صورة شيماء

الكاتب : شركة من صادها عشى عيالة | المشاهدات : 3,081 | الردود : 58 | ‏15 ابريل 2008
  1. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    في شقة مؤجرة داخل بيت بجنوب السرة يسكنها خالد و سعاد .. خالد ينادي زوجته سعاد لكي تشاهد معه فلم احضره للسهر عليه خصوصا انه يوم الجمعة و كل منهما في اجازة.

    خالد: سعاد سوي نفيش على ما اشغل الفلم و اضبط السرااوند ( نظام سنمائي)

    سعاد: اوكي حبيبي بس عسى الفلم رومانسي

    خالد : لا يبى شنو رومانسي حبوبتي اكشن اشكن... بنسى هالكادر اللي لوع جبدي .

    سعاد : ( من داخل المطبخ ) انزين تبي بيبسي و لا سفن

    خالد : يبيلي سفن من غير ثلج


    خالد شاب في الثلاثين من العمر حنطي البشرة ذو شعر اسود كثيف و لديه غمازه في كل خد لا تكاد تلاحضهما الا عندما يضحك حاجبيه ممتلئين و هو ذو جسم رياضي ... و هو جالس بإنتضار زوجته يأخذ المجلة الموضوعة على الطاولة بجانب الورد المجفف يتصفحهاا بعينية الحادتيين صفحة تلو الصفحة فجأة عينية تزداد حدة و ينعقد حاجبية و تتغير ملامح وجهه ياخذ نفس عميق و يقول كلمه واحده ااااخ و في هذه اللحظة تدخل عليه سعاد يتدارك الوضع و يضع المجلة جانبا لكنه يضل وجهه مكفهرا.

    سعاد : حبيبي هذا البوب كورن اللي تبيه ( تبتسم ابتسامه رقيقة ) اي بوب كورن مو نفيش فشلتنا .

    خالد : ( لا يزال صامت و لا تصدر منه غير انفاس قوية و متلاحقة ) .

    سعاد :خالد شفيك عسى ما شر

    خالد : لا ماكو شي

    سعاد : مو معقول امبين على ويهك انك متضايق حبيبي و اعرفك .


    خالد : ( يسكت قليلا ثم يتكلم بصوت عالي ) قلت لج ما في شي

    سعاد : ( تحاول تلطيف الجو ) شدعوا في واحد عنده زوجة بجمالي و يتضايق .


    سعاد فتاة لها وجه طفولي عينين متوسطتا الحجم عسليتا اللون و تملك شفاه صغيرة لكنها ممتلئتان يزداد امتلاء السفلى عن الشفة العلوية جسمها رشيق و هي قصيرة القامة .

    خالد : شنو ( غير منتبه او ابه بكلامها )

    سعاد : من تزوجتك و انا الاحظ عليك تييك حالات تتضايق من غير سبب.

    خالد : ( ينظر لها بطرف عينة ) خلاص خلاص مو قادر اتحمل بقولج كل شي .

    سعاد : ( تضع يدها في شعره و تداعب خصلاته ) قول حبيبي .

    خالد : شيماء مو قادر انسى شيماء


    سعاد : ( سعاد تسحب يدها بسرعة و ترجع للخلف بحركة لا ارادية ) منو شيماء
    خالد : شوفي انا بقولج كل شي بس اللي ابيه منج ما تقاطعيني ... ( عدل قعدته و اخذ نفس ) هذي وحده تصير من طرف الوالد كنت اشوفها كل اسبوعين مره يوم اليمعة لما نروح يمعتهم , كنت اروح بيت يدها في بنيدر القار العب مع عيال خالتها و اهيا كانت تعلب معانا عمري يومها كان 11 سنه و اهيا عمرها 12 سنة كانت حلوة شعرها قصير و اهيا طويلة ( يتنهد و هو ينظر للارض ) تخيلي كنا نلعب كره و اهيا تختار تكون الحارس لانا ما تعرف تلعب بس تبي تشارك معانا لما الكره كانت تيي عندي كنت اشوتها شوي شوي عشان لا تعور و اتعمد اشوت الكرة بأيدها.

    سعاد : ( تسمع كلامة مستغربة
    )

    خالد : اعجبت بكل شي فيها شكلها حركاتها خفة دمها ابتسامتها تخيلي كنت اراقب حتى حركة عيونها و ضليت على هالحال اعدد الايام و انتظر يوم اليمعة عشان نروح يمعتهم و الاسبوع اللي يقرر فيه ابوي ما يروح كنت اتنرفز و حالتي النفسية تتدهور و ما اكلم احد.

    سعاد : ( تتابع حديثة و يدها تقبض بشدة على طرف ملابسها )

    خالد : كبرت شيماء و زاد تعلقي فيها لكن ما قمنا نشوف بعض خصوصا انه البنت كبرت و تحجبت كنت اسوي المستحيل عشان اعرف اخبارها و اسأل بنات عمي الكبار عنها كانوا يقولون هذي البنت عجيبة مرحة و حبوبة لكنها مع الشباب ثقيلة و راكدة و ما عندها علاقات .

    سعاد : ( تستجمع قواها لتتكلم ) لي الحين مهتم فيها


    خالد : ( يتجاهل كلامها و يتابع و كأنه في عالم ثاني ) لين صار عمري 17 و اهيا 18 كانت متفوقة و من الأوائل ( يبتسم ) فكرت اغير تشعيبي من رياضيات إلى تجاري بس عشان اكون مثلها و كنت لما اقعد ادرس بالساعات اشوف صورتها جدامي و اتخيل نفسي معاها بالجامعة قاعد اصارحها بحبي ( يرجع رأسة للخلف و يبعد شعرة عن وجهه ) طبعا اهيا بأعجابي ( يتذكر ) مرة اذكر كنا قاعدين ابيت يدها قالت انا عطشانه بس مالي خلق اروح اشرب ( قالتها و اهيا تضحك ) فديت ضحكتها .

    سعاد : ( تنزل دمعة من عينها )


    خالد : اي قمت على طول رحت البرادة و يبت لها قلاص ماي طبعا الكل استغرب مني هالتصرف لكن انا ساعتها ما اشوف احد جدامي غيرها .... البنت كبرت و دخلت الجامعة و اهيا بعمر 17 و على ابواب 18 و وصلت ثاني سنة لها بالجامعة و انا لي الحين ما تخرجت من الثانوية ما لحقت عليها ( تلمع عيونه من اثر الدموع ) انخطبت تهاوشوا عليها عيال عمها ( يستدرك ) شي طبيعي بنت حلوة و مرحة خلوقة عمرها ما كلمت حتى كانوا يسمونها المعقدة اااااخ ااااخ ( اخر كلمة قالها و ايده ترجف ) اخذها واحد من عيال عمها اخذها و ذبح قلبي ... بعدها قمت اتعرف على اي بنت من غير هدف اكلم ثلاث الى اربع بنات بنفس الوقت .

    سعاد : ليش تزوجتني مادام مو قادر تنساها ليش ما خليتني اشوف نصيبي مع انسان ثاني .

    خالد : لانج تشبهيينها

    سعاد : نعم


    خالد : انا كنت رافض فكرة الزواج و اليوم اللي وافق للوالدة تدور لي كنت بس ابي افتك من الحاحها علي دخلت بيت ورى بيت و شفت بنت بعد البنت الى ان استمر هذا الوضع سنتيين لكن بعد سنتين دخلت بيتكم و لاحظت الشبة اللي بينكم ويها مثلج طفولي و الملامح سبحان الله وحده بس اختلاف بسيط بالخشم .

    سعاد : يعني ابتسامتك لي اول ما شفتني ما كانت اعجاب من اول نظرة .

    خالد : لا ابتسمت لانج تشبهينها و تدرين ليش طلبت منج تسوين عملية تجميل حق خشمج .. لاني ابيج تصيرين نسختها .

    سعاد : ( تجمع افكارها ) ليش دايما تطلب مني البس كعب عالي تبي اصير طولها
    .

    خالد : اي

    سعاد : ( تفكر لحضة ) و تطلب مني اقص شعري بوي عشانها ؟؟؟

    خالد : لان شعرها قبل ما تحجب كان بوي ... عارفة ليش انا ما امر بشارع الحب ؟؟؟

    سعاد : اوف اذيتني و انت توديني بطريج بعيد للمنصورية حق بيت ابوي على ابو انه شارع الحب مغازل و مسخرة .

    خالد : ( يضحك ) مشت عليج ... ليش في مغازل الساعة 1 الظهر الخميس يوم يمعتكم ... ما احب امر بهالشارع عشان ما اشوف بيت ابوها بالقادسية .

    سعاد : شنو بعد

    خالد : تذكرين يوم ملجتنا لما رحنا مطعم ميس الغانم .

    سعاد : اي فشلتني انت دفش عصرت الليمون و دخل بعينك و قمت تدمع جدام الناس
    .

    خالد : لا عيوني كانت تدمع لاني قاعد اشوف شيماء مع ريلها و ولدهم .. اسف خدعتج اسف على كل شي .

    سعاد : ( تبتسم من القهر و تهز راسها ) عرفت كل شي من غير ما تقولي

    خالد : ( ينظر لها بأستغراب ) شنوووووو

    سعاد : تذكر يوم تسوي حادث و يدخلونك العمليات ... يومها نطرتك 6 ساعات و انا واقفه على ريولي مو قادرة اقعد و لما طلعت تال الليل انا كنت معاك بالغرفة انت قمت تخربط و تنادي بأسمها شيماء و الله ما انساج شيماء و الله ما انساج .

    خالد :انزين هالسالفة صار لها سنتين ليش ساكته .

    سعاد : انا بنت اصول و ما ابي اخرب بيتي بايدي بس عندي سؤال واحد ... انت ما تبي تييب عيال مني عشانها ؟؟

    خالد : ( يجاوب بخجل ) نعم لاني متوقع اني راح انفصل عنج بأي لحظة
    .

    سعاد : شنو اللي ذكرك فيها الحين

    خالد : (ياخذ المجلة اللتي قرئها بالبداية ) هذي مجلة ليالينا ( هذه مجلة تقوم بنشر صور اللذين يرتادون المطاعم و الاعراس ) هذي صورتها مع ريلها الظاهر يابت بنت بعد الولد اللي عندها .

    سعاد : ممكن تخليني اروح لحال سبيلي

    خالد : لا شيماء لا تروحين احبج ( سكت فجأة و احس بالخجل )

    سعاد : ( تبتسم و قلبها يتقطع ) شيماء عند اهلها انا بروح بيت اهلي و اتمنى تقدر العشرة و تطلقني بهدوء
    .

    قصة من تأليفي اتمنى تعجبكم ...

    جميع احداث القصة خيالية مو تيي وحده تقول انا شيماء :)
    لا يدرون الربع بالمطافي اني اكتب قصص ينفووني :
    D
     
  2. ACmilan

    ACmilan بـترولـي خـاص أعضاء الشرف

    3,410
    0
    0
    ــــــــــــــــــــ
    kuwait
    خيالك عجيب

    اشكرك على القصه
     
  3. مزيون

    مزيون بـترولـي نشيط جدا

    328
    0
    0
    مكانيكي بالقلب
    في أي قلب طيب
    قصة حاوة بس طويلة وتحتاج مؤثرات

    بداية موفقة
     
  4. كريستاله

    كريستاله بـترولـي خـاص

    1,358
    0
    0
    وايد تظايقت

    سعاد تكسر الخاطر


    احب القصص اللي جذي

    كمل بعدين اشصار
     
  5. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    تسلم اخوي ميلان ترى لعبي و جسمي يشبه جوتوسو لاعب الميلان :p

    مشكور على هالمدح : )
     
  6. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    اخوي حسب قواعد كتابة القصص هذي تعتبر قصة قصيرة و انا ما ضفت عليها اشياء وايده كالمؤثرات الخارجية و وصف المكان لاني ابي اختصر فيها عشان تكون مناسبة للمنتدى و ما يملون الاعضاء من قرائتها .
     
  7. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    من عيوني اختي بس المفروض انها قصه قصيرة لكن اذا تبين ألف فيها زيادة انا حاضر : ) .

    في بنات بالواقع يشوفون اكثر من اللي شافته سعاد دبلات و لو اكتب قصصهم الكل بيتأثر .
     
  8. Workers

    Workers إدارة المنتدى

    7,767
    30
    48
    ذكر
    الكويت
    والله انت تمام والقصة تمام التمام بس ودي لو توضع العبره من القصه

    انا اللي عرفته سعاد ضحية زواج من رجال اهبل ومايستحي وسعاد موقفها كان تمام ويدل انها حكيمه ووفيه وهو بالمستشفى

    وبصراحة مايستاهلها واعتقد ان الافضل في مثل هذي الحالات وهي كثيرة عدم طلب الطلاق إلى اذا وقع ضرر كبير

    لان الضرر الذي يستحق الطلاق لم يقع حسب فهمي

    وتقبل تحياتي
     
  9. SOS_KW

    SOS_KW بـترولـي خـاص أعضاء الشرف

    2,252
    0
    0
    هلا بالغالي شركة من صادها عشى عيالة .. قصة تحتوي على الكثير من عناصر ا لتشويق .. طرح جديد ومتميز .. أرجو لك مزيدا من التقدم

    أمتعتنا عزيزي بسردك للأحداث


    [​IMG]
     
  10. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    مشكور اخوي على مرورك العبرة من القصة انه الرجل صعب ينسى البنت اللي حبها حتى لو مرت عليه سنين طويلة بالاضافة الى انه سعاد طلبت الطلاق لانها عرفت من ريلها انه مستحيل الحياة معاه خاصة مع رفضة انجاب اطفال منها و اخر حوار بينهم يوم نادها شيماء .

    وايد شباب يتزوجون من غير هدف و هالشخص اللي بالقصة منهم .

    مشكور اخوي رفعت من معنوياتي : ) .
     
  11. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    هلا فيج و مشكورة على المديح و الكلام الحلو .... ان شاء الله في قصص ياية بالطريج .
     
  12. Q8GAS

    Q8GAS بـترولـي مميز

    514
    0
    16
    والله صراحه القصة ماعجبتني وشكرا .


    هذا رأي الشخصي لا تزعل .
     
  13. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    اخذ راحتك حبيبي ماكو زعل :D

    الحمد لله لي الحين النتجية 7 - 1 :p

    شاكر مرورك ( بقلبه يقول من وين طلعت لي ) :p اتشغمر معاك
     
  14. Workers

    Workers إدارة المنتدى

    7,767
    30
    48
    ذكر
    الكويت
    مشكور والله العبره من وجهة نظرك تمام 100% وانا رحت شوي بعيد بس ياخوك والله اسمع عن نسب الطلاق بالكويت شي يعور القلب وهذا سبب تفسيري من العبره اللي ذكرتها

    وتقبل تحياتي
     
  15. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي
    تسلم اخوي و مشكور على متابعتك : )
     
  16. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    شكلك تحب فوزيه الدريع :)
     
  17. العابر

    العابر بـترولـي خـاص

    الله يعطيك العافيه جاتوزو !
    عالقصه الجميله
     
  18. YOU^AND^ME

    YOU^AND^ME بـترولـي نشيط جدا

    444
    0
    0
    والله انك مبدع

    لكن لما درت سعاد المفروض ردت الفعل على الاقل تهبده بقلاس البيبسي اللي منغير ثلج على راسه :)
    ولا تلحقه بالنفيش على وجهه:)

    :)

    ابداع جميل وين فجر السعيد عنك

    كمل تأليفك ولها قصه كامله وبيعها :)

    وبالتوفيق
     
  19. نفطي_KJO

    نفطي_KJO بـترولـي نشيط

    111
    0
    0
  20. شركة من صادها عشى عيالة

    شركة من صادها عشى عيالة بـترولـي خـاص

    2,288
    0
    0
    موظف بشركة واسطة الكويت koc
    دولة الاحمدي

    ما ادري هههههههه :D
     
جاري تحميل الصفحة...

مشاركة هذه الصفحة