مبروك للنظار

الكاتب : kh22 | المشاهدات : 1,158 | الردود : 10 | ‏15 ابريل 2008
  1. kh22

    kh22 بـترولـي جـديـد

    21
    0
    0
    نبارك للاخوه النظار على المسميات الجديده <رئيس فريق> والاب قريد والفال لنا ان شاء الله ونطلب من النقابه التحرك السريع والجاد والقوي وترا على فكره النقابه هالايام دوختنا بالانتخابات مره اتحاد البترول ومره الاتحاد العام خلصونا تحركوا لموظفين الشركه التقارير خسفت فيها ادارة الشركه خسف والترقيات والدرجات واقفه والدورات مافيه بح بح الا لناس وناس ... واحب اوجه هذه الحكمه الى كل مسؤل ...؟ اذا دعتك قدرتك على ظلم الناس فتذكر قدرة الله عليك.
     
  2. Workers

    Workers إدارة المنتدى

    7,767
    30
    48
    ذكر
    الكويت
    اكيد يعطونهم درجات ويغيرون مسمياتهم ويمكن يزوجونهم بعد لانهم شاطرين قامو بالمهمه على اكمل وجه خسف بالمساكين تقارير

    وغيرها من كل خير يرجع على العامل القراصنه هذا اسمهم الحقيقي
     
  3. الكايد

    الكايد بـترولـي نشيط

    73
    0
    0
    ياسلام لو يسوون لهم زواج جماعى عشان نشوف من فيهم يستاهل الدرجه
    ياجماعه هالادارة عجيبه والله يعنى عندنا نقص بالفرق ومنتخبات يسمونهم هالاسم
    والله لنا حوبه بنشوفها فى الادارة العليا
    الشكوى لله شنو بايدينا الواسطات ما تنفع هالايام
    وييييييييييييييييييييييييييييييين نولى
     
    آخر تعديل بواسطة المشرف: ‏16 ابريل 2008
  4. ابوشنب

    ابوشنب بـترولـي نـشـيط

    191
    0
    0
    للأسف أنا ماودي أباركلهم لأنهم مايستحقون شنو سووا عشان ياخذون أب قريد وتغيير مسمي لا طوروا بالأقسام ولا عطوا الناس حقوقهم قاعدين بمكاتبهم و99% منهم يتابعون البورصة ماعندهم شغل وحنا شايفينهم شوف العين مانتبلا عليهم ....[/
    [الشركة أصبحت شبيهة بدار العجزا ​
     
  5. بايب رينش

    بايب رينش بـترولـي نشيط جدا

    180
    0
    0
    نبارك لهم هذى الانجاز
    مع العلم ان جابوه بذراعهم بدون تعديل او تدخل من قبل اي اداره او ناس
    بس للاسف نحن اللي مالنا صوت غير صوت النقابه بعد الله نتمنى تلتفت لنا شوي !!

    ودمتم
     
  6. F_16

    F_16 بـترولـي نشيط

    79
    0
    0
    ممكن ان يوضح لي شنو المقصود بالاب قريد ؟؟

    يعني النظار الحين على اي قريد ؟ وشنو القريد اللي راح يصيريون عليه بعد الاب قريد ؟؟

    والناس اللي تحتهم شنو مصيرهم ؟؟
     
  7. SOS_KW

    SOS_KW بـترولـي خـاص أعضاء الشرف

    2,252
    0
    0
    السلام عليكم


    فعلا عزيزي kh22 على ماذا نبارك لهم ؟!

    كل يغني على ليلاه .. وبالنسبة للخسف بالتقاييم .. كان تبرير المدير أنه ما زال جديد العهد بكرسي الادارة ولا يستطيع تقييم الموظفين لذلك سيقيمهم على تقييم العام الفائت .. لكونه لم يمض على توليه ادارة العمليات سوى شهرين .. ولكن ماذا عن النظار ..

    وأضم صوتي لصوت زملائي حتى تستنفر النقابة لنصرة زملائهم في الشركة


    [​IMG]
     
  8. kh22

    kh22 بـترولـي جـديـد

    21
    0
    0
    اخواني الاعزاء النظار كانت درجتهم 17 والان 18 وبالنسبه للي تحت يعينه الله وهذا اللي نطلبه من نقابتنا ان تتحرك مدام السالفه حاره قبل لاتبرد يشفون الشركات الزميله شنو فعلوا اقصد النقابات الزميله ويتحركون لاينامون يعني لاتقارير ولادرجات والله اعلم بعد يمكن مافيه بونص والله المستعان .
     
  9. Workers

    Workers إدارة المنتدى

    7,767
    30
    48
    ذكر
    الكويت

    مرحبا اخوي f_16


    معنى الاب قريد مثلا مثلا مثل ...النظار حاليا .... ماسوينا شي خلني اقولها بطريقه ثانيه مثلا

    الادارة بعد ماطبقو الهيكله عطو كل الموظفين في الادارة درجات قريدات كلهم طقة وحدة يعني مثلا الجميع

    9 ياخذ 10 و10 ياخذ 11 وانت ماشي الطريقة هذي تسمى اب قريد اما اللي انا وانت نعرفة تسمى ترقيات

    وبالحسرة ناخذها ونفس الطريقة مالت الادارة صارت مع النظار غيرو مسمياتهم واصبع تغيير نظام وتحتم علية

    اعطائهم اب قريد من 17 الى 18 كل النظار بأ ختصار قريد اسرع من f_16 :D


    يوووه كل هذا شرح اب قريد ياحبي للطويله وملاحظة احتمال اكون غلطان :D

    واسمحلي ودي اقول اقتراح عشان ناخذ اب قريد :)

    النظار صارو روساء فرق نبي نصير اعضاء في الفريق شلون مثلا مثلا

    مشغل عمليات يصير عضو فريق و مشغل عمليات أ يصير عضو فريق أ

    اقول شكلي بديت اخورها :confused:


    اسمحلي اذا قصرت بشي انشالله الاخوان يفيدونك اكثر
     
  10. F_16

    F_16 بـترولـي نشيط

    79
    0
    0
    بيض الله وجهك يالغالي

    شرحك وافي وماقصروا الشباب بعد فالكم الاب قريد :D

    صج الحين اللي بالادارة كلهم اخذوا قريد طقتن وحده متى صار هالكلام :eek:

    شهالمصخره :mad: واللي يكرفون بالمصانع ليش ماعطوهم :confused:

    بصراحه اذا عطوا اللي بالادارة مفروض ان اللي بالمصانع مايسكتون عن هالشي


    الحين يعني الحين درجة الناظر صارت 18-19 ولا نفس ماكانت قبل 17-18 ؟
    والمدير عطوه شي ولا لأ (سوله اب قريد ولا لا ؟؟) خابر درجة المدير 19-20 ولا انا غلطان :confused:

    ودمتم سالمين
     
  11. بايب رينش

    بايب رينش بـترولـي نشيط جدا

    180
    0
    0
    موضوع شيق وشائك
    لكن يعتبر انجاز لهم وهم سعو لما يريدون

    نتمنى منهم ينصفونا بس

    ودمتم
     
جاري تحميل الصفحة...

مشاركة هذه الصفحة