    ومنا إلى المسئولين... والله الموفق
     
  7. مشغل غازي

    مشغل غازي بـترولـي جـديـد

    19
    0
    0
    سمعي يا نقابة فوضة × فوضة بالشركة

    متى تنشال عنا ال Ut ؟؟؟؟

    والله حرام اللي وصلوكم
    وين مو النقابة دعم حق العاملين ؟؟
    دعم حق نفسية العامل ؟؟
     
  8. SALEH

    SALEH بـترولـي نشيط

    63
    0
    0
    اشفيكم ياجماعه النقابه مشغوله بالهويات الجديده اللي بيسوونها ...... اهم من مشاكلكم
     
  9. مشغل غازي

    مشغل غازي بـترولـي جـديـد

    19
    0
    0
    اي هويات ؟
    مالت شنو هالهويات ؟؟
     
  10. dehen_3ood

    dehen_3ood بـترولـي خـاص أعضاء الشرف


    إصدار هويات جديدة لأعضاء النقابة اعتباراً من يوم الأحد الموافق 13-04-2008 أثناء فترة العمل الرسمي
     
  11. DocTor aLMaNaGeesH

    DocTor aLMaNaGeesH بـترولـي جـديـد

    10
    0
    0
    الله يعينك يا خوي على بلواك ..
    و بس بغيت أرد على اخوي اللي يقول عن الاوفرتايم صعبه انا مره طلعوني اجازه بكيفهم و انا مداوم و لما استلمت المعاش كانوا حاسبين لي الاوفرتايم اللي مداومه خلال فترة الاجازه اللي حاسبينها و بنفس الوقت خاصمين بدل الطريق و بدل الخطر و بدل الشف .. :d
    و سلامتكم :)
     
  12. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    يا جماعة في قانون هناك مسماك الوظيفي تحت التدريب لين توقع درجتك الأساسية

    يعني فرضاا لصاحب الموضووع درجتك 10 وبتوقع أنشالله 11 ولين تووصل لدرجتك الأصلية كمشغل غاو ألا وهي 12 درجة المشغل

    وعسا الله يعينكم
     
  13. القديري

    القديري بـترولـي جـديـد

    5
    0
    0
    جيوفيزيائي
    الكويت
    والله يهالنقابة طلعت ماعندها ماعند جدي
     
  14. المنصور

    المنصور بـترولـي خـاص أعضاء الشرف

    اخوي المفروض انك بمجرد ما تكمل سنة.. ينشال مسمى تحت التدريب (UT) ، كلم التيم ليدر او مسئولك المباشر وبس
     
  15. مشغل غازي

    مشغل غازي بـترولـي جـديـد

    19
    0
    0
    يعطيكم العافية

    اخوي جونم حقرم

    بس ابي اوضحلك شغله


    ان في من ربعنا من نفس الدفعة ونفس التخرج

    مشغل ثاني من غير كلمة تحت التدريب


    مو شرط ان اوصل الدرجة الاصلية للمشغل
     
جاري تحميل الصفحة...

مشاركة هذه الصفحة