حمدان يا حمدان .......... أمك توصيك

الكاتب : touareg777 | المشاهدات : 702 | الردود : 11 | ‏14 ابريل 2008
  1. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    حمدان يا حمدان .......... أمك توصيك

    قصيدة كتبتها عجوز بعد أن اودعها أبنها في دار المسنين
    وطالت المدة لثلاث سنوات بدون أن يزورها
    ورغم كل هذا كانت القصيدة مليئه برحمه وعطف الأم
    الله يخلي لنا امهاتنا يارب
    ويارب تكون هالقصيدة درس للكثير من الأبناء
    ودرس لزوجات الأبناء الي يحرضون الاولاد على عقوق أمهاتهم
    والدنيا دوارة


    اترككم مع القصيده
    وين انت يا حمدان امـك تناديـك .. وراك مـا تسمـع شكايـا وندايـا

    يا مسندي قلبي على الدوم يطريـك .. ما غبت عن عيني وطيفك سمايـا

    هذي ثلاث سنين والعيـن تبكيـك .. ما شفت زولك زايـر يـا ضنايـا

    تذكر حياتي يـوم اشيلـك واداريك . . والاعبـك دايـم وتمشـي ورايـا

    ترقد على صوتي وحضني يدفيـك .. ما غيرك احدٍ ساكن فـي حشايـا

    واليا مرضت اسهر بقربك واداريك .. ما ذوق طعم النوم صبـح ومسايـا

    ياما عطيتك من حنانـي وبعطيـك .. تكبـر وتكبـر بالأمـل يـا منايـا

    لكن خساره بعتني اليـوم وشفيـك .. واخلصت للزوجه وانا لي شقايـا

    انا ادري انها قاسيـه مـا تخليـك .. قالت عجـوزك مـا ابيهـا معايـا

    خليتني وسط المصحه وانا ارجيك .. هذا جزا المعروف وهـذا جزايـا

    يـا ليتنـي خدامـة بيـن اياديـك .. من شان اشوفك كل يوم برضايـا

    مشكور يا ولدي وتشكر مساعيـك .. وادعـي لـك الله دايـم بالهدايـا

    حمدان يا حمـدان امـك توصيـك .. اخاف من تلحق تشـوف الوصايـا

    اوصيت دكتور المصحه بيعطيـك .. رسالتـي واحروفهـا مـن بكايـا

    وان مت لا تبخل علـي بدعاويـك .. واطلب لي الغفران وهـذا رجايـا

    وامطر تراب القبر بدموع عينيـك .. ما عـاد ينفعـك النـدم والنعايـا
     
  2. العابر

    العابر بـترولـي خـاص

    الله يرحمها من عجوز
    ويسامح كل ولد مايبر في والديه



    الله يجزاك خير عالنقل الجميل
     
  3. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    شاكر لك يا العابر على المرور الطيب
     
  4. MamLOoO7a

    MamLOoO7a بـترولـي مميز

    ياربي كلمات تعور القلب

    الجنه تحت اقدام الامهات

    لاهنت على الابيات المؤثره
     
  5. يادنيا

    يادنيا بـترولـي مميز

    اللهم اغفر و ارحم والدينا و الدي المسلمين . اللهم اجمع الامهات و الاباء مع الاولاد بالرحمه

    مشكور على القصة المفيدة
     
  6. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    مشكور أخوي touareg777

    القصيدة بالصوت موجودة بتوقيعي ياليت تسمعها مؤثرة جدا

    من القاء اخوك الوسام
     
  7. LaRambla

    LaRambla بـترولـي خـاص أعضاء الشرف

    2,041
    3
    38
  8. touareg777

    touareg777 بـترولـي مميز

    641
    0
    0
    عروقها بالماي
    دولة الكويت
    مشكورين على المرور
     
  9. KOC08

    KOC08 بـترولـي نشيط جدا

    219
    0
    0
    الله يخلي كل امهات المسلمين ويرحمهم برحمته .....................
     
  10. Workers

    Workers إدارة المنتدى

    7,767
    30
    48
    ذكر
    الكويت
    والله حمدان هذا مو آدمي الله لايكثر من امثاله

    ومشكور وتقبل تحياتي
     
  11. YOU^AND^ME

    YOU^AND^ME بـترولـي نشيط جدا

    444
    0
    0
    لا حول ولا قوة الا بالله
    الله يسامحه اخطأ بحق امه
    والله انه غبي .!
     
  12. حرف

    حرف بـترولـي خـاص

    1,776
    0
    0
    حسبي الله ونعم الوكيل

    الله لا يبلاني والله يرحمنا برحمته

    ادعوا له يا اخوان ان الله يصلحه ان شاء الله ويطرح الرحمه فيه وفى قلب كل من قسي على والديه
     
جاري تحميل الصفحة...

مشاركة هذه الصفحة